﮼شاعر،الذكرى

الرجال ( نوعان ) ... أنا .... وبقية الرجال

[﮼شاعر،الذكرى @aldekra]

حياكم الله

[‏﮼بحيح♪ ‏🇶🇦 @974il]

-

لا تطول في مغيبك تقدم ومعذور
لو رساله فاضيه قابلينه لك عذر !

[﮼شاعر،الذكرى @aldekra]

أنعزل ردفك من الجسم الحرير
خام ثوبك من رهى الردف انطوى

كل نظره في حلا زينك تحير
العيون وساع والشفه دوى

[غـزل 💗 @956kuw]

احيان ماودّك — توايق على المستور
«من خوف لا تفقّد اللي ماتبي فقده»

[﮼شاعر،الذكرى @aldekra]

في حبك المزمن تراني تعديت
اعلى مراحل في غرام اللي يحبون

من كثر مافي بالي شفتك تمشيت
صرت الوحيد اللي على بالي يمون

تصدق اني من كثر حبك بديت
احس اني عاقل بعقل مجنون

[﮼شاعر،الذكرى @aldekra]

يالفريد اللي ماغيرك على الدنيا فريد
العرب ماظن بلحالها متهوّله
ㅤ
الطيور اللي تكافخ ومرقاها بعيد
لو تشوفك من سماها تجيك محوّله
ㅤ
القريحه كانها فيك ماقالت جديد
لاتباطاها تراها ماهيب مطوّله
ㅤ
أنت تستاهل محبّه وتستاهل قصيد
مثل مايستاهل المدح راعي الاوّله

[﮼شاعر،الذكرى @aldekra]

اللي أبي اسمعه منّك .. ولا قلته
أبسط حقوقي وأنت إنسان حقاني
ㅤㅤㅤㅤㅤ
حبيبك إنهار قدامك ، ولا شلته
على الأقل اعتبرها موقف إنساني
ㅤㅤㅤㅤㅤ
لا تقول عذري وظرفي ما تقبلته
ما اردى من الأول إلا خيبة الثاني
ㅤㅤㅤㅤㅤ
لو كنت صادق بحبّك .. ما تثاقلته
ولو كان همّك تلاقيني ، بتلقاني

[﮼شاعر،الذكرى @aldekra]

لك الولاء في كل وقت وكل دار
يا من روابع خاطري تحتلّها

لا يزعلك طول البطا والانتظار
بالهون ياشوق العيون وخلّها

بينت لك قدرك جهار من نهار
في مهجةٍ طاري غلاك يتلّها

عن ود غيرك شايمٍ شومة حرار
ولعاذلي حدب السيوف اسلّها

ما غير اقزرها بالاسم المستعار
وانت المبدّا بالاسامي كلّهااا

[﮼شاعر،الذكرى @aldekra]

احبك قبل يبرك على صدرك الجاثوم
انا احقّ منه بالزياره على صدرك . .

[﮼شاعر،الذكرى @aldekra]

و بعد ما نطق في تالي الليلة إسمي .. حاف
عرفت انّه العربون في ليلة فراقي

[﮼شاعر،الذكرى @aldekra]

يا شين الشعور اللي ما يشرحه وزن و قاف
ما تشرحه غير الدمعه اللي من اعماقي

انا اعاني من الوحده و قِلّة الإنصاف
واعاني من اشياء فاتت تضيّق اخلاقي

و زهرة شبابي ذابلة .. والعمر طوّاف
لا ماتت ماهيب تبيح من حضرة الساقي!

[﮼شاعر،الذكرى @aldekra]

يمرّ الكلام اللي من الشامت الجحّاف
مرور الخريف اللي معه تسقط اوراقي

يبي يكسر المجداف؟ من قال لي مجداف!
انا لي سنه يا دوبه يْشيلني ساقي

بديت ازهد بدنياي واللي يضاف يضاف
ولا ظنّتي بـ اشقى كثر مانيب شاقي

تعدّيت مرحلة التحسّف على اللي طاف
انا هالسنه صرت آتحسّف على الباقي

[﮼شاعر،الذكرى @aldekra]

ما غير ارجع لطاري و ذكرىٍ تركت خلاف
ولو خوّة الذكرى مهي خوّة شلاقي

هنا اخر لقاء .. و اوّل محطّات الاستنزاف
مكانٍ كراسيّه تسولف عن اشواقي

عطيته (سنين و قلب و ابيات ما تنعاف)
و (رجّع لي ابياتي )ولا (رجّع الباقي)

انا بآخر ايامه سمعت الكلام الجاف
و كذّبت سمعي لوّ تشهد له احداقي

[ッ 💙 @75__qr]

ومن كثر ماني فاقد الضحك مدري كيف
تمنيت لو ( شر البلية يضحكني )
⠀⠀
تغانم وعطني من شعورك بـ كم وكيف
وفالقلب ثبتني … وفالبال حركني
⠀⠀
واذا كنت تجهلني فـ اخذ مني التعريف
انا درب ماتقدر بـ وجهين تسلكني :)

[﮼شاعر،الذكرى @aldekra]

يكفيني رحلت ولا حصل مني خطا وقصور
وانا حتى وداعي فيه بصمه تثبت اخلاقي

تخير فالديار اللي يغشيها ظلام ونور
وفرق النور بالظلمه يبين غلطة فراقي

تمرك ليلة تطغى مشاعرها على المغرور
تدور فالبشر مثلي ولكن صعبه تلاقي

فمان الله يا اخر محطه والسنين تدور
فمان الله والهقوه تخيب هقوة الهاقي

[غـزل 💗 @956kuw]

ام الحسب وام النسب وام الشرف
في عيونها كن السيوف مسلله

(غـزيّـلٍ) عاشت على طيش وترف
في ظل أبوها.. شايخه ومدللـه

تامر على الدنيا وتاخذ من طرف
لعييييونها ؟ كل الظروف مذللـه

تخلي العاقل يتيييه وينحرف
يفقد صوابه والحرام يحلله ..

[﮼شاعر،الذكرى @aldekra]

محبوبك المفتون .. عزي شانه
يا : فاتنه ماهو بـ ناقص فتنه
ㅤ
يسرح بزينك لا شرب دخانه !
حتى يطيح بوسط حضنه تتنه

[ِ @l6rr_]

حبيبي عمر الضعف ما كان طبعي
أنا قوي لكن ماهو كل الاوقات

حاول تساعدني على لمّ وضعي
ما فيه داعي ننجرف للخلافات

دامك حبيبي لازم تكون درعي
وأكون أنا صدرك بوجه الصراعات

بذلت لك فالحب كل ما في وسعي
حتى كسبتك في زمان الخسارات

كل ما أتشتت تقدر يديك جمعي
وهي وحدها تقدر ترجعني أشتات

[⁹⁷ @0l97_]

في حضور اليقين اللي يزيل الشكوك
يالله ( بـ مزنةٍ غرّا ) .. فـ ليلة حسم

السما صافيه . . والدرب مليان شوك
والجروح اسرفت فالروح قبل الجسم

سيدة . . " نشوة الالهام " لو جفلوك
عن هوى من تحلوى غيّك اللي يسّم

دسمّي عذرك الله يرحم امك وابوك
شارب اللي يحبك .. يستحق الدسم

ارجعي لي ويرجع لك حجاجي ضحوك
جيتك كافيه . . مثل الحياء فـ الوسم

قبل ما اعرفك احاسيسي ركابٍ بروك
كنت مانيب شاعر . . لكن الله قسم

في فقار العذيه . . ديرة اللي شعوك
كل بيتٍ هدر ، لي في رقبته . . وسم

صرت اشوف اللغة تكفيك عن من كفوك
والجمادات فـ اعجابك . . تدور قسم

تلهمين الكلام . . يصير قاف محبوك
وتفتنين القلم ويصير . . ريشة رسم

صاحبه ملك .. لو منتي بـ ترثة ملوك
ما تركتي لعرش الملك . . غير الاسم

رحلتي في فضا ذكراك .. رحلة مكوك
لا اقلعت كل شئ يضيع حتى النسم

يمكن اكون ميت منك . . ماعلموك
بس في ذمتي . . ميت ، وانا مبتسم !

[⁹⁷ @0l97_]

طرف الليل حتى ساد صمت المدينه
و انتهت جلسة السّمار ، والجو هادي

لو نسيم الهواء لا هب ، هب بسكينه
في ضلوعي من الفرقى مناديٍ ينادي

غربة ( الفقد ) : للي قام يفرك يدينه !
غربة اللي قضى عمره بسجن انفرادي

يا عذابي من اللي ( حال ) بيني وبينه
التقاليد ، و سلوم العرب ، والمبادي

حط راحة يميني ، فوق راحة يمينه
خايف من الفراق و خايف من التمادي

( غاب ) قدام لا يخسر رضى والدينه
و اكتست صورة الايام ، لون الرمادي

عاده ( أغلا ) من كنوز الذهب فالخزينه
وعاده أجمل غرام وعاده افضل عيادي

في ظلام الدجى كن القمر في جبينه .. !
( آية الحسن ) أهل المدن ، و البوادي

وكن عكش الرموش ان سلهم العذب عينه !
( صفة القوم لا سلو سلال الهنادي )

في نحاهم يطيح الشيخ طيحة غبينه !
أن وخذ من مراحه " مقرعات التوادي "

من غيابه وروحي معه مثل الرهينه
تهت بين الدروب ، وهمت كل وادي

مالقيت الجواب المقنع ان قلت وينه ؟
ولا لقيت الكلام اللي ( يريح فوادي ) .. !

من سنين العمر و شلون بنسى سنينه ؟
دام مالي على ( فرقاه ) صبر المهادي !

[﮼شاعر،الذكرى @aldekra]

@miss_samoonh شصاير ؟؟