يا سنا الصبح خذني للحياة و هواها
ملّت النفس من ليلٍ عثت فيه جِنّه
قصّر الدرب خطواتي وكذّب مداها
وأنفجر بالضلوع العوج علمٍ تكنه
ما سرت ليلة البارح و زاحت غشاها
لين هليت دمعٍ تنبت الأرض منه
ليه أرد العيون اللي غِذا الروح ماها
والبكاء جملته ( غير البكاء خوف ) سنة
أدري إن الحسايف طيبها من رداها
و أدري إن العمر ما طافني، وأدري إنه
لو عبسّ من صدوف ظروفي ومن غثاها
بيتشالى بحول اللٓه و يبيْن سنّه
يالله إني دخيل برحمتك و بحماها
من مدى خاطرٍ من حول كنه و كنه
المقادير ترمي رميةٍ ما وراها
والبشر هرجها تصلاه مدري تسنه
لا يلوموني بناسٍ تزايد لغاها
بدوٍ أجلاف حتى وجهها ما تحنه
يطمعون بمقامٍ ماهو بمستواها
ويتمنون طيحة كاربين الأعنّة
إن سكتنا تحسب جنوبنا من عشاها
و إن هرجنا تحط إن طيبنا فيه منّة
خيرها في معاياها و شوحت خطاها
وشرها لـ القلوب اللي ربت مستكنة
من كثر ما عطت كبدي ليا منتهاها
خايف آخذ براي إبليس و أرد عنه
جعلها فدوة اللي نيته ما خافاها
أبلجٍ يطبخ الدنيا بهيله و بنه
منوة الضايقين من الزمان وحجاها
و مزبن الراي بالوقت العصيب ومغنه
أتنصاه و أعيّن لروحي دواها
في زهابه وفي وجهه وذوقه وفنه
ثابتٍ ما تحركه السنين بعصاها
لو تقول بتوافيقه وتحتال ظنه
كل ليل ونهار وعادته ما جفاها
لـ أسمن الكبش دم و لـ أزرق العود خنة
ما زهد في حقوق الصاحب ولا نساها
وزاهدٍ فالثنى و المدح لو ما يجنه
مع جنابه عن العالم وعن مشتهاها
كل الأيام يوم و كل الآراض جنة
يا عل عينٍ مابكت فرقا الاضعان
تعطى النويفج لين تذبل ذبليا
اليا شدوالعربان منعقب مقطان
والصبح منهم جانب العد خليا
وتفرقو من نقرة العد سلفان
احد رحل جنوب واحد شمليا
واقفووراحومع وسيعات الاوطان
وكل على سفن الصحاري رحليا
عليهم الخافق تقل فيه نيران
وتصلاه غمزات الهواجيس صليا
والكلام بلافعل قالوا أهل العلم عيب
والوفاء محفوظ لأهل الوفاء بعد وقبل
والرجل يرفع حجاجه ويقِبل مايهيب
لك على وضح النقاء لايبوق ولإيحبل
والردي مايقدر الطيب لو حاول يطيب
ولايحاول يزرع أرض الصبخ غير الخبل
تتصدى حالياً الدفاعات الجوية الكويتية لهجمات طائرات مسيّرة معادية.
تنوه رئاسة الأركان العامة للجيش بأن أصوات الانفجارات، إن سُمعت، فهي نتيجة اعتراض منظومات الدفاع الجوي للهجمات المعادية.
ويرجى من الجميع التقيد بتعليمات الأمن والسلامة الصادرة عن الجهات المختصة.
#الجيش_الكويتي