بعض السوالف ليتها ما تطرّا
البعد عنها يامسولف غنيمه
ابعد عروض الناس عنها تدرّا
احفظ لسانك عش بنيّه سليمه
من ينقل الهرجه تخفّى بشرّا
اعلم ترا ناقل عليكم نميمه
ضاعت حياته في كذب له مذرّا
ينشر خرابه في مجالس ظليمه
عوّد لسانك في كلام ٍ يسرّا
ارفع علومك خلّها لك وسيمه
#وليدالبسطي
اللهم إنا نسالك عفوك عما فات وحسن تدبيرك لما هو آت اللهم أصلح الحال وأرح البال وبشرنا بما يسرنا وكف عنا مايضرنا أسأل الله العظيم أن يعطينا واياكم خير ما يعطي السائلين وأن يجمع لنا ولكم بين صلاح الدنيا والدين.
اللهم إنا نسالك عفوك عما فات وحسن تدبيرك لما هو آت اللهم أصلح الحال وأرح البال وبشرنا بما يسرنا وكف عنا مايضرنا أسأل الله العظيم أن يعطينا واياكم خير ما يعطي السائلين وأن يجمع لنا ولكم بين صلاح الدنيا والدين.
بديت باسم اللي على الكون رحمن
ربٍ كريم ورحمته تاسع الكون
بديت من وين انتهى كل هيمان
في عشق معشوقه ومن حب بجنون
واسرجت هاجوس الفكر فوق ربدان
خيلٍ تشوّق في المدى سير وظعون
واسريت في ليلٍ به الصبح ما بان
أرعى كواكب فكرتي وارسم فنون
واقطعت بحر الشعر ديوان ديوان
انقّي الجزيلة واكتب البيت موزون
والحمدلله يبتها دون نقصان
والكامل الله واهب وفضله يمون
مخلّفٍ شعري من ظهور يدّان
ما هوب زيف ولا وطى شعري الدون
ترثة (بني ياسٍ) من (أولاد مروان)
وسّامة العرقاة .. وان داور الكون
تدوي بنادقهم .. وتشتبّ نيران
عند الملاقا لو على الموت يردون
و(ضبعان) شل البيرق وثاب (ضبعان)
ومعاه صفٍ من على الهين يرمون
تحيا الديار ولابتي درع وأركان
يشهد لهم تاريخ بالعز مرصون
يا كم صدّوا دون الاوطان عدوان
وكم قدّموا نفوسهم فزعة وعون
وشيخٍ عليهم ما نهب لا ولا شان
تشهد له العربان من قاصي ودون
يد الشيوخ اللي حموا ساحل عمان
من قاصي الظفرة في الحفظ والصون
يبقى ولانا دايم (لّآل نهيّان)
و(لآل مكتوم)، وشفّنا واحد يكون
شوّابنا ع العهد ماتوا، وما كان
ذاك الزمن خلّد لنا مجد مصيون
ذاك الزمن لليوم له صيت رنّان
حتى الحروف ترن، هل كيف تقرون ؟
واليوم عييت بي تباريح واحزان
من زود ما شفته بهالوقت يا عون
وادركت بان العمر رحلة والانسان
فيها غريب ولو بنا دور وحصون
واعرفت بان الناس أجناس والوان
وبعض الاوادم لون ونفوسهم لون
ولا كل ما تنظره بالعين ينبان
ولا كل ما تسمعه صادق ومضمون
ولا كل من يضحك بهالكون فرحان
يا كم ضحكة تخفي دموع وشجون
ولا كل من يبكي بهالكون زعلان
يا كم ناسٍ للمصالح يصيحون
ولا كل من يشكي على حق يا فلان
يا كم راعي حق ساكت ومغبون
ويا كم من تامنه ويصير خوّان
ويا كم من تبغضه ويصير لك عون
ويا كم في دار المسنين شيبان
هلهم نسوهم وآعجب ما يحسون
حافظ على الماضي على ذيك الازمان
اللي بها الايواد كانوا يعيشون
ما قد فرقهم مال زايل وبنيان
ولا غيّرتهم شدّه وفقر ومحون
الضيف من يضوي عليهم له مكان
وما خاب من يزبن ولا خاب مديون
وان صاح زقر الكون في شف الاوطان
نشّوا فداها لو على الموت يغدون
يا ليت ذاك الوطر يرجع كما كان
وترد عاداته وناسه يردون
ويعل تسقي دارنا بيض الامزان
من فضل يا اللي بيده الكاف والنون
تتفتّح الازهار وتسيل وديان
ويشبّ عشبٍ في ثرى البيد مدفون
وانهيت باسم اللي على الكون رحمن
ربٍ كريم ورحمته تاسع الكون
حمد بن مشوط المري
أدام الله السڪينة في قلوبڪم والسعادة في بيوتڪم والصحة في ابدانڪم والتوفيق في حياتڪم والأمن في دروبڪم والبرڪة في ارزاقڪم وجعل الله ذڪره لا يفارق ألسنتڪم والفردوس مستقرا لڪم ولوالديڪم وذريتڪم واهليڪم وڪل عزيز وغالي عليڪم .
أدام الله السڪينة في قلوبڪم والسعادة في بيوتڪم والصحة في ابدانڪم والتوفيق في حياتڪم والأمن في دروبڪم والبرڪة في ارزاقڪم وجعل الله ذڪره لا يفارق ألسنتڪم والفردوس مستقرا لڪم ولوالديڪم وذريتڪم واهليڪم وڪل عزيز وغالي عليڪم .