عبدالرحمن فالح المويسه

- سبحاِن الله وَ بحمَده سبحاِن الله العظيم .

[عبدالرحمن فالح المويسه @almouish]

( ربنا آتنا في الدنيا حسنة وفي الآخرة
حسنة وقِنا عذاب النار )

[عبدالرحمن فالح المويسه @almouish]

الهروج العوج مالي من وراها حاجه
سلعةٍ من باعها يشرَه على شاريها

عن ركيك الهرج سمعي قافلٍ مزلاجه
والهلايم ماتبي هرجي وانا مابيها

الصغار أرقابها فـ التافهه منعاجه
والكبار تمرّها ما كنّها تعنيها

للتغافل عن ضجيج المجتمع وإزعاجه
لذةٍ من ذاقها ماعاد فرّط فيها .

[عبدالرحمن فالح المويسه @almouish]

يالله وأنا طالبك من مد جودك نصيب 
ياواحد رحمته ماينقفل بابها 

وانا دخيلك من الخيبات يامستجيب 
ومن انصراف القلوب ومن تقلابها

لوتشرق الشمس عاده مقتفيها مغيب 
ويضفي عليها سواد الليل جلبابها 

الناس فيها بلا والوقت ماله صحيب
والنيه الطيبة ماتنصف أصحابها .

[عبدالرحمن فالح المويسه @almouish]

خلّك على الوجه الأبيض وأصلح النيّه
لا تقــول هذي لـ أجـل هذي مسويها
.
قل جعلها حسنـةٍ تقضي على السيّـه
النـاس مهمـا تسوي صعـب ترضيهـا
.
يالله بـ ذكـــرٍ جميـل و ســـمعـهٍ حيـه
و الوقفـه اللـي تبيّـض وجـه راعيهـا

[عبدالله سالم خلف الهطلاني @as_alhtlani]

م اللّٰه خلقنا لاجل لحظات ونغيب
من حدته " سود الليالي " لقانا.

[عبدالله سالم خلف الهطلاني @as_alhtlani]

اللهم صلّ وسلّم على نبيّنا محمد ﷺ

[عبدالرحمن فالح المويسه @almouish]

الصاحب اللي ينصحك لا تمله
هو راس مالك فـ الليال المعاسير

واللي يخاف العيب ويراقب الله 
احرص على خوته كانك تبي الخير

واحفظ لسانك لا يجي منك زلة
تندم بيوم ٍما تفيده معاذير 

وابعد عن دروب الردى? والمذلة
فوق ٍ على ذنبك هموم ومخاسير .

[عبدالرحمن فالح المويسه @almouish]

من فضل ربي ماربينا على العيب
درب النقى نمشيه من طيب نيّه

نفزع مع العالم طناخه وتهذيب
ماهي ردى ولا بنا عنصريّه

عمر الثنا مانقص الذيب ياذيب
وبفضل ربي ما مدحت الرديّه

خوينا لو بان فيه العذاريب
اليا نشدونا عنه فينا حميّه

مانقبل بهرج القفى ساعة يغيب
واليا حظر يبشر بفزعة خويّه

[عبدالرحمن فالح المويسه @almouish]

الادمـي يسعـى وياخــذ بالاســباب
و المجـتهــد مـا ياخــذ الا نصيـــبه

لو طالت الطرقه وخيط الشفق غاب
البعد " زرفــال الركـايب " يجيـــبه

و الطيب والمعروف له عـدة ابـواب
والصدق وجه الحق والكذب خيـبه

ومن لااغتنم درب المراجل وهو شاب
ماهــوب مدركـها الـى بــان شيـبه

[عبدالرحمن فالح المويسه @almouish]

من خلقت الناس شماته ومداحه
ريح ضميرك ونفسك لاتضايقها

الشجره الطيبه ، بالطيب فواحه
ماتختلف لو سموم القيض تطرقها

مايثمر الشوك برحيه وتفاحه
حتى لو ان القراح العذب يغرقها

ارضى الله الوالي ان كانك تبى الراحه
ورزقك على اللي خلق خلقه ورازقها .

[عبيد سعد المويزري @1v404]

الصاحب اللي يرفع الراس نشريه
نوفي له الميزان ونكرم جنابه

ونزيد في حقه وناخذ ونعطيه
ولا نسمع النمام مهما حكى به .

[عبدالرحمن فالح المويسه @almouish]

دوّر اللي لا لقى الصعبات كيّف
لو تقول الموت قال الموت طفسه

لا تسندها على الراس الضعيّف
مايفيدك واحدٍ ما فاد نفسه .

[عبيد سعد المويزري @1v404]

جعلني عونٍ لـ ربعي ليا طال الطريق
وجعلني بالعزم والصبر محظوظ وقوي

وجعلني قدام لا اموت ما ازعل صديق
وجعلني مارد محتاج ولا افشل خوي .

[عبدالرحمن فالح المويسه @almouish]

@aziz_aldegher علينا وعليك يتبارك وعساك من عواده💐

[عبدالرحمن فالح المويسه @almouish]

@Nader_d7 علينا وعليك يتبارك وعساك من عواده💐

[عبدالرحمن فالح المويسه @almouish]

@HALF3M علينا وعليك يتبارك وعساك من عواده💐

[عبدالرحمن فالح المويسه @almouish]

@_q715 علينا وعليك يتبارك وعساك من عواده💐

[عبدالرحمن فالح المويسه @almouish]

@m7mdaldf3n8 علينا وعليك يتبارك وعساك من عواده💐

[عبدالرحمن فالح المويسه @almouish]

@mwzri1 علينا وعليك يتبارك وعساك من عواده💐

[عبدالرحمن فالح المويسه @almouish]

@om7r_ علينا وعليك يتبارك وعساك من عواده💐

[عبدالرحمن فالح المويسه @almouish]

@x222r علينا وعليك يتبارك وعساك من عواده💐