.

[. @ak600q]

أحيان أحط اللوم في هقوتي لا أخترت
وأحيان أقول يا جعلها هقوتي : خيره

مالي ملام إن كان شافوني إتغيرت
أنا أكثر من كفى شره بس ما كفى . خيره

علي السلام ورحمة الله إذا قصرت
أنا أكثر بني آدم عطى : فرحته غيره

[. @ak600q]

من اول ادور على الفيّـه و عيني للظلال
و اليوم ما يفرق معي برد الحياه و حرها
ٰ
الي جنيته من حياتي كلمتين وراس مال
ان كان ما سريت نفسك ، ماحدٍ بيسرها .

[. @ak600q]

يقولون ياليت السحايب تبل الجوف
وأنا أقول : لاشفتوا سنا البرق نادوني

عسى وقفتي تحت المطر ياحبيس الشوف
تهوّن على نفسي .. مطيحك من عيوني

[. @ak600q]

الرازق الله والبشر ضمن الاسباب
لاتعلق امالك . . علي غير ربك

وان وفقك ربي ب يفتح لك ابواب
ويمكن يخدمك واحد مايحبك

[. @ak600q]

والله ان طيبي على كثر السواقي
مانضب ماه .. وتعكر سلسبيله

لا يردك شي ، عن ليلة فراقي
كان لك قلبٍ تبي تشفي غليله

خذ معك خوفي وصبري وأشتياقي
وأترك عيوني تشيل اللي تشيله

ولا تدور مثل قلبي ، ما انت لاقي
القلوب اللي مثل قلبي .. قليله

[. @ak600q]

رح الله لا يسامح وحشةٍ تطريك
كثر ماقل وصلك .. قل تقديرك

أنا : مهما فقدت اللي لقيته فيك
أبلقى اللي لقيته فيك ، في غيرك

[. @ak600q]

@4oxi1_ خسرت بعض المصالح من سبايب عنادي
لاموني الناس كني "مرتكب لي جريمه "

لا صرت مانيب في بعض الأمور انقيادي
انا كفيل النتيجه " فوز لا هزيمه "

[. @ak600q]

كان الطريق أنت واخترتك بدون استخير
كنت الخَطا ، والخُطا تاهت مشاويرها

أجامل الكل بـ الضحكه .. وماني بخير
وش ذنب الأحلام من قسوة مقاديرها ؟

ماانت أول إنسان خان وماانت حتى الأخير
حتى عيوني بـ غيابك " خان تعبيرها "

مصيرك ترد لي لا ضاق فيك المصير
تجيبك " الحاجه " إن ما جابتك غيرها

[. @ak600q]

الطيب يجبرني على ردة الطيب
واللي تردى " ماترديت " مثله

يحدني للطيب سلم ومواجيب
وكلٍ يعوّد ساعة الضيق لـ اصله .

[المُصْحَف @AlMosahf]

﴿فَدَعَا رَبَّهُ أَنِّي مَغْلُوبٌ فَانْتَصِرْ﴾