الــهجــوووس

[الــهجــوووس @al_hajoos]

دورات الايام تكشف كل متخبّي
مثل مايكشف زناد البندق العدّه
ياحبني للرفيق الوافي .. و حبّي
للاّزم اللي يجيني فيه واسدّه
وان شفت راع الجميل اقول ياربّي
انه يجي له لزوم عندي اردّه

[الــهجــوووس @al_hajoos]

جمايل في غير اهلها مالها خانه
لو تبذل الجهد والمجهود مابيّن
من حاضر الوقت والا ماضي ازمانه
الكايـد ايكـود والا الهيّـن هويّـن .

[الــهجــوووس @al_hajoos]

الطـيب مـايـشرا بـدينـار وريال
الطـيب طبع وللـخـلايـق جبله
كم من فقيرٍ بالـزمـن مـعـدم الحال
آليـا حـضر فـي مـجلـسٍ ما تمله
وكـم مـن غنـي بـكثـرة المال يختال
لـه مـنـزلٍ لاشـك مـحـدٍ يدله
المـرجـلـه درسٍ يـدرس للأجيال
يوم الردا يرث على القلـب عله

[الــهجــوووس @al_hajoos]

من طاب طبنا له بكـل الـمـنـاويـل
ومن خاب ترجع خيبته فوق راسه
فـي روسنا حكمه وحنكه وتبجيل
وكلً نفصل فـوق حجمه مقاسـه
ولاكـل برقً لاح يطمع بـه السيـل
تخيب في بعض البروق العساسه
لو زان برقه في نصوب الـمخاييل
قـــاعٍ يــمــره مـاتـغـيـر يـبـاسه

[الــهجــوووس @al_hajoos]

لعـل مابـينـي وبـينـه مـواصـيل
الـي ورا طـرد الـعـلـوم يتـلـهّب
واليا عزمته وأنت عندك رياجيل
كـنك تحـاضي لك سلاحٍ مزهّب

[الــهجــوووس @al_hajoos]

لو نطلب الناس ماسرت ولا ضرت
الخالق الله .. وحنا من مخاليقه
يالله .. بنفحات جودٍ كل مامرت
يمر معها فرج ربي.. وتوفيقه

[الــهجــوووس @al_hajoos]

يا الله بغيثٍ يشرح الصدر نوّه
خمسة عشر ليلٍ مطرها هماليل

[الــهجــوووس @al_hajoos]

https://t.co/k6Y2mHaGHV

[الــهجــوووس @al_hajoos]

على الهون ياسود الليالي تراني ماش
ونفسي من ظروف الزمن باح خافيها
عيوني على حظي وحظي طريح فراش
والآمال ما ندري على وين تاليها

[الــهجــوووس @al_hajoos]

شيلة يا أبوك لا تنزل على جال الأنذال https://t.co/A8bDNjiOtl

[الــهجــوووس @al_hajoos]

ياكثر مانسمع من القيل والقـال
شيءٍ يجنـبـنـا وشـيء يعنانا
ولو كل مانسمع نحطه على البال
كان الهــروج العـوج بذّت خـفـانـا

[الــهجــوووس @al_hajoos]

لا تفرط فـ النصيحه و تمشي في هواك
دااام لـ الدعـووى تماااكن و للـزله غطا
والله ان الواااحد اللي يعلمك بـ خطاك
اطيب من اللي يجاملك في فعل الخطا

[الــهجــوووس @al_hajoos]

ودّنا إن هقـوة كبار الهقـاوي ما تخيب
مير بقعا ماتصافي والايام امحقا
علم اللي من دروس الزمن ماله نصيب
عادة الايام تخلف هقاوي من هقا

[الــهجــوووس @al_hajoos]

لا تخضع ولا تخشى سوى المفني الخلاّق
ترى الناس لا تفني ولاهيب خلاّقة
ولا ترتجي غير الله المانع الرزاق
ترى الناس لا تمنع ولاهيب رزّاقة
وحياة البشر مابين لمّة شمل وفراق
ولا يفقد إلا طيبٍ .. يوجع فراااقه

[الــهجــوووس @al_hajoos]

عسى الله يمنعنـا من الضعـف والمنقـود
وخطايا الذنوب الي على العبد منحسبه
وصدوف الزمان وحاجه ما وراها فود
ورفيـقٍ على الشـدات مانيـب محتسبه

[الــهجــوووس @al_hajoos]

جعل قلبً ماتحسه محاسيس الرجال
ولايعرف اللي يحبه من اللي مايبيه
ينقطع قطعت دلي تقفتها الحبال
في جبا عدٍ طويل يضيع الشوف فيه
مثل خطوا قلب خبلٍ تغشاه الهبال
مايعرف اللي له ولا يعرف اللي عليه
ولايحس بما تحسه شغاميم العيال
ميتً قلبه عسى الله يعوض والديه

[الــهجــوووس @al_hajoos]

الرجل له في ماكر العز توجيب
يرقى على روس الصعايب بطيبه
ولا الردي حايد هل الجود والطيب
يآخذ من حقوق الفشيله نصيبه !

[الــهجــوووس @al_hajoos]

قلوبنا ما تعرف الحقد و الصد
و نطيب فـاللي ما يطيبون فينا
و نحبّ لكن فـالمحبه لنا حد
لا وصلت لحد الكرامة مشينا
و ان ضاقت الأيام نوقف لها ند
نضحك لها من قبل تضحك علينا

[الــهجــوووس @al_hajoos]

الخوه اللي تعز الرجل وتسرّه
أتعب على شانها وأختار راعيها
صميدعٍ ترسي الهقوات في برّه
مايستمع للضعوف ولايحاكيها

[الــهجــوووس @al_hajoos]

قـدر مقام اللي يقدر .. مـقامـك
واجز الذي عاملك بالخير خيرين
إحـذر تـنقص للوفـي اهتمامـك
ما يجحد الوافيـن غـير الـرديين