هرمنااااااا
بعد سنة نعود باذن الله.
اخذت وعد على نفسي ما افتح المحفظة إلا بعد سنة خسران او كسبان. متوكل على كاتب الأرزاق.
اليوم الثلاثاء 16 ديسمبر 2025
نعود في 16 ديسمبر 2026
ودعاً 🤑🌹
#تاسي_تداول#تاسي#سوق_الأسهم
لقائي كاملا في برنامج الليوان مع المتألق الأستاذ عبدالله المديفر
@almodifer
إذا عندكم اسئلة متعلقة بمحتوى الحلقة تفضلوا 🙏
إذا لا، أشكر لكم وقتكم ❤️❤️❤️
https://t.co/vDqCLfYRju
تجيني رسايل خاصة من ناس تمركزوا بسعر جذاب في شركات ممتازة ومابينهم وبين الربح الا الصبر لكنهم لسبب أو لاخر يهوجسون بالبيع وجني الارباح القليلة الان .
تأملت رسائلهم وعلمت ان الدنيا أرزاق واذا الله ماوفقك تصبر اعرف انها ماهي مكتوبة لك ، وسوف تبيع رغما عنك .
نهنئكم بشهر رمضان المبارك، ونسأل الله تعالى أن يبارك لنا ولكم وللمسلمين في هذا الشهر الفضيل، وأن يتقبل منا ومنكم صالح الأعمال، وأن يديم على بلادنا الأمن والرخاء.
دعني اشاركك سر بسيط لا يحب سماعه الاغلب:
أهم صفة تساهم في نجاح الفرد ليست الذكاء ولا الحظ.. بل الاستمرارية
مواصلة العمل عندما يفقد الآخرون الحماس = أفضلية كبرى للتقدم في الحياة
النجاح غالبًا صبر طويل وتنفيذ يومي.. وقد يظهر مبكرًا، لكنه غالبًا يأتي متأخرًا
ممكن احد يفيدني ويكسب اجر.
قصة حزينة جدا
وصلتني حالة شاب من الجنسية التشادية تعرض لكسر مضاعف في الفك داخل المنزل سقوط من الدرج لا يحمل اقامة وله اكثر من شهرين لم يحصل على العلاج اللازم.
لا جميعات قبلته ولا مستشفيات حكومية ولا خاص. ودي أساعده ولكن لم اجد حل. ساعدونا بالحل.
نقلت لكم هذه القصة الواقعية التي فيها عبر للمعتبرين:
رجل تركي اسمه "خير الدين أفندي"….اشترى ذات يوم عنبا، وأرسله مع خادمه ليوصله إلى زوجته في البيت.
وعندما عاد إلى البيت في المساء، وبعد أن أخذ قسطا من الراحة طلب شيئا من العنب ليأكله، فقالت له زوجته: لقد أكلناه ولم يتبقى منه شيء.
فقام الرجل خير الدين من مجلسه، وخرج مسرعا من البيت وزوجته تنادي عليه، وهو لايستجيب لها .
ذهب لأحد سماسرة الأراضي، وقال له أريد شراء قطعة مميزة من الأرض.
ثم ذهب إلى مقاول، وطلب منه أن يبني عليها مسجدا وفورا.
ثم رجع إلى بيته فسألته زوجته: أين كنت؟
فقال لها: الآن أموت وأنا مستريح، فأنتم لم تتذكروني بحبة عنب وأنا حي بينكم، فكيف ستتذكروني بصدقة بعد موتي .
هذه ليست قصة من الخيال،
الآن عمر هذا المسجد (400 عام)، . وإسمه (كأني أكلت العنب)، وهو في اسطنبول ويتسع لـ200 مصلي .
والمسجد صدقة جارية لهذا الرجل، الذي اتخذ من حبة العنب درسا وعبرة .
نصيحة
قدم لنفسك قبل موتك، ولا تعتمد على أحد لفعل الخير نيابة عنك💐.
🔴 بلا عقار وبلا ذهب وبلا أسهم ..
ماليزي اشترى دومين ai دوت في عام 1993 بسعر 100 دولار
وبعد 30 سنة باعه 70 مليون دولار!!
هذا معنى "ربّ رمية من غير رامٍ" 👌
بعد سنين يا صديقي ..
راح تستوعب ، إن الصبر في سوق الأسهم هو "حرفياً" سلاح ثقيل، سلاح استراتيجي، أقوى من أي مؤشر وأدق من أي نموذج مالي.
في البداية كنت أظن مثلي مثل كثير من الناس إن الذكاء هو اللي يصنع الثروة، وإن سرعة القرار هي اللي تقتنص الفرص.
لكن ، مع الوقت فهمت إن السوق يحب يختبر أعصابك قبل ما يكافئ عقلك.
كثير من الفرص اللي شفناها ترتفع قدامنا وقلنا راحت علينا للأبد، ترجع بعد شهور أو سنوات بسعر أحسن، وبجودة أوضح، وبمخاطر أقل.
فا ركز معي بعد إذنك :
السوق بطبيعته دوري، يتحرك بموجات نفسية قبل ما يتحرك بأرقام مالية، وكل موجة اندفاع يقابلها موجة خوف، وكل قمة فيها مبالغة يقابلها قاع فيه مبالغة أكبر.
أذكر شركات كانت تتداول عند مضاعفات خيالية، والناس تقول اللي ما يدخل اليوم ما يلحق بكرة، وبعد فترة بسيطة رجعت لنفس المستويات اللي قبل الانفجار، وبعضها أقل.
اللي كان مستعجل خسر أعصابه وفلوسه، واللي كان صبور كان جالس ينتظر على جنب، يراقب، يحلل، ويجهز سيولته.
الفرق بينهم ما كان في الذكاء، بل أراهن إن كلهم أذكياء ، لكن كان في القدرة على التحكم في الرغبة.
الرغبة إنك تلحق القطار، إنك تكون داخل مع القطيع، إنك ما تفوت عليك الحركة.
استوعبت إن السوق يعاقب الاندفاع أكثر مما يعاقب الجهل.
ممكن تخطئ في التقييم وتعدل، لكن إذا فقدت صبرك وصرت تشتري بدافع الخوف من فوات الفرصة، أنت هنا ما تستثمر، أنت تطارد سراب.
والسراب دايم بيهرب منك.
اللي تعلمته بالمعنى الحرفي :
إن الفرص ما تختفي، هي تتنقل بين أيدي الناس.
اليوم الفرصة تكون عند المتحمس، بكرة تنتقل للي فقد الأمل، وبعدها تستقر عند اللي كان صبور.
الأسعار ما تطير للسماء بدون ما ترجع تلمس الأرض، حتى أعظم الشركات مرت بدورات تصحيح، وحتى أقوى الاتجاهات أخذت فترات هدوء طويلة.
والله ما قدرت استوعب كيف وصل $NVDA 87$ في أبريل 2025 ، وغيرها الكثير.
اللي يملك صبر يقدر ينتظر اللحظة اللي يصير فيها السعر أقل من القيمة، والضجيج أقل من الحقيقة.
لذلك الصبر يخليك تشوف الصورة كاملة.
يخليك ما تنخدع بالعناوين ولا تهتز مع كل خبر عاجل.
يخليك تفرق بين تقلب مؤقت وتغير جوهري.
يخليك تدرك إن السوق ما هو سباق سرعة، هو سباق تحمّل.
اللي يركض في أول كيلومتر بأقصى طاقته غالباً ينهار قبل النهاية، لكن اللي يعرف يوزع جهده ويوزن خطواته يوصل وهو ثابت.
أفضل أرباحي ما جت من حركة سريعة، جت من انتظار طويل.
من أيام كنت أشك في نفسي وأسأل هل فعلاً فاتتني الفرصة؟
وبعدها السوق بنفسه يرجع يفتح الباب من جديد، وكأنه يقول لك إن الفرص ما تنتهي، بل اللي ينتهي هو صبر الناس.
كثير من المستثمرين يخسرون مو لأنهم اختاروا شركة سيئة، لكن لأنهم ما أعطوا فكرتهم وقتها الكافي تنضج.
شوف يا صديقي :
السوق يعلمك درس قاسي لكن عادل، اللي يصبر يكافأ، واللي يستعجل يدفع ثمن استعجاله.
وكل مرة أرجع أراجع رحلتي ألقى إن أكبر فارق في النتائج ما كان في عدد الصفقات، كان في عدد المرات اللي قررت فيها أنتظر بدل ما أندفع.
ما اقول لك إني وارن بافيت أو تشارلي مانجر ، نعم أخطأت ، ولازلت اخطيء ، ولكن اتعلم من كل درس.
كل خسارة هي "درس" بس كان مدفوع بفتح مركز ، إما في وقت خاطيء ، أو إهمال في صرامة التقييم والتحليل.
اليوم أنا مؤمن إن أعظم ميزة تنافسية في سوق الأسهم مو رأس المال، ولا الوصول لمعلومة، ولا حتى الذكاء التحليلي.
أعظم ميزة تنافسية هي إنك تقدر تجلس بهدوء بينما العالم حولك يركض.
إنك تقدر تقول "لا" مو الآن، وأنت واثق إن بكرة ممكن يكون أفضل.
إنك تشوف الفرصة تطير، وتبتسم، لأنك عارف في داخلك إنها بترجع يوم من الأيام بسعر أعدل ونفسية أهدأ.
الصبر في السوق قوة إستراتيجية.
انضباط داخلي يخليك تتعامل مع التقلبات كأنها ضيف عابر، مو تهديد دائم.
اللي يتقن هذا الفن، ما يحتاج يطارد كل فرصة، لأن الفرص بنفسها بترجع لين تجي عنده خاضعة.
"اللي يعرف للمارثون يبدأ بهدوء، ويحافظ على وتيرة ثابتة، لأنه عارف أن الفائز هو اللي وتيرته أهدى وأثبت"
المتسابقين في المارثون يعرفون أن السرعة ما تفيد في الماراثون
الفائز مو دايمًا الأسرع في البداية.
في ناس تبدأ بسرعة جنونية، تبهر الناس في أول كيلومتر، لكن بعد شوي؟ تتعب وتوقف.
🚨معلومه | أفضل قرار استثماري اتخذته في مسيرتي
وارن بافيت: صنعت ثروتي من الاستثمار طويل الأجل في صناديق المؤشرات مع إعادة استثمار الأرباح ،لا احتاج لتوقيت السوق و لا اختيار الأسهم فقط صبر ورهان على نمو الاقتصاد.
الانضباط مو إنك تصحى فجأة شخص خارق ولا إنك تكون متحمس طول الوقت، 👌🏻الانضباط إنك تقوم تسوي الشي وأنت تعبان وأنت مو رايق وأنت ما لك خلق، ✋🏻الانضباط إنك ما تفاوض نفسك كل يوم ولا تعيش على “بكره” ولا تنتظر المزاج لأن المزاج كذاب يجي ويروح، الانضباط إنك تمشي خطوة صغيرة بس ثابتة كل يوم حتى لو محد شافك حتى لو ما فيه تصفيق حتى لو النتيجة مو واضحة الآن، 👌🏻🩷👏🏻🩷🩷اللي وصلوا ما كانوا أذكى ولا أذكى منك بس كانوا أصدق مع نفسهم حطوا نظام ومشوا عليه حتى يوم ملّوا حتى يوم طفشوا، الانضباط احترامك لنفسك إنك ما تخذلها كل مرة وتقول “مرة ثانية”، ترى الحياة ما تتغير بالنيات تتغير بالعادات والعادات يبنيها الانضباط مو الحماس، باختصار: الانضباط هو إنك تسوي الصح حتى وأنت مو حاب وهذا هو الفرق الحقيقي بين اللي يتمنى واللي يوصل.
من يتذكر الطبيب جراح الاعصاب خريج MIT اللي ترك مهنة الطب عشان ياخذ جولة على العالم قبل سنة؟
ابشركم لازال يصور فديوهات بشكل مستمر، اخر فيديو قبل يوم
وش اللي خلاه يترك هذا النجاح؟ ويختار طريق اخر؟