والله اني ماني بـ طيّب و لاني بـ بخير
لي ثلاث ايام و اكثر .. لا والله لي شهر
فيني من الغم و الحزن و الشيّ الكثير
الليّ بسبتهم القلب في "حالة خطر "
يالنديم الفارق المُترف اللي كنت غير
وين وداك التغلي .. و وداك الكبر
اذكر اوّل يوم اصيّر لك اللي ما يصير
وكنت ابديك بـ حياتي على كل البشر
كم عطيتك من غلا و ، اهتمام، و شوق مير
الضريبة كسر خاطر ' و طعنة فـ الظهر
كل ما قررت اعاتبك افكر و استخير
المعاتب تالي الوقت ما يجني ثمر
تكسر القلب و تعيش الحياه بْلا ضمير
كنك اللي ما كسر قلب .. كاسر لك شطر
لكن آبشرك مرتاح // بـ الوقت الآخير
وعايشٍ في ستر ' و الحمدلله و الشكر
لا تجيني تالي الوقت ،، ريّح و استدير
كيف بْرضى بـ المهونه و انا عالي قدر
مستعد اعذر ، و اشوف الخطا شيٍ صغير
لكن تقصر بـ حقي معك ؟ .. مالك عذر ؛)