بـادي

لعل خيالي أوضح من وأقعـي

[بـادي @alajmi66]

لك الله ياطـيـر حزين فقد مـأواه
فقد شجرة يلقى به الامن والظلي

تـعـزون والا ماتـعـزون يا ابـويـاه
مـايجبر مصابي كلمتينٍ تقالالي

[بـادي @alajmi66]

دايم الصامل من الله على الدنيا معان
والضعيف طول عمره ضحية مرحله

[بـادي @alajmi66]

تغاضي ياعيوني والسنين قصار
مادام الوقت لا أنصفني ولا أنصفته

أحب اللي مضالي وأكره التكرار
وأشوف اللي يخوفني ولا خفته

غريب شعور والواقع غريب أطوار
كثر ما كنت راضي كثر ما عفته

ياكثر اللي تحاشيته يصير و صار
ويا كثر اللي تمنيته و لا شفته

[بـادي @alajmi66]

طوينا الهقاوي في دروج الضماير طي
بعد ما عرفنا سود الايام وش حاكن

انا وانت ووجيه المعاذير هذي هي
تمعن وشف فعلك على وجهها الداكن

واذا حدّتك دنياك بانك تردى عيّ
ترا الطِيب له مضراب بين العرب ماكن

يمين الكفو تصنع بطولات من لا شي
ويمين الضعيف يموت ما حركت ساكن

[بـادي @alajmi66]

مهما تحسّسك المشاعر والظنون
ما فيه أدق من العقول ، إذا وعَت

[بـادي @alajmi66]

يموت الحلم في صدر الفقير ولا يشوف النور
لا كنه لـ اغتنى روحه تعود له " بعد موته "

يعيش بـ عالم يجمع رغد عيش وهنا وسرور
وينسى مامضى من عيشةٍ قشرى وممقوته !

بعد ماصار صدري مقبره وضلوع صدري سور ؟
متى احلامي تعيش وكل حلم اسمع صدى صوته !

[بـادي @alajmi66]

تعطيني الخبرة قراءة واضحة للمعطيات
الراحلين اصدق وسيلة لـ اكتشاف المقبلين

ادراكي المسبق وتحليلي وفهمي للذوات
سبب فشل مجمل علاقاتي مع المتلونين

[بـادي @alajmi66]

كم حاجةٍ رخصتها لاجل مبداي
راحت وانا بتطيح كبدي عليها

[بـادي @alajmi66]

«قِيمة الإنسان فيما يُحسن اختيارُه»

وعلى قول متعب بن مرزوق:
«حاول انك بالحياة تصير واضح و انتقائي
بالكلام وبالقصيد وبالدروب .. وبالرفاقه»

[بـادي @alajmi66]

انا اجزم ان لغة العين هي اصدق لغه
تنطق اذا صمت صاحبها ولا تصمت ابداً
الي بيت في هالموضوع :

دام الشعور الي يجينا ما يعبره الكلام!
العين مضمون الشعور تعبره نظراتها

[بـادي @alajmi66]

فيه مرحلة بنهاية الحُب اسمها "موت اللهفة"
استشهد بـ بيتين يقول :

لا الهجر مرضيني ولا الجرح مألوف
خذيتني .. من راحتي لـ المضرّة

ما عاد في قلبك على احلامنا خوف
ولا عاد في صدرك من الشوق ذرّة

[بـادي @alajmi66]

مذهبك بين التناسي ونزعات الرجوع
وهبةٍ من نفسي المُذنبة للصالحة

رح وضحّك كل رمضى على سنين الركوع
كل قاعٍ وابل خْطاك فيها فارحة

لو قدرت أسرَّي الليل في فجر الشموع
ما قدرت أصدّ باكر وأردّ البارحة

ما تدلّهك الليالي وتجفاك الضلوع
لين ينسى عازم البعد شيءٍ جارحه

[بـادي @alajmi66]

شيب عيني من دليقٍ على الصدر العريض
كاسيٍ مثل الزبيدي بطرّاف الفياض

[بـادي @alajmi66]

نسيت نووم واحلاممه
#جورج_وسوف

[بـادي @alajmi66]

النسيان صديق عجوز،
ينام دائماً قبل منتصف الليل ويتركك وحدك

[بـادي @alajmi66]

ياغرام القلب يامنوه خفوق الهايم
يانسيم يطرقه صلف الهوى ويهبه
'
ياعسى ضرف يحدك عن وصالي دايم
مايحد القلب من وده . . وصادق حُبه

[بـادي @alajmi66]

رقيق الحديث اللي على الكبد كنّه ماء
تباشر به نفوسٍ من الوقت منلاعه

عليه الضماير من صدوف الدهر تضما
وعلى جاله القلب الشقي يفرد شراعه

[بـادي @alajmi66]

متفائل بشكل مايوصف وعندي يقين
اني تجاوزت بأمر الله تعالى الشقى

أيام وأعانق الفرحه معانق ثنين
تعانقوا فالوداع اللي مابعده لقى

[بـادي @alajmi66]

محمد المقحم يقول :إذا خُذل الإنسان الفاضل هرع يركض نحو الرذيلة وكأنه يريد أن ينتقم من كل فضائله السابقة

وفي صياغة أخرى :
عشتُ ثلاثين أول العمر حذر ومستقيم
لا تصيغرت الكباير ولا قرّبتها

وعقب خذلان الهقاوي وفقدان النديم
خربت صروح المبادي و أنا خربتها .

[بـادي @alajmi66]

الخاطر اللي يلحقه في تالي الايام جور
يحتاج له عزله عن العالم .. وصبر يسعفه