الي تكلم ورى العربان يوم الخميس
والناس كانو يظنونه على نيته
انا بغيت استحي منه وعيا بليس
عيا بليس الله يكفيكم اذيته
قبل امس يوم الزمان الشين يضرس ضريس
ياما حجبنا عيون الناس عن سيّته
قولو له انه تخلّف يوم حمي الوطيس
خلوه يبلع لسانه قبل لا ابيته
البن وش هي قيمته لولا خواه
مقدرينه في الاقامه والسفر
والدله الي ما لخرمتها طراه
يردها الصباب ولا تنجفر
يالحاشي الي تحسب ان عندك لهااه
لو تنذبح كم يمكن تكفي نفر؟
الناس وصلو للفضاء والي وراه
واشغلتنا في الحفره الي تنحفر
يمكن نغض العين من كل اتجاه
المغفره نعمه ليا ربي غفر
العهْد باقي دامك تقيم الصلاه
والي تساها عن صلاته قد كفر
والكافر ليا حدنا ، نلعن ثواه
نلعن ثواه ، وْلا مطير وْلا مفر
سفّ التراب ونشقة الانف المياه
حتميّه اما في جمادي او صفر
على العموم الي يبا سترة نجاه!
يقبّل ايدين المروّه والظفر
اسمك يابو خالد مسوي ثوره
على الصعيدين ، الملف الزاخر
اقل ما يطلق عليك ( اسطوره )
من حقنا نفخر بالاسم الفاخر
يا اشجع رجُل تمشي على المعموره
واكرم رجُل ، واحكم رجُل ، من لاخر
#محمد_بن_زايد