alajmi

" لنا في اللهِ ظَنٌّ لا يخيب "

[alajmi @alajmm99]

الوجيه اثنين متبسّم و عابس
لا حداك الوقت لأرقام الشريحة

فيه رقمٍ لا قبس للنار قابس
وفيـه رقـمٍ للسواليف المليحة

الدليل أتشوف معلاق الملابس
مـا يقوم بـدور معلاق الذبيحـة

[alajmi @alajmm99]

مافيه مثل العافيه ستر وغناة
ان جات للمسلم ،، تراها كافية

كم واحد يطلب ملذات الحياة
واذا مرض مايطلب الا العافية

[alajmi @alajmm99]

صبرنا على ماجابه الوقت زين وشين
ولا ضعّفت .. صكات بقعا .. عزايمنا

نحشم الرفيق ولا مشينا ورا المقفين
وعلى نخوة الناخين نحذف عمايمنا

[alajmi @alajmm99]

عسى بخيلٍ بالكرم ما تكلف
فدوة كريم ما لفابه غدا به

اضيق لاشفت الكريم يتسلف
ودي ملايين الردي في حسابه

[alajmi @alajmm99]

اتناسى واتجاهل واقول اني ، سعيد
وان خذيت شوي جاني عن الناس فهّوه

وانت ياللي تحسب انك عن الخاطر بعيد
والله اني ما نسيتك ولا عنك سهّوه

اتمنى شوف وجهك لو أني ما أستفيد
كون كلمه وابتسامه وفنجال ، قهوه

[alajmi @alajmm99]

الحياه اقصر مْن الحرص والترتيب
لــو نفـكًر نـواقصنا زوايـدنا

ان بغيـنا الردى ماردّنا الا : الطيـب
وان بغينا نطيب فهي عوايدنا

[alajmi @alajmm99]

وصلت لـ اخر مرحله فالتجاريب
صرت انظر الساعه علشان اصلي

دنيا بدون الدين ومزارق الطيب
والله ماتسوى قومتي من محلي

[alajmi @alajmm99]

تعوّضك في خساير وقتك ارباحه
ياللي تقول الليالي ضيّقت صدري

وضع الدهر مثل وضع الشعر فالساحه
اللي تجمّع بها الفوقي مع الحدري

غامر لو الصبر ضاع و ضاع مفتاحه
و الحق على لذّه الايااام من بدري

ترا حياة الرغـد و النـوم و الراحـه
تأخذ من ايام عمرك وانت ما تدري :)

[alajmi @alajmm99]

يقول سفر الدغيلبي:
نوبه وغيبوبه وسجّه وهوجاس
أروح للدكتور وأرجع وهي هيّ

اربع سنين اجحد غرابيل الاتعاس
والمشكله زادت علي السنه ذي ّ

عقب اتساعة خاطري صرت حساس
حتى الرفيق الكفو ما اقبل منه شيّ

أخفقت واجد فالتعامل مع الناس
مدري البلا فالناس ولا البلا فيّ

[alajmi @alajmm99]

الناس تنصاني ياربي وانا ازبنك
وعن سدة الحاجه ماعرف اتخلّف

هم يحسبون اني على خزنة البنك
وانا اتسلف دون وجهي واسلف

[alajmi @alajmm99]

حقها عندي كرامة ذكرها عفه وشيمه
ولا أنا مالي عليها لا حقوق ولا وصايا

أمشي لحالي ولا عندي سوى ذكرى يتيمه
لا حواليني دروب ولا حواليني قرايا

وأتلفت في مهب الريح عن وحده قديمه
أقبلت مثل الحياة ودبرت مثل المنايا

[alajmi @alajmm99]

لي نفس ماني معودها على الذله
تشوم عن داني الحاجات وتعيّي

[alajmi @alajmm99]

كل يوم وهاجسي في حروّته
انتظر والشوق ما يلعب معاي

ورغم هذا الانتظار وقسوته
انتظر لي واحدٍ ماهوب جاي

[alajmi @alajmm99]

يامصعب العمر لمن صار بالمنتصف
لابه جهالة صغير ولا وقارة كبير

[alajmi @alajmm99]

حبيبي لا تخشى ضيعتي والحياة أقدار
ضياعي حقيقة عمر ماهيب منجحدة

تبيها وصل ، ولا تبيها فراق اختار
أنا ما قدرت أختار منها ولا وحدة

[alajmi @alajmm99]

جعل العوض في مقبلات الليالي
ويالله عسى اللي يشرح البال نلقاه

[alajmi @alajmm99]

سايق ركاب الدعاوي على باب الكريم
طامع ٍ في مد جوده وستره والغناه

[alajmi @alajmm99]

اي والله إن الزمن غيّر عناويني
ماعدت انا الاولي ياوقتي التالي

اول ليا رحت ادوّر من يخاويني
واليوم ما ادوّر الا السجة الحالي

[alajmi @alajmm99]

على الله يزين الوقت وان كان مازان
مقاسيم ربي كلها " عندنا خيره "

فلا غيره المعطي ولا غيره المنان
وامور البشر تخضع لحكمه وتقديره

[alajmi @alajmm99]

أنا الواعي اللي مابعد فات ذهني شي
لو إن التغاضي عن بعضهم يلاحظ بي

أعرف الوجيه اللي ، تمنى السعاده لي
مثل ما أبخص اللي مايداني يرحب بي