محمد بن عبدالله الكلثمي

﴿ وقُـل رَبّـي ارحمهُمـا كما رَبّيانِـي صَغِيـرا ﴾

[محمد بن عبدالله الكلثمي @Allshehry]

لا اعلم متى موعدي في الرحيل من الدنيا ولكن قبل موعدي فلتكن وصيتي ان تدعون لي كل ليلة حين اكون في حفره ظلامها موحش ومؤلمة اللهم ارحمني حين تزول ضحكتي ويختفي صوتي ربي ان كان يومي قريب ارحمني واجعل لي أثرًا طيبًا بين خلقك وارزق لي من يدعولي بعد موتي اللهم اني اسألك حسن الخاتمة❤️

[محمد بن عبدالله الكلثمي @Allshehry]

ليت المجالس ما تعدّى ثلاثة
كريم وضحوكي وراعي حميّا

وياليتها تفقد وجيه الخباثة
حسود ومنافق وراعي قفيّا

[محمد بن عبدالله الكلثمي @Allshehry]

للروح رب و للـمـقـاديـر كافــل
يعطيني اللي ماسأل وش عطيته

اعوذبه مـن قلب لاهي وغافـل
ومن ذنب يحجب دعوتي لادعيته

[أُسـامـة بن ابـراهـيـم الـتـركـي @oit77]

زاهدين بكل شي إلا الفضيلة
و راضيين بكل شي إلا المذلة

و إن طمعنا ما طمعنا إلا بـ ليلة
من ليال العمر تسوى العمر كله

[محمد بن عبدالله الكلثمي @Allshehry]

اما تسابقني على العز والطيب
ولا معي ياصـاحـبـي لا تـردى
فـلا تـدور من ورانا عـذاريـب
حنا نشوف اهل الردى ونتعدى

[محمد بن عبدالله الكلثمي @Allshehry]

لا تـصـغّر كـبـير ولا تـكـبّر صـغـ��ر
وانـتـبه والـمـعادن مـيّـز فـروقـها
وانزل الناس منزلها وخلّك بصير
واعط كل الخلايق صافي حقوقها

[المُصْحَف @AlMosahf]

وَمَا لَكُمْ مِنْ دُونِ اللَّهِ مِنْ وَلِيٍّ وَلَا نَصِيرٍ

[محمد بن عبدالله الكلثمي @Allshehry]

أنا لساني فصيح وعندي جروّه
وبامكاني اسمّي الاشياء باساميها

لكن بوجهي حيا وفي راسي مروّه
وتردني شيمتي واسكت واخليها

[محمد بن عبدالله الكلثمي @Allshehry]

بعيونها ساحات ورماح وسهام
وبجفونها قصر الحكم والامارة
منها يشع الصبح وتفز الانام
ومنها البدر غادر وغير مساره
يا قبلة العشّاق ياكل الاحلام
يمّك يهيم الحب ويكب داره

[محمد بن عبدالله الكلثمي @Allshehry]

ماخلقنا الله ضعوف ولا هلايم
ندحم كبار الهقاوي عنجهيه

ان وقفنا طاحت كبار العمايم
وان تقدمنا عزاوينا … قوية

[محمد بن عبدالله الكلثمي @Allshehry]

حنا خلقنا الله شيوخ وسلاطين
والمجد والتاريخ منا ملايا
حن�� الكرم واصل الكرم والكريمين
حنا الشهامه والعطا والعطايا

[محمد بن عبدالله الكلثمي @Allshehry]

حنا من الشيمه نعاف اللي نبيه
تعيش اسامينا على مشرافها

ماعاد يغرينا الملام وما يليه
نعطي لخملات الرجال الحافها

حتى الرفيق اللي جمايلنا عليه
الناس شافوها وهو ما شافها

[محمد بن عبدالله الكلثمي @Allshehry]

و الله ا��ي فوق هقوة كل غالي
لو قريب الظن بـ ظنونه ظلمني
والعمر مرّة، و لو عشته لحالي
ما احترمت انسان ماهو محترمني

[محمد بن عبدالله الكلثمي @Allshehry]

بين مشروه الرفاقة وزلاّت الصديق
فاز من صدره شمالي وصبره محتمي

والله لولا سيرة أبوي وأخوي الشقيق
كان باح الصبر من كثر ما فور دمي

أعرف اللي في الشدايد حزامي والرفيق
وأعرف اللي لا رفيقي ولا هو محزمي

واحدٍ وقت الشدايد مثل قمة طويق
وواحدٍ لا ثورت طاح من قبل الرمي

[أُسـامـة بن ابـراهـيـم الـتـركـي @oit77]

الله يزيل الضيق عن شاكي الضيق
ويعــوّض الضايق ســــرور وسعاده

ويحقـق الأحــلام للـناس تحقيق
ويـزوّد الصـــابر صمــود وجلاده

[محمد بن عبدالله الكلثمي @Allshehry]

خاو الخوي اللي عن الناس يغنيك
خـوة وفــاء ماهـي بـخـوة ونـاسـه
اللي على عسر المواقف يصافيك
لا شافك متضايق ماصد عنك براسه

[محمد بن عبدالله الكلثمي @Allshehry]

بين كساب الجمايل وبياع الكلام 
مثل مابين الثريا ومابين الثرى
ㅤ ㅤ 
واحدٍ في حزة الضيق والشدة حزام 
وواحد تدفعه قدام ويعود ورى .

[محمد بن عبدالله الكلثمي @Allshehry]

يا عالم الغيب و النيات سبحانـك
هدايتك خير من الدنيا و مافيها
اسـألـك يـارب توفيقك و غفرانك
و سعـادةٍ ماتخيب قلب راجيها

[محمد بن عبدالله الكلثمي @Allshehry]

الله يسامح شايبي طيّب الراس
اللي خذا الطيب دقه وجلـه
لا من تجملت بجميله مع الناس
قالوا سبقك أبوك بالطيب كله

[محمد بن عبدالله الكلثمي @Allshehry]

ماني من الي لازعل ينكر الخوه
عشت على طيب و الطيب عاشني

والي يبي فرقاي جعله على القوه
ما الله جبرني على الرخوم وحداني

[محمد بن عبدالله الكلثمي @Allshehry]

تزاحم الضيقات بالصدر الرحيب
نفتح ملف الهم ونقفل ملف

يالله بجاهك من ترداي النصيب
وبحماك ي��لله من مقاشير الصدف

نشيب ورموش الليالي ماتشيب
ونعف وصدوف الليالي ماتعف

وكم خاب ظن كنت أظنه ما يخيب
وكم باروا الأصحاب فينا للأسف