أُسـامـة بن ابـراهـيـم الـتـركـي

لو أسجد شكرًا لأنها أمي ، لمضى العُمر وأنا ساجِد

[أُسـامـة بن ابـراهـيـم الـتـركـي @oit77]

لا تنخدع في بعض الأبيات والبوح
مرات كل اللي نقوله خيالــــي

نكتب فرح والقلب مرات مجروح
ونكتب حزن مرات والبال خالـــي

[مَ. @MH___19A]

أخوضُ رحلتي إليك، لا متكئًا على قوتي
بل موقنًا بكرمك الذي لا يضيق
ومستعينًا بكَ لا بنفسي،
ومُسلَمًا لكَ ما عجزتُ عن حمله وحدي
اللهمّ إني لا أعلمُ ما تخبّئه لي أيّامي، ولا أملك من أمري إلا دعاءً أرفعه إليك، وقلبًا أضعه بين يديكَ مطمئنًا
يامغيث برحمتك أستغيث،
أغثني يارب

[أُسـامـة بن ابـراهـيـم الـتـركـي @oit77]

اللي سنينه تحدّه ويتحداها
تكبر وتصغر وينسفها على كتفه
خلوه ينطح ظروفه ويتعداها
اما لقى غايته ولا لقى حتفه

[أُسـامـة بن ابـراهـيـم الـتـركـي @oit77]

غديت أدورني بزحمة أفكاري
كني سؤالٍ عجزت ألقى له إجابه

يا غربة الروح طال الدرب بمساري
والعمر يجري ولا أدري وش غدابه

متى على اللّٰه تضوى لي أنواري
وألقى الطريق اللي انكتب لي بابه؟

وأشوفني بحلم الهنا وأجمل أقداري
أقطف زهور الحظ عقب الخوف وانيابه

[أُسـامـة بن ابـراهـيـم الـتـركـي @oit77]

﴿ إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ﴾

اللهم صلِّ وسلم على نبينا محمد ﷺ

[أُسـامـة بن ابـراهـيـم الـتـركـي @oit77]

أخبي علتي وأسكت وأنا في داخلي مذبوح
أجامل وأرسم الضحكة وأنا قلبي على ناري

أحاول والله يعلم بي أداري دمعتي لا أبوح
أداري الجرح و أتجاهل عن اللي ينشد أخباري

أقول بخير لكني جريح وفي حشاي جروح
صداها لو دفنته يوم يبين سنين بأنظاري

[أُسـامـة بن ابـراهـيـم الـتـركـي @oit77]

دنياك لو شانت تراها مقادير
ما في يدينك غير حلم وقناعه

واللي انكتب رحمة وخيره وتدبير
واللي مضى ما يعود منه لو ساعه

وأصبر على المقسوم لو فيه تقصير
إما تزين او جعلها .. للقلاعه

[أُسـامـة بن ابـراهـيـم الـتـركـي @oit77]

تخف الثقال أليا ارتكا للثقال أثقال
خوين يعدل الميل ويرجح الكفه

رجال على الشدات تضرب بها الامثال
تعز الرفيق وتنطح الشر وتكفه

وحمول المراجل كايده والدروب طوال
لمنهو يقدم شف غيره قبل شفه

تهب العواصف عاتيه والجبال جبال
يدور الفلك وظروف الايام ملتفه

[أُسـامـة بن ابـراهـيـم الـتـركـي @oit77]

نجتهد ونحث الاقدام ونشد العزوم
لو ظروف الوقت جارت بنا مانشتكي

بالكرامه حافظين المبادئ والسلوم
وفي المواقف للحمول الثقيله نرتكي

مانعرف نقبّل اكتاف ونقبّل خشوم
ولا نحب اسلوب خلك مع العالم ذكي

نعرف اللي في اللوازم يسدون اللزوم
ونعرف اللي بس ماعندهم غير الحكي

[أُسـامـة بن ابـراهـيـم الـتـركـي @oit77]

الشدايد لعبة كبار الأشدّه
والزمن فتاك والغافل يعاني

لو تهادى بين لين وبين شدّه
ما لـ راعي الوجه الابيض وجه ثاني

البشر يظهر مداها بعد مده
لا تغرك في الرخا روح التفاني

ماتخفيه الصدور سنين عدّه
تكشفه بعض المواقف في ثواني

[وزارة الدفاع @modgovksa]

مثل السيوف البواتر وان جنى الجاني...
يضرب بها ارقاب من بالدار طمّاعه

[أُسـامـة بن ابـراهـيـم الـتـركـي @oit77]

﴿ قليلاً ما تشكرون ﴾
الحمدلله على عين تبصر ، وأذن تسمع ، وجسد معافى ، وقلب ينبض ، لك الحمد ربي على نعمك التي لا تعد ولا تحصى

[أُسـامـة بن ابـراهـيـم الـتـركـي @oit77]

قل للغريب اللي بدار الاجانيب
لا يعشق الغربه وينسى ربوعه

قل له نبي نصبر وصبرٍ على طيب
ما دام فيها للثريا طلوعه

وصبرٍ على الفرقا ولا شقة الجيب
ولا ودك الرجال يعلن خضوعه

ترف له بالعلم عكف الاشانيب
وترق له كل القلوب القطوعه

[وزارة الحرس الوطني @sanggovsa]

حنا ليا ثار العسام ونثرناه …
نسقي خصيم الدار كاس المنية

[أُسـامـة بن ابـراهـيـم الـتـركـي @oit77]

كلن يشوف انه سليم الاعتقاد
وان الله الهادي وهو المهتدي

البخل في عين البخيلين اقتصاد
والضعف حكمه في عيون الاجودي

واسهل عمل للفاشلين الانتقاد
كلن يسب اهل الردى حتى الردي

حتى الجبان يصير طارق بن زياد
اذا جلس على البساط الاحمدي

[أُسـامـة بن ابـراهـيـم الـتـركـي @oit77]

ورغم كل اللي اشوفه بعيني ماصغرت
ولو تكبر ضيقتي قلت انا يا هونها

التعب فيني تمادى ولكن ماشعرت
لين شفت ان الليالي تغيّر لونها

بس انا لازلت صابر عليها وان عثرت
كل ماطحت انتهض خطوتي واصونها

ماسك يدين الأماني وبها دربي عبرت
في رجا غيمة فرح ماتغيب مزونها

[أُسـامـة بن ابـراهـيـم الـتـركـي @oit77]

ياضايق الصدر بالله وسع الخاطر
دنياك يازين ما تستاهل الضيقه

الله على ما يفرج كربتك قادر
والله له الحكم في دبرة مخاليقه

حلو العيون استهان دمعها الحادر
كف العباير حزين الدمع ماطيقه

حسايف الحزن يغشى وجهك الطاهر
والورد في وجنتك حرام تغريقه

[أُسـامـة بن ابـراهـيـم الـتـركـي @oit77]

من روّض أفكاره على الطيب ماخاب
يسرج أصيل الفعول ويكسب شرفها

[أُسـامـة بن ابـراهـيـم الـتـركـي @oit77]

يارب يسِّر أمورنا، وفرِّج همومنا فيك الرجاء سُبحانك وإن ضلَّ السَّعي وانسدّت الطُرق وانقطعت حبال الأسباب، اللهم إن في تدبيرك ما يُغني عن الحيَل، وفي كرمك ما هو فوق الأمل

[د. مشعل بن محماس @MASHAL_ALHARTHY]

يا موطني كَثْر العداء والهَجَمات
تزيدنا فوقك ثَبات وعَزيمة

وطن وطن ما فوق مثْلك كرامات
ولا على غيرك شهادة وشِيمة