(عديتها من باب يمكن يحسون)
لكن بعض الناس مافيه شيمه
اللي مثل ذولا فلا يستحقون
الا المهونه والجفا والشتيمه
وبيعوضك الله من هل الطيب مليون
وبعدك عن الرديان قدر وحشيمه
سعيد بن زران
متعودين نقول: مبروك ياهلال
هرج ٍ عليه الناس شافوا الفعايل
خصمك يذوق الغبن في كل الاحوال
ومن طاول اطول منه ماهوب طايل
ابداع في الملعب وتكتيك واقوال
وياعزتي للي ذبحته القوايل 🤣
سعيد بن زران
خويك اللي يرخصك في المساحه
الحمد للي بيّن طبوعه السود
البعد عنه يا ابيض الوجه راحه
ولاني على بعض المخاليق محدود
الطيب لاهل الطيب ستّل جناحه
والا الردي ماعنه يالربع منشود
يقطع صبي ٍ ضاري ٍ بــ (……..)
والوقت يكشف لك هل النقص والزود
سعيد بن زران