إذا انقطعت علاقتك مع شخص ورجع لك بعد شهور وقال لك:
انا م ابي منك شي وما اجبرك ترجع بس أنا حاليا تعبان كثير وانت اكثر شخص احتاجة جنبي هالفترة
وش بيكون ردك، هل بتوقف معه ولا تبيعه "
غديت أودّع المقفي ولا أحب أسمع التبرير
أشـوف إن التفاصـيل الكثـيرة ما لـها داعي
انا يا اللي تظن إني بدونك ما أحسن التدبير
هجرتك وأشتعل نور الحياة وزانت اوضاعي .
طير على أغصان الطموحات مجروح
داويت جرحه بالقصايد وغرّد
كانت بدايتنا سواليف ... ومزوح
ويطير حول الدار خوف يتشرّد
واخذ مساحه خاطر وبطّل ينوح
ونسى الغبينه بعد حبي وبرّد
وبديت أعيشه حب وأروح وأبوح
بالحب لين الحب صار يتفرّد
من كثر ما عطيته من القلب والروح
ضمن مكانه فالغرام ... وتمرد
أصطنع بين العرب فرحتي كأني سعيد
أخفي جروحي بروحي كأني بنعيم
خايف هرج العواذل على ما بي يزيد
خايفٍ منهم يزيدون جرحٍ بي قديم
أبعدت الايام خلّي وخلتني وحيد
والفراق صعيب ي أهل الهوى والله العظيم
الفراق أكبر مصيبه وذا شي أكيد
من فقد غاليه يبكي كما يبكي اليتيم،
أعرف مزاجك كل ما صرت زعلان
من اختيارك: للصور و الأغاني
أحيان أحس إنك أناني وأحيان
أتأكد إنك "كل الأحيان" أناني
لا تنتظر مني عذر وأنت غلطان
كثر التمني، ما يجيب الأماني
مابيني وبينك مشاريه وعتاب
شف دربك اللي جيت منه تدله
ما راح تغلبني لو الحب غلاب
من حضرتك عشان قلبي تذله
كنت القريب وكلهم اغراب
حتى القمر لا غاب شفتك محله
رح واعتبرني واحد اذنب وتاب
ماني بثوبٍ تلبسه ثم تمله
عطيتك اللي ماعطيت اقرب الناس
وعلقت فيك أحلام عمري وضاعت
لي قلب ما يقسى وصادق وحساس
ولي عين ماصدت وخانت وباعت
ولك قلب طيب بس ما عندك احساس
ولك عين ماشافت جروحي وراعت
جيتك على وضح النقى رافع الراس
وطوعت لك نفسٍ عزيزه وطاعت
ابعتبر حبك مثل غلطة إحساس
وانت اعتبرني مثل فرصه وضاعت