-

- دربٍ ما يعز ممشاك أقصّر خطاك عنه -

[- @all23_x]

﴿ وَالْحَمْدُ لِلَّهِ رَبِّ الْعَالَمِينَ ﴾

[- @all23_x]

تعال وتـذرى بين غصـن الرجـا واليـاس
تحت جذع صدري لين توقف على حيلك

بعدها تعرف إن الذهب ذاك كان نحاس
ولا فيه أحد كثري من الناس صافـي لك

إذا باعك اللي ما رحم قلبك الحسـاس
تلفت وتلقى شمعة القلب تضـوي لك

على سور قلبي لا تغرك جموع الناس
تـرى مــا ورا بيـبـانـه إلا مـداهيـلك

[- @all23_x]

يارجـى قلبي ومطلوبي وشفـي
يا امل دنياي في العمر وسنينه

انت اغلى انسان في طيّـة ملفي
وكل غالـي فرق مابينـك وبينـه

انـت مكفـي عـن الكـل وموفـي
لك بقلبي قصر واسوار ومدينـه

مايطفـي واهـج اشواقي مطفـي
غير من عيني ترف لـ شوف عينه

[- @all23_x]

مرحبـا قبل السـؤال ومرحبـا بعد الاجابـه
ياهوى القلب العليل وبلسمه من كل عله

مابعد صوتك جمال ولا بعد شوفك رحابه
أنـت اللـي تسـتحـق الـغـلا دقـه وجـلـه

من يشوفك يبتسم لو كان عايش في كئابه
كيـف عاد اللي بقلبـه لك مكانـه مستقلـه

[- @all23_x]

عسـى العمـر و تفاصيله من اول حبه و تاليـه
فدا ضحكـة محيّـا وجهك و تنهيدة احساسك

ليا عاث الزمان بصبحـك و نورك عجـز يمليـه
اخذنـي عـن ليـالٍ مظلمـه بالحيـل مقباسـك

احـب اللـي تحبـه و اكـره اللـي يمكن تعاديـه
ولا باقي سوا احارب عن ظنونـك و وسواسـك

[- @all23_x]

عرفـت اختارك وقلبي على هقواه ماقد خـاب
يعرفك معرفه تمحي الظنون وتقتل اوهامـي

تجي كلك على الموعد حضورٍ ما بعده غيـاب
وإلـى منـي تمنيـتك اشـوفـك واقـع احلامـي

وانا ما يكتمـل ليلـي سوى مع ليـلك الخـلاب
بـه من شعورك وحبي شعـورٍ ينهش عظامـي

[- @all23_x]

والله ان عينـي تشوفـك كل ما نسنس هبـوب
و والله ان باقـي احبـك وحدها راحت وجـات

و والله ان ماني معك غالب ولا جيت مغلـوب
انـت قسمي وانقسامي والعطى والمعطيـات

[- @all23_x]

والله انـي عـاقـل بـس فـي حـبـك غـريـر
واشهد ان القلب مبطي ويبطي في عمـاه

لـك عـلي انـي احـبـك ولـو مانـي بخيـر
مـن غـلاك اللـي ذبحنـي ولا منـه غـنـاه

[- @all23_x]

تـدري انـك عنـدي أغـلـى مـن الغاليـن وزود
وان لـك فـالـقـلب جـره ولـك مـا طـى قـدم

جعلني مـا اذوق حزنـك وجعـلك فـ الوجـود
وجعلني مـا اعـــتـــاض ولا خــلا ولا عـــدم

[- @all23_x]

زرعـتـك مـن صبـاي وكنـتي النبـتـه وانـا الغـراس
اسـاقيـك الـغـرام ويـنهـمـر لـك مــزن وجـدانـي

وكبرتـي بالفـؤاد وما افترق غصنـك عن النسنـاس
ومشت معنا الظروف ونسمتك تستعذب اغصاني

[- @all23_x]

وش هالتواصيف وش هالذوق وش هالجمال
كـن السـمـاء كـاسـيـه عـودك مـن لبـاسـها

فتانـة العنـق مـا يزهـاك غيـر الـدلال
مثل مـا يزهى قلادة عنقـك الماسـها

عيونـك المعتقـل وأنا رهن الاعتقـال
وايديك تملك سعادة نفس واتعاسها

يا شوق روحي لروحي عند كل ارتحال
وحديـث نفسي لنفسي بيـن جلاسـها

[- @all23_x]

أنـت الملاذ أنت الطريق أنت الجهـات
أنـت الشعـور اللـي ما كنـت اتصنعـك

أنـت أول أحـبـك تـهجـتـهـا الـشفـات
أنـت اللـي لا سولفـت قلبـي يسـمعـك

أنـت الوحيـد المسـتحـل الـذكـريـات
مـا كــن عـنـدي ذكــريــات إلا مـعـك

[- @all23_x]

معك من وين ما ودك بـلا مرسـى ولا ميقـاف
معك لو مالت أوراق الشعور المنهـك الـذاوي

معك حتى لو سنين الحنين الماضيات عجـاف
معك حتى وانا مدري علينا الوقـت وش نـاوي

[- @all23_x]

ضمنـي ضمـة المبطـي عـن المبطـي
اللـي لـه سنـيـن ينـتظـرك ولا جيـتـه

ولا نيـب نـادم على حبـك ولا مخطـي
دامك ملكت الخفـوق وعرشـه وبيتـه

[- @all23_x]

يـا رجـى قلبـي ومطلوبـي وشفـي
يـا أمـل دنيـاي في العمر وسنينـه

انـت اغلـى انسان في طيّـة ملفـي
وكـل غالـي فـرق مـا بينـك وبينـه

انـت مكفـي عـن الـكـل ومـوفـي
لك بقلبـي قصـر و اسوار ومدينـه

مـا يطفـي واهـج اشواقي مطفـي
غير من عينـي ترف لـ شوف عينـه

[- @all23_x]

عرفتـك ويا جعلني فيك ما أعيّـن بديـل
وجعلنـي ويـاك مجمـوع دنـيـا وآخـره

من عرفتك مايجي منـك ياكود الجميـل
وكان عندك شي بالطيـب منت بذاخـره

والله إنـي ثابـتٍ معـك لا طـال الطويـل
مثل ما يثبـت على البحـر ثقـل الباخـره

[- @all23_x]

من باب الإعجاب لا تسأل عن اعجابـي
اسـألنـي تـحـب و بـجـاوبـك حبيـتـك

اي والله إني عشقتـك يا آخـر احبـابـي
وصديت عن مجمل الناس من جيتـك

فـي وجـه غيـرك مسكـر عينـي وبابـي
غـالـي و زاد الـغـلا يـوم إنـي اغـليـتك

شفنـي لـيـا مـر طيفـك فـزة اهدابـي
وشلون لا منك ندهت اسمي ولبيتـك

[- @all23_x]

كل ما جيت اوصف حسنك المستحيل
تنـتهـي بـي حروفـي قـبـل مـا ابتديـك

من تغـزل بعيونـك صـار شخـصٍ نبيـل
مـا هـو إلا تلميـذٍ فـي هـواك ويـديـك

يـا مـلامـح مـلاكٍ نـازلٍ مــن سـبـيـل
ما لقـى في البشـر مثـلك ولا يلتقيـك

ما تعديت وصفـك في حضـور القليـل
لين قامت قصيدي تشتكـي من يديـك

[- @all23_x]

إن كـان حبـي لـك هـو اعظـم خطـايـاي
مـا قـول يـا نفـسـي عـن الـحـب تـوبـي

اجـمـل خطـايـاي واخـر حـدود دنـيـاي
واصــدق مـعـاذيــري واطـهـر ذنـوبــي

[- @all23_x]

احـبـك واتحـفـى طـواريـك وذكـراك
ويشيـلك قلـبٍ ابيـض فيـك متباهـي

تحلويـت السنيـن اللي قضـت ويـاك
وتـمـلكـت الشعـور الفـارق الـراهـي

ولا فـي عينـي اللـي مـثـلك وشـرواك
وعينـك ما لقـت من حولهـا اشباهـي

[- @all23_x]

تباهـي وغنـي واضحكـي لايهمـك شـي
لا مالـت ظروفـك فيك لك من يعدلهـا

بتلقيـن لك في جـوف قلبـي براد وفـيّ
هنـا منـزلـك والنـاس تعـرف منـازلهـا

ما تقـدر تزعلـك الليالـي وراسـي حـيّ
لـو تـزعـلـك سـود اللـيـالـي بـزعـلهـا