العد

@al3d01

"وتولني فيمن توليت ".

Joined January 2021

14 Following

109 Followers

1K Posts

Pinned Tweet

العد

@al3d01

almost 2 years ago

اللهمَّ صلِّ على محمَّد وعلى آل محمَّد، كما صليتَ على إبراهيم وعلى آل إبراهيم، إنَّك حميدٌ مجيد. اللهمَّ بارِك على محمَّد وعلى آل محمَّد، كما باركتَ على إبراهيم وعلى آل إبراهيم، إنَّك حميدٌ مجيد

العد

@al3d01

7 days ago

سلّم على اللي يدل القوم فالظلما ما ياجد الخوف مزبن في معاليقه يشرب كبار المصايب مثل شرب الما يوم ان بعض الرجال يغص في ريقه اهل الحكي فاللوازم تنقلب بلما وهرج السعه يعسر الرديان تطبيقه لو انها افصح من ازهير ابن ابي سلمى تصير مثل العجم في ساعة الضيقه جديع المطيري

العد

@al3d01

9 days ago

تزاحمت حول الظنون المعاذير وفضّلت عن كثر الكلام إنعزالي ما عاد أصدق سالفة سرّك ببير قطعت عن بير السوالف حبالي أسجّ من تفكير وأرجع لتفكيـر و أبـرك رحالي و أشدد رحالي إن زانـت الأخلاق تنبت نـواويـر وإن شانت الأخلاق زعلت غالي

العد

@al3d01

23 days ago

ياغايبه غاب القمر ليل الاثنين وانا على اطلال الغلا والمرابي كم دعوة راحت على ذمة امين وكم هقوة خابت على باب هابي الوجه ماه اغلا من الي تقولين والجاه يفرض هيبتي وانتسابي قلطت مقلاط الرجال الحشيمين وقرعّت عن حياض التقارب اركابي جيته بسلم وروس قوم وعزيزين وجدد سبايب وجعتي واغترابي عيا عليك ورحت وانا لا ذالحين ينشي على روض امنياتي سحابي اقفيت كن في مطلع الحلق سكين وكن الضلوع تجّر فيها الجنابي بين الالم والصده وبعدك وبين ذكرى بداياتك وزهرة شبابي جيتي وطيرتي فروخ الشياهين من الحمى الي في مداين رحابي لك في حرم سور الضلوع اربع سنين بعد العشر الاولى على سور بابي تدري وكل الناس ماهم بـ دارين عن ماضي حاضر وبين وغابي انتي عفيفه عرض وانا حمر عين من نزوة الهفوات بيض ثيابي ): محسن بن مترك

753

Who to follow

رهف

@s_f1770

على الله نسيّرها وحبل الرجاء ما خاب على الواحد اللي فيه الآمال معقوده.

حساب يهتم للشعر والشعراء

العد

@al3d01

25 days ago

من صارت احلامي على الواقع سراب صديت لا راجي , ولاني ملتجي صكيت بابك ؟ مستحيل اطق باب ! يخلي النفس العزيزه , ترتجي تبي الصراحه يوم جربت الغياب ؟ نهج المحبه ما يناسب منهجي ! الله يصبرني على طول العذاب اللي يجيني , لا تحريتك تجي !!

العد

@al3d01

about 1 month ago

ياكل العوض فاليوم والجاي واللي فات ياصدفه حقيقية وهي مثل الاسطوره طراة العلاقة لا تمادت ، على الشرهات وجاك الولد منعور .. والبنت غندوره وصالك . . يرجّع نبض قلبي وهو موّات بس الزين يلعب في غروري يامغروره ماآعرْف آتحكم في شعوري مع الحلوات أنا نفسي " آمّارة " على البنت الاموره فهد بن قطنان

148

العد

@al3d01

about 1 month ago

رفيقي اللي كنت طيّب فال وش غيّرك؟ وأيامنا هي هيّ مشاكل العالم عراض طوال لا ترخص الدنيا على أدنى شيء أهم حاجة.. شيمة الرجّال والوجه الأبيض والضمير الحيّ مشاري محمد

114

al3d01 retweeted

صالح النشيرا

@saleh_neshaira

about 1 month ago

كل مازادت ثقافتك الشعرية أدركت ان هناك شعراء كبار لم يُنصفهم الإعلام أو لم ينصفوا أنفسهم وفي هذا المقطع شاعر كبير من قبيله لايستغرب كون أمثاله واحداً من أبنائها..👍

135

432

163K

العد

@al3d01

about 1 month ago

مذهبك بين التناسي ونزعات الرجوع وهبةٍ من نفسي المُذنبة للصالحة رح وضحّك كل رمضى على سنين الركوع كل قاعٍ وابل خْطاك فيها فارحة لو قدرت أسرَّي الليل في فجر الشموع ما قدرت أصدّ باكر وأردّ البارحة ما تدلّهك الليالي وتجفاك الضلوع لين ينسى عازم البعد شيءٍ جارحه

العد

@al3d01

about 1 month ago

اليا بغيت اجلب من الذود ناقه وابيعها بالسوق واقضي لزومي قام يتدابا بالعروق الدقاقه شيً يعيفني طعامي ونومي فراقها قاسي ومرً مذاقه ماهو فراق مرودعات الوشومي فرقا العزيز اللي نتيجة فراقه تسهرك وتجمع عليك الهمومي مالي على الفرقا عزيمه وطاقه وش عاد لو تزرا عليّ الرخومي لافي الغيدانيي

126

العد

@al3d01

about 2 months ago

سواءاً آقبل ظلام الليل . . ولا آدبر ما للنجوم ثمره فـ غياب؛ قمراها البارح آحارب نعاسي عشان آسهر واليوم آدوِّر على الغفوه ولا القاها من سرع الأيَّام كن الناس ما تكبر يا كثر ما مرّها الوقت .. و تعدَّاها أعمارنا تنسرق من غير | لا نشعر | كم لحظة نعيشها لكن ما عشناها أشقى القلوب اللي ما تحتاج للمجهر كثر ما تدفع ثمن طيبة نواااياها واهل الوجيه الغبر فـ الواقع الآغبر ما طالت وجيهها لو طالت لحاها يبقون مهما اعتنوا فالشكل والمظهر مستنقعاتٍ يضرّ الشرب من ماها اليوم ؟ . . كلٍ يبي يصعد على المنبر يبحث عن أتفه رساله . . و يتبنّاها أبعدت عنها ابتعاد السامح المضطر لا آجامل أهل النفاق .. ولا اتحاشاها يازين شكل السما يوم السحاب امطر ذكرني . . بـ حاجةٍ كنت آتناساها الضحكه اللي لها عامين والا اكثر وانا على آحرّ من الجمر آتحراها تامر بمعروف وتحرّض على مُنكر هذا أجمل عيوبها وابسط مزاياها فيها من الذكر بين البيت والمَشعِر ومن الدعا الصادق اللي في زواياها يا « قلبي » اللي تحاول قد ما تقدر تلحق على اللي بقى — من بقاياها أعوذ بالله من؛ ( كآبة المنظر ) ! هذي سكاكينها ؟ والا هداياها ؟ يبدو لي ان مالنا مسلك ولا معبَر كل الطرق صارت تؤدي لـ ذكراها بنتٍ على كل ما يخفى وما يظهر ما شفت طلّة مثل طلة محيَّاها ما عاد باقي من الأحلام ما يُذكَر اللي ما كنّا نعرف نعيش لولاها أحلامنا اللي كتبناها على الدفتر تبكي على أحلامنا اللي ما كتبناها عبدالله السراهيد

545

العد

@al3d01

about 2 months ago

تحسد السما في كل خطوه عليك القاع وتحراك في كل الاماكن مواعيدي يغطيك من كل الجهات اسودٍ لمّاع لو شافه ابو الطيّب مدح لون الاخشيدي انتي مثل بيتٍ ممتلي كلبوه ابداع من المستحيل يصير في يوم تقليدي محمد آل شواي

397

العد

@al3d01

about 2 months ago

مرحبا.. والقصيد العذب يلعب دور في تعابير وجه الأطرق الهادي ايه معذور وإحساسي معه معذور كثر ماكنت أقول لـ قسوته عادي أنت.. يا عذب يا محلوّ يا مغرور ودّي أعيش عمري كلّه أنادي كل ماقلت أحبّك قلت لي مشكور لين وقّفتني في موقف حيادي شوفني كيف.. لا راضي ولا مجبور وأنت مرّة تحبّ ومرّة تعادي مرّت وجيه وأحداث وقصص وشهور ماثبت غيرك أنت وراية بلادي جيت مثل الصباح.. وغرّد العصفور رحت مثل السحاب.. وربّع الوادي موتتي فيك.. ماكانت بدون شعور موتتي فيك.. كانت يوم ميلادي مابقى من بصيص النور غير النور اللي بين القلوب وبين الأيادي مشاري محمد

العد

@al3d01

2 months ago

يشدني منظر كلام عيونك السود الوساع لو ضاعت احلامي مابين وصالها وصدودها في ليلةٍ فيها من انواع التردد والضياع الجرح يلعب في سماها .. والظلام يسودها أقفت خطاويك الخفيفه عن درايه واقتناع وانت الثقيل اللي حلفت انك ماعاد تعودها وشلون تبغاني اقود الحرب وافض النزاع والحرب ما قامت على شاني عشان اقودها ! بعدك عرفت ان التعب مخلوف والدنيا متاع وان ( اليدين العاجزه ) .. تقدر تفك قيودها انا الكلام .. اللي وقف بين الملاقى والوداع واصبح قصايد .. من مناشيها تحن رعودها نايف السراهيد

841

العد

@al3d01

2 months ago

تاهت على مفرق الحيره شفوف القلوب اللي جمعها الغرام وما جمع بينها.

العد

@al3d01

3 months ago

تنسْيك الأيام يا غصنٍ طواه الذبول ما طوّلَت شجرةٍ دلِّت عناقيدها أهون ضياع المدن في عين ترفٍ خجول ولا ضياع السنين أن عجَّزوا غيِدها والضحكة اللي عن البال الشقيّ ما تزول يعوْدني كل عام، وعيدها عيدها أقرَب من الودّ .. في عوِدٍ طواه النحول وأبعد من الصبح لا فلَّ الهوى جيِدها عجْزت تلمّ الدروب اللي جعل ما تطول ولا عجز يطوي فروع الظلام : إيِدها تقبل قبال الوسم، وتضيع مثل الحلول الله يبلّ الظمى، ويقرِّب بْعيدها كنّ النيا والفجوج الواسعة عرض طول أقرب على محتريها، من مواعيدها أن كانها تبغي الراحة، أنا ويش أقول كل ما تقلّ الطواري صوبها، أزيدها كنْها وجع غلطةٍ مثل السنا والأفول في كلّ يوم أستغفر الله، واعيدها ريَّانة العود، لدّي منْك طرفٍ كسول البارحة كل عينٍ ضمَّت وْليَدها قبل العمر لا ينسِّي كل قلبٍ زعول ولَّا الليالي تغيّرني تجاعيدها أنا بْصدري كلام.. وخايف أنّه يطوُل ردّي الحرس عن حروفي وإكسري قيَدها مهما كتبت القصيد، ودار مثل الفصول أنتِ قصيدة قديمة، ودّي أعيدها أعدّها، وأن تذمّر كل قلبٍ ملول؛ أملّ الأيام ـــ ما ملّيت ترديدها علّمتك الدرب ليلة؛ علّميني الوصول أنا طويت الرمال ــ وجرهدي بيدها عينٍ تراوى لها بين المسايير زول أستاذنت، والتهاني كنَّها تْزيدها يا عيدها، يوم مرَّ اليوم الأول عجول جاتك تدوّر بـ ثاني العيد عن عيدها صالح بن حمد

980

العد

@al3d01

3 months ago

من ليلة البارح، وأنا صمت محراب بعد الخلود ـــ وقبل فجر المدينة على طرَف كنّي دمع "مذنب" وتابّ ناطر متى ترميني ــــ جْفون عينه أقرا الليالي .. كنّي أقرا لي كتاب .. حتى تجيني في خبرها جهينة الله يزول أسباب ـــ ويهيّئ أسباب ومن يستعن به جلَّ شانه، يعينه وأليا كتب للعبد "رزقه" ولو شابّ ! ما أحدٍ بـ حايل ــــ بين رزقه وبينه رحَّال.. في بالي .. ووقّفت مرتاب فـ أطلال ما بين العشم والضغينة ومرَّت عليَّ وجيه، لأحباب وأصحاب .. ولا غايب ألَّا ما تسائلت "وينه!" هم عادوا أهلي؟ ولَّا هم عادوا أغراب؟ .. أو كل سنّ، ويستحي من سنينه؟ يا مستفزّ الحزن فـ صْدور الأحباب.. .. ما للحزن غير الصدور الحزينة لك بدر ما يظِلم.. ولك ليل ما شاب ولك برد ما يرضى بـ قسوتْه : ليِنه تشكّلَت، من غيمة، وغصن عنّاب: في طينةٍ ما هي بـ حي اللْه طينة عدَا عيونك، كانت طيوف من غاب ذكرى نسيمٍ هزَّ باب السكينة من شفت فيها موج، ورْياح، وأتَعاب رميت نفسي من عتبـة السفينة ! الموت في غبّة حور طرفك، أسباب عن عيشةٍ ماهيب فـ أيدٍ أمينة وشلون ترميني على سيِف الأهداب؛ واللي ما يفنا "حر" .. ينجى "رهينة" صمتٍ ما يبغي عن متاهاتك رْحاب؛ أتفه معاذيرك بـ عينه : سمينة عندي على كل إحتمالاتي عتاب .. .. كل إحتمال فْـ حينه .. وغير حينه الشمس لو تاخذ من المشرق غْياب؛ .. محال تاخذ لهفتي ياسمينة قريب، ليت الحلم يفتح لك الباب .. بعيد، ليت الدرب يندى جبينه مثل النهر، تتخلّل إيِدي وتنساب وتقِلّ بي، وتصبّ فـ أبعد مدينة

695

العد

@al3d01

3 months ago

على عين منسوعة جدايل و تلعى جيد تحد المشاعر ركب قافي على المسرى حبيبي ، لو انك بعيد عني يا زين العيد لا منه قدح زند الغلا ، و أشعل الذكرى انا راضي اعيش بـ خيالي معك و اعيد مواعيدنا ، تحت المصابيح و القمرى ولا يشغلك هم العذر يا عنود الصيد مردْ الزعل ينزاح .. و جروحنا .. تبرى يوم انك مشيتي دون كلمة و تلويح ايد عذرتك و قلت انه يبي موادعي و ازرى تعالي وسيِدي في حضورك جموع الغيد مثل ما يسود النور .. فـ الليلة الغدرى مشاعرك ضميانة محبة .. و رويّا كيد وعينك مضاربها .. ما ترحم ولا تدرى تقولين تنسى وش حصلك و اقول اكيد ! عذرها مسيل الشوق من محجر العذرى عمر الوهيطي

486

العد

@al3d01

3 months ago

عسى غيمٍ على دار الحبيب رْكام تلوح بْروقه ، وترجف مراعيده يفزّز كل ذاوي من نفل ، وخْزام ويطرق عوده الغَضّ .. وجراهيده تسيل ، ولا تجَفّل قايد الاريام هدير الما يدندن له تهاويده يذكرّني صبيب الغيم فيه شْمام لاحوّل من سماه ، وْسال في بيده مقاطير المطر على شفيف الجام محاويل الدموع بـ ناعم خْديده ابو قدٍ تِقل ماخِلق فيه عْظام وجودي ليتني سلسال في جيده يا قوّه يوم قفّى يسحب الاقدام وخلّى صدري لْـ حرّة تناهيده وخلّاني على الآمال ، والاحلام معلّق في رجا الله ثم مواعيده يضحّكني من يقول العوض قدّام وانا في كل يوم ارقب معاويده وَنَس كل العمر عشته زمان العام يا ليت انّ الزمن ينعاد ، واعيده يمرْ مْن البشر مايشبه الانسام خبرتوا من مسك نسمة هوا بيده !؟ ومع ذلك انا عندي يقينٍ تام يقينٍ مَحَض ما يحتاج تأكيده احسّ بْيرجع بْيومٍ من الأيام متى هاليوم هذا ..؟ صعْب تحديده فهد العيبان

888

العد

@al3d01

3 months ago

جيتي من آخر زمن ولا من أول مطاف ولا من غواية الدنيا ونزواتها لي قلب ياما ثعى فيه القلق لين خاف من ضحكة وجيه كنت أحب ضحكاتها ياوجهي اللي غدا بين السنين العجاف تقاطعته الشكوك وسوّت سواتها لا تجزع من البكا مافي دموعك خلاف الناس ماتبكي الا من معاناتها بكره يطيح السحاب ويرجع الحزن حاف والروح تأخذ مع الأيام مشهاتها جعل النفوس النقيّة والقلوب النظاف ماتنطوي غير في ذاتٍ مثل ذاتها مشاري محمد

281

العد

@al3d01

3 months ago

أحمد الله وأشكره والأدمي وش ودّه غير سيلٍ تحت رجلينه ووبلٍ فوقه السحابه تنطح الأخرى وهي مسودّه والسماء ماكنها الا قربةٍ مشقوقه ناصر الحمادين

130

العد

@al3d01

Who to follow

Last Seen Users on Sotwe

Trends for you

Most Popular Users