مبارك السهلي

(رَبَّنَا آتِنَا مِن لَّدُنكَ رَحْمَةً وَهَيِّئْ لَنَا مِنْ أَمْرِنَا رَشَدًا)

[مبارك السهلي @alsehali1]

يابوك لا تنشد عن الحال يابوك
اوجس على كبدي تقل جمرة غضى
وشوف قدامي متاهات وشبوك
لوك تحسب الوضع في خير وفضى
من ليلة البارح ورى الضلع داكوك
وصايم عن اكل الزاد لا فرض وقضى
كني سجينٍ دونه الباب مصكوك
لا يشمله عفون ولا بحكمه رضى
خايف لا تطلبني وطرف لك البوك
وانا خبرت انه من البارح فضى

[مبارك السهلي @alsehali1]

ما طاحت الدمعه على شان فرقاك
طاحت قهر من غلطتي حين جيتك

كنت احسب اني لا تضايقت بلقاك
يوم الزمن وقف على باب بيتك

[مبارك السهلي @alsehali1]

@DlE4422 @mj1419 ونعم فيك وفيه ولا يستغرب المعروف والطيب من اهله
ولا رد الثناء والمعروف من اهله
الله يجمعكم على الطاعة وصح لسانك 🌺

[مبارك السهلي @alsehali1]

تبي ..تعيش .. بدنيتك دوم مرتاح
حتى لونك ما وصلت .. للي تبيه

اكذب وجامل ونطح صياح بصياح
واذا لقيت الصدق سلملي عليه

[مبارك السهلي @alsehali1]

لولا الامل .. ما قلت للقلب لاباس
ولولا الصبر ..يمكن لحقني ملامه

اضحك ليا قالوا ترى الناس للناس
وانا ادور .. من بعضها .. السلامه

[مبارك السهلي @alsehali1]

بعض البشر لو نصحته تبلش بعله
مقاس عقله مع اهل العرف ولادي

اجزل عن الدرب واللي بجعبتك خله
لا تسولف بوادي وخلق الله بوادي

والله لو جبت حيلك والصخى كله
من يقعد اللي بوسط القايله غادي

[مبارك السهلي @alsehali1]

اخذ خفوقي .. يابو بندر ودبربه
وله مدتن ما يرد .. مدعوج الاعياني

كل الشوارع تمر اليوم في دربه
وش عذرها بالهجر والواتس مجاني

[مبارك السهلي @alsehali1]

اشغلتني في فعل جدك وخالك
مدري بنشوة .. كاس ولا تحلم

ابوك محدن قال له كيف حالك
وخالك لو تصيح المره ما تكلم

[مبارك السهلي @alsehali1]

رجلاً تبي افراقه .. ورجلاً تبي قربه
ورجلاً لو تحايله ماسقاك قرطوعي

العفن لو طاب يحسب انه عصى ربه
كنه عن المرجله والطيب ممنوعي

[مبارك السهلي @alsehali1]

باب الجفى اللي بالمشاريه دقوه
ما ينفتح للي .. عن العزه جمح

وفنجالهم لوه من الطيب ساقوه
ما رد لي قيمه لو الخاطر سمح

ياللي تجيب العلم والعلم ودوه
لي هاجسن في عالي القمه طمح

دام الحطب وسط الرجاجيل حطوه
من يرتضي .. زله .. عن الزله دمح

[مبارك السهلي @alsehali1]

اكبر عدو .. للمرجلة .. شوفة النفس
واحقر بشر راع اليدين الشحيحه

قبل امس مثل اليوم واليوم مثل امس
والله يعين اهل القلوب الجريحه

اسجد لربك وشكره فارض الخمس
لا صرت متعافي وتعطي نصيحه

[مبارك السهلي @alsehali1]

ما تكفكف الاعذار دموع اليتيمه
لو جدك اللي حاكم الصين والهند

من يفتخر ويديه عضبا وعقيمه
مثل الهنوف اللي تمشى على لند

[مبارك السهلي @alsehali1]

لو قيل للكلب بالمصلوح ياسيد
محدن بغى قربه ولحدن عدل ذيله

[مبارك السهلي @alsehali1]

@saudiweathergr هذي مشكلة كفرات الدفع الرباعي السيم اذا انصلخ اعدم لك الرفارف والبطانات بسبب انه جزء ينصلخ ويبقى معلق بالكفر

[مبارك السهلي @alsehali1]

كب العتب وذبح ذلول المشاريه
من عقب ما هبت عتي الرياحي

الناس ماتدري عن الوضع يابيه
كلن من همومه يجر الصياحي

ان كان لك في عدنا قطرة مويه
عز الله انه صار .. سمن ذحاحي