المهيمزي

💎شاعر لا استنسخ من احد احب الناس واكره التصنع والمجامله لا أحمل ضغينه اتابع من يتابعني هذا الحساب بديل وهذا👇حسابي الرسمي💎

[#الشاعرة_شموخ @zero0o0__]

:
جيت لك شوقي سما و الظاهر انّي
ما انتبهت و طحت من قبل أتراجع

و الاماني صابها خذلان منّي
والمواجع زادها صدك مواجع
:
#شموخ
#صاروخية_شعر
#بوح_آخر_الليل
#بيتين_شعر
#المجاراة_للمبدعين

[عايض الرشيدي @ayedhalrshidi]

@zero0o0__ يابحور الهزج مدري ويش اغني
لين يصدح في سموعي صوت ساجع

طول ليلي لو يطير النوم عني
كني المسؤول عن كل المضاجع

#عايض_الرشيدي

[عايض الرشيدي @ayedhalrshidi]

#ياحادي_العيس

ياحادي العيس في دنياك عابر سبيل
خطوتك الاولى لغم والثانيه قنبله !

في صفحة الماضي اللي مابعدها بديل
عينك على الحاضر اللي صفحته مقبله

احدً بجنح الظلام ثيابهم ماتميل
واحدً بوضح النهار ثيابهم مسبله

ماني على مايجيب آدم وحواء وكيل
ولاني مدوّر بقايا حب بالسنبله !

#عايض_الرشيدي

[عايض الرشيدي @ayedhalrshidi]

#سود_الله

سود الله وجه شرواك يوم انه نصاك
واحدً حده زمانه من الحاجه عليك

جعل يرجح في موازين سيئاتك رداك
مايسجل لك من الخير حسناتٍ تجيك

#عايض_الرشيدي

[عايض الرشيدي @ayedhalrshidi]

@zero0o0__ اشوف البروق تلوح لكن مابه
سيل
من العام وعسوس المشافيح
كذابه

ياحلم اليتيم اللي زمانه من أسوأ
جيل
تعلم من الاصوات مدفع
ودبابه

عسى الله يجيب اللي عقد في نواص
الخيل
لحيثه عظيم الشان ماخاب
طلابه

#عايض_الرشيدي

[عايض الرشيدي @ayedhalrshidi]

@zero0o0__ @sh8cf ثابر قبل بحر الغلا يضمحلّي
لاتستهين بطرف عينيك ليا رف

ان كنت صادق عن نواياك قلّي
حتى نحدد رأينا بالهوى صف

#عايض_الرشيدي

[عايض الرشيدي @ayedhalrshidi]

@zero0o0__ عسى الله يفرج ضيق صدري من
الاسباب
وياضع حمل وزري بفضله
ومقدرته

هو اللي يخص بصادق أمره بغير
حساب
تسير الحياه بفضل جوده
ومغفرته

#عايض_الرشيدي

[عايض الرشيدي @ayedhalrshidi]

#تشهد_عليك

ان كان ودك تحترمك اغلب الناس
اعرض عن الغرات واحفظ السانك

لاتصير وسط صدور الاجواد خناس
تشهد عليـك بما تسـوي بنانك !

#عايض_الرشيدي

[عايض الرشيدي @ayedhalrshidi]

#متجاهلين_النمل

متجاهلين النمل الأبيض مع السوس
مـاننحـنـي وأنجـومـنـا فـي سمانا

الله خلق فينا الوفاء عرق مغروس
ندمـح خـطـأ الجاهـل ونمنع ردانا

#عايض_الرشيدي

[عايض الرشيدي @ayedhalrshidi]

@zero0o0__ العب معي مسحوب وإلا هجيني
جاوب معي من هيض صوت العصافير

ادخل حصين الذاكره مع وتيني
اضعاف فرط الصوت من غير تخدير

مديت لك من طيب قلبي يميني
واثرك تعاملني مثل راهب الدير

سير الحياه اسرار بينك وبيني
الشك ماله بين الاحباب تبرير

#عايض_الرشيدي

[عايض الرشيدي @ayedhalrshidi]

#ويش_اسمها

يامن سميه يجي بين الليال وبين الايام
اقفاية الليل واقبال النهار من الاسامي

بيت من قصيده
الشاعر مرزوق بن إبراهيم بن عساف الجهني رحمه الله

#عايض_الرشيدي

[عايض الرشيدي @ayedhalrshidi]

@zero0o0__ طالت مواعيدي وساعي بريدي
وانا انتظر منك الخبر بالجريده

ليت الطيور اللي تغرد تعيدي
على مداهيل الحياه السعيده

#عايض_الرشيدي

[عايض الرشيدي @ayedhalrshidi]

#تعال_لي_كلك

تعال لي  كلك  وأنا  أجيك  كلّي
ننفض غبار الوقت والعمر  ملحوق

اقلط وتعرف واجبك في محلّي
بين الثرياء  والثرى   هامتك  فوق

عيني ترحب  بك  وقلبي  يهلّي
أهلا و سهلا فيك  من خافق الشوق

قلّي وش اللي خاطرك فيه قلّي
واسوق لك فنجال عذب الهوى سوق

يامن خيالك صار لي مثل  ظلّي
لو إن مال أهل  الهوى سلم وحقوق

لاغبت عني   يابعد   كل من لّي
اعيش  أنا والهم   والحزن والعوق

من كثر شوقي ياسبب ماحصلّي
ناديت لك صوتي من الضيق مخنوق

منك العذاب اللي حصل جايزٍلّي
انت  اعتبرك  العين  وأنا لها  الموق

وإلا  الهزو   والمهزله  والتبلّي
ماهي طبايع قلب  خالي من البوق

حبك   بقلبي   عقدةٍ  ماتحلّي
وسط  الخلايا  دونها  دم  وعروق

#عايض_الرشيدي

[عايض الرشيدي @ayedhalrshidi]

@An_foa عنفوان الحرف والنجم الخماسي
ياشموخ الشعر خله في سباته

السماء والارض والشم الرواسي
والمطر والوسم في حكمة براءته

#عايض_الرشيدي

[عايض الرشيدي @ayedhalrshidi]

@zero0o0__ اختبار الذكي ومشاجر الفيلسوف
من دخل بينهم يحس بالشلقطه

المطر فوق برمودا يهل القنوف
يتعدا مكان الخوف والحلقطه

#عايض_الرشيدي

[عايض الرشيدي @ayedhalrshidi]

@zero0o0__ @sh_mk1 يامرحبا طاب المساء والنور ياقفاه السرور
آدم وحواء حولوا بالارض رجال ومره

كل الدروب مع الوسيعه ماتبي نقطة عبور
الدرب واحد لاتحيد من أيمنه وإلا ايسره

#عايض_الرشيدي

[عايض الرشيدي @ayedhalrshidi]

@rvx_to سقاني السم المركز على الريق
لين انتشر بالدم من غير سبه

ماخذت من بيني وبينه مواثيق
رمابي الطوفان في وسط غبه

#عايض_الرشيدي

[عايض الرشيدي @ayedhalrshidi]

#اقرب_وعطني

اقرب وعطني خافقك في يديني
وانت امسك الخافق وتل المعاليق

اختر بحر  مسحوب  وإلا هجيني
واترك   عليّ  القافيه  والطواريق

خله  يدندن   مع  حنينك  حنيني
ناخذ من  الماضي علوم المطاليق

من شوق نستنشق  غبار السنيني
وريح المطر فوق الغصون المواريق

مادمت  بالذكرى معي  تحتويني
اعيش في نعمه لو إني على الريق

احس  كني  ثالث  الفرقديني
ارقا متون الشامخات الشواهيق

باب  الغلا  مفتوح  بينك  وبيني
على الوفاء تسري عهود ومواثيق

بدايتي  مابيـن  عينك   وعيني
ونهايتي تحت  الثنين المدانيق!

#عايض_الرشيدي

[عايض الرشيدي @ayedhalrshidi]

@bjj_b @AboMuhanad10 اعلنت انا توبة خفوقي من الشوق
عبدك برجوى رحمتك من ذنوبه

شم الجبال الشامخه روسها فوق
يالله لاتجعل حوبتي عقب توبه

#عايض_الرشيدي

[عايض الرشيدي @ayedhalrshidi]

@nr80a جريتها من صميم القلب واوجعني
كنه تضايق بضخ الدم شريانه !

اشوف كل البشر حولي يشجعني
على طريقٍ يشيل الموج بركانه

وانا ادري انه ماراحً مايرجعني
ماتحدد البوصله والماب عنوانه

#عايض_الرشيدي