الجزل من القصيد

‏((الجزل من القصيد الشعر الحقيقي يستحق المتابعه))

[الجزل من القصيد @algaser2011]

كثر خوفي لا أنجرف مع طريق المغريات
صرت أكافح بالهقاوي و أكافح .. باليدين

سعود بن مبارك

[شامان بن وقيان @shaman1q]

من حقوق الحزين إلّا من أبسط حقوقه
يرثي اللي يبي شوفه و الأقدار عيّت

الله يرحمك يا فرحة فوادي و عوقه
زدتني و أنت حي و زدتني و أنت ميّت

كل بيتٍ على فرقاك بانت فروقه
وكل دمعٍ على ذكراك صبّح و بيّت

والله لـ أرثيك لين العاق يترك عقوقه
ويحمد نعمةٍ قدام عينه تهيّت

[العتيبيّ @d511y]

حتى لو أنه من يكون ومن سلالات وعروق
اللي ما قدّر خاطري ، مانيب أقدّر خاطره .

- مدغم ابو شيبه .

[معكاز شعر @M3kkaz]

انا وصلت السوق ثم جيت منحاش
ياشيب عيني من هل السوق شيباه

يالي وراك عراش وتدور عراش
جود حلالك واحفظه لا تعداه

الذيب لولا غفلت الناس ماعاش
رزقه على خبلن يهـمل رعاياه

صب الكلام بروص رعيان الادباش
من غمض عيونه كلا الذيب معزاه .

[الجزل من القصيد @algaser2011]

لا صـار ما به رفقــةٍ شــانهـا شــان
بيـضً نوايـاهـا مثـل سـاطع الضـي

احسـن لك العـزله من فلان وفـلان
لو عشـت في دارٍ خـلا مـابهـا فـــيّ

الشاعر/خليل بن هدلان

[الجزل من القصيد @algaser2011]

سو الجميل بكل وجهٍ يحتسيه
لو كان في بعض البشر يذهب سدى
إليا فعلت الطيب لا تندم عليه
ما يندم الا من يسوّي له ... رِدى

#خليل_بن_هدلان

[الجزل من القصيد @algaser2011]

لله در السنين الشهب تعطي دروس
مهما علينا قست نقطف من اثمارها

كم احذفت من قناعٍ بالنهار العبوس
وعن العلوم الطوال تكفي اقصارها

تركي بن نايض

[الجزل من القصيد @algaser2011]

دكـتـور والـوضع مايحتاج تـفـسـيره
غـلطـان انا بجيتي وصفتك رجعها

لي وقت مادري علامـي يالله الخيره
اضـرب بـغبة بـحر والـقمه اطلـعها

حـتى لـذيـذ الـكـرى ياكـثـر تـقصيره
ارقب نجوم السـمـاء كني بجـمـعها

هي حالت اللي صفق كفه على طيره
ولا الـهقاوي ماجاها حـظ ينـفـعها

تركي بن نايض

[الجزل من القصيد @algaser2011]

اصحابنا واجد بوقت الملذات
دام الليالي صافيه في عطاهـا

ولادار دولاب الزمن بالصعيبات
يبين طيب اصحابنا من رداها

يطلع من العشرين واحد بالازمات
وتسعة عشر لحيه فلس من رجاها

اللي تحسبه محزمك بالمهمات
راحت علومه والوعود ونساها

-الهاب بدر

[الجزل من القصيد @algaser2011]

قلوبنا ياجليل الملك بين اصبعين
وتروح الايام وتقفي فوات وهدر ..!
..
يارب ذيك الطمأنينة وذاك اليقين
اللي يجي وانت في مكة وليلة قدر

ناصر الحمادين

[الجزل من القصيد @algaser2011]

عن طمان الارض وضعاف الروابع
زم نفسك للسحاب ولاتمالي ..!
..
غنوا وقولوا لاهل ذيك المرابع
الجواب اقل من معنى سؤالي
..
الخطا لاقام يكثر ويتتابع
يوجعك حتى ولو راعيه غالي
..
من كرامتنا ومن طيب المنابع
استغلونا العرب يابري حالي !!

ناصر الحمادين

[العتيبيّ @d511y]

ما أطيح لو مالقيت لضيقتي دبره
لي عزةٍ لا بغيت أطيح .. ترقى بيّ .

[عبدالله الطلحي الهذلي @talhi_abdullah]

من ذكريات الاردن

#عبدالله_الطلحي

[الجزل من القصيد @algaser2011]

الظروف احيان تعطيـك انطبـاع
عــن مقـاديـر الـزمان اللي بقاء

أصعب اللحظات لحظات الـوداع
وأسعد اللحظـات لحظات اللقـاء

#محسن_الهفتاء

[الجزل من القصيد @algaser2011]

حيرتني يا صاحبي في / تعاملـك
وخليتني / بيـن الرجـاء والقطيعـه

ماغير امشيلك بـ/ صدك وآجاملك
واقوول كثـر الصـد عنـدهـ طبيعـه

#محسن_الهفتا

[الجزل من القصيد @algaser2011]

ماني بقصادٍ بليّا نماره
أجدع نطيحي بالسهل وإن تلاقن

من حل دار الناس حلّوا دياره
لابد ما تسكن دياره ويغبَن

ومن شق ستر الناس شقّوا ستاره
ومن ضحك بالثرمان يضحك بلا سن

الشيخ شالح بن هدلان

[سند  @snd_s1]

- من الماضي :-

دمعي كما سيلٍ تجارى مرازمة
قامت تسابق فوق خدي عوازمة

'

والقلب من زود الحزن لج وانشغل
كن الغليث بروس الانياب بازمة

'

يحن حنّت خلف ذودٍ شكا الظما
يوع النيام اللي سهارى ترازمة .!

- عبدالله بن عون حفظة الله

[وهّاج @_3jim]

يا وجدي إن عوّد المألوف مثل الغريب
ذي والله الحاجه اللي تستفز . . الشعور

_ جابر النشيرا

[الجزل من القصيد @algaser2011]

الإنسحاب احيان .. ماهو هزيمة
يمكن تسميه انتصارك على الذات

مثل انسحابك من علاقة قديمة
بالذات لوجارت عليك انت بالذات

#عبدالله_الطلحي

[الجزل من القصيد @algaser2011]

ركز على بعض المواقف للاصحاب
وتراء البسيطه نسختن للثقيله
-
من صد فالهيّن ، على قل الاسباب
ماهوب فازع والمواقف مهيله
-
لاتنخدع في بعض الاسماء والالقاب
لان الوفاء بالناس ميزه قليله
-
#عائض_بن_جليدان