عناد المري

[عناد المري @algfrane]

#يوم_عرفة

[عناد المري @algfrane]

قال الرسول صلَّ الله عليه وسلّم:
خيرُ الدعاء دعاء يوم عرفة، وخير ماقلت أنا والنبيّون من قبلي:
لا إله إلّا الله وحده لاشريك له، له المُلك، وله الحمد، وهو على كل شيءٍ قدير.

#يوم_عرفة

[عناد المري @algfrane]

عن الطله اللي تنتظرها جميع الناس
أنا فانتظار الطله اللي على بالي

[عناد المري @algfrane]

معايدك يافاتنه يّقعد الراس
طلّي مادامك في ضلوعي سكنتي

لاتذخرين الكلمه اللي على ساس
حتى لو انك بالكلام استهنتي

خلي الكلام اللي يقولونه الناس
خير الكلام اللي تقولينه انتي

[عناد المري @algfrane]

كل الغنادير في كفه
وانتي على مرقبٍ عالي

لو دونك القوم مصطفّه
ماحركوا ميلة عقالي

[عناد المري @algfrane]

يا فرحة العيد ما لك فـ الحنايا شريك
دوّر و تلقى ورى الأضلاع عيديّتك

انسف جديلك قبل تنسف مذارع يديك
الغيم تاجك و سطح الأرض زوليّتك

حتى الفساتين و عقود الذهب تحتريك
الكل منها يبي يلمس خصوصيّتك

المشكلة لا هروبٍ منّك إلاّ إليك
أودّعك صبح و الليل أنتظر جيّتك

[عناد المري @algfrane]

العيد والله شوفة عيونك السود
هذا هو العيد الصحيح المبارك

[عناد المري @algfrane]

كل عام و أنت العيد و مشاهدك عيد
و أقرب و أحبّ من العرب .. كل أبيها

[عناد المري @algfrane]

العيد للي زاهياتٍ ..حلاياه
لاشافها الناظر غدا العيد عيدين

[عناد المري @algfrane]

مرحبا والعيد عيدك يالمقام السامي
كيف ما أحبك وأحب مواجهك وأحسب له

كل يوم تكون فيه يكون خير أيامي
وكل عيد تكون فيه أحلى من اللي قبله

[عناد المري @algfrane]

عاد عيدك يافريدٍ في عربنا
ياحسين في الوصايف يذكرونه

لاح برقك في سمانا ثم شعفنا
ياسحابٍ ينعش وتروي مزونه

ياكحيل الطرف ابو كفٍ محنا
يالطيف الروح مثلك يشترونه

ياصغير السّن في حبك وقعنا
هاك قلبي لك تعلى في ركونه .

[عناد المري @algfrane]

وش العيد و ايام الغلا و المطر لولاك ؟
يا فرحة ملذات العمر و أجمل أعياده

[عناد المري @algfrane]

لا جت صباح العيد والغيد جلاس
والله ما يجلس من الغيد غادة

الوجه طلة بدر والنجل انعاس
واهدابها ليل يتيه سواده

والخصر ملقى الكف بالكف بقياس
من شاف زمتها تقطع فؤاده

لا لبست ازهد لبس صار أجمل الباس
لها على البيض بغنجها سياده

ما هي في حاجة لعقد من الماس
يبرق معنقها بليا اقلاده

[عناد المري @algfrane]

حني كفوفك وصبح العيد وريني
جمال حنا كفوفك ليتني حنا

انا ، وقلبي ، وروحي ، يا بعد عيني
من دونك الله يبارك فيك وش حنا

[عناد المري @algfrane]

قرب " هلال العيد " حسب المواعيد
ومع رؤيته يبقى . . القرار المصيري

وأنا أنتظر رؤية قمر فـ أول العيد
مهوب موجودٍ بـ كشف العجيري

[عناد المري @algfrane]

صدفني نهار السبت تالي شهر شعبان

[عناد المري @algfrane]

انا فدا وجهك اللي كل ماشوفه
اقول للضيق رح دور على غيري

[عناد المري @algfrane]

كل ما ناظرتها قلت يا بخت الدموع
الدموع اللي تبختر على خدّ طخما

[عناد المري @algfrane]

انا سبايب ماحصل لي وما صار
اسرفت فالكتمان و اوجعت روحي

[عناد المري @algfrane]

خلك فطين وعاشر الناس بـ احسان
والطيب سوّه كان تقدر على الطيب

واختار لك ربعن نشاما على شان
مايخدعك حصني ولا يجرحك ذيب .