هو اللى وصل وصل عشان في اهله ساعدوه يوصل و لا عشان كان معاه صحبة في الطريق ولا وصل عشان كان هو عاوز يوصل و لو وصل عشان كان هو عاوز يوصل مجاش علية وقت مكنش عندة طاقة يعمل حاجة
بصراحة بخاف من الذكريات بخاف من اللحظات الحلوة اللى عملناها و صورناها بموبيلاتنا تبقي ذكرى بجد و منعرفش نعمل زيها تانى بخاف الناس اللى في الذكريات دى تمشي او تخون و الصورة اللى كانت بتخلى العين تلمع تخلى العين تدمع
قال رجل حكيم ذات مرة بس مكنش حكيم في المرة دى البعد في المسافة دايما في العلاقات بيعمل مشاكل و خناقات
بس انا رأيي مختلف خالص البعد في المسافة بيخليك دايما مشتاق بيخليك تنسى الوحش و تفتكر بس الأوقات الحلوة بيخليك دايما عندك طاقة انك تقصر المسافة دى
بيخلى لحظة اللقاء كل مرة احلى من اللى قبليها عامله كدا زى العطشان اما بشرب بق ماية متلجة عامل زى ما ام كلثوم قالت قابلنى و الاشواق في عنية..... نسيت ساعتها بعد لية عموما يعنى الشوق حلو