ابراهيم التميمي

(مساحة الشعور أكبر من مساحة العطا)مهتم بالأدب وشاعر بما اشّعُر ْ

[ابراهيم التميمي @altimimi_005]

لاخاب ظنك ثم تدانت مساعيك
واللي تبيه من المقابيل دبّر

اطلب كريم لاجفا الناس يعطيك
بايمانك اللي لاكبر فيك تكبر

[ابراهيم التميمي @altimimi_005]

اللي تغلا وأعلن الصد مسموح
قولوا له ان اللي رحل .. ما شحّنا

إلا الكريم اللي من الناس ممدوح
الـنادر الـلـي نـادرٍ فـي زمــنّـا

ليت العمر يشرى ونشريه بالروح
ونقدمه للـي خـذ المـوت عـنّا
#ابراهيم_التميمي

[ابراهيم التميمي @altimimi_005]

(هذي قطر 🇶🇦) جعلي لها من يديني
لا راسي اللي طيبات مجانية

#ابراهيم_عبدالله_التميمي

[ابراهيم التميمي @altimimi_005]

تارد على الـعد ..الـقراح
من يومها قـيـض ودهـر
تارد على الـعد .. الـقراح

ماجات من طيب..وسماح
سـاقو لها الغالي مـهـر
ماجات من طيب..وسماح

روس على روس ..الرمـاح
ماهيب ضرب فـالـظهـر
روس على روس..الرمـاح

غاياتهم دين ..وصـلاح
وآمـان فـي سر وجهـر
غاياتهم دين..وصـلاح
#ابراهيم_التميمي

[ابراهيم التميمي @altimimi_005]

واليا اختلف ظنك ترى الوضع لاباس
مــا كـل شي يـوخـذ بالـفـراسـة

لكن مادام انك مع الوضع حـساس
لاتقطع حبال الصـبـر بالحماسة

وتـصـيـر مـن بـين الـرياجيـل وسواس
مايفرق العود الخضر عن يباسة

امـا يـوردهـا عـلـى سـايـر الــنـاس
ولا يـدربـون المـخـالـيــق راسـة
#ابراهيم_التميمي

[ابراهيم التميمي @altimimi_005]

#الطموح

اغرب حنين يمرني بـاخر اللـيل
شي تـمنيتـه وانـا مابـلـغـتــه

احن لـه لو غريب التفاصـيـل
واليا بدا لي ماتخـيـلت هـبّـتَـه

طبعه ليا زدت العتب والتهاويـل
يموت كنه لاحـمى القيـض نبّـته

ابيه حتى لـو بعـيش الغـرابـيـل
واليا قصر جهدي من الشوق زدته

#ابراهيم_التميمي

[ابراهيم التميمي @altimimi_005]

اليا غشى عين البصيرة تشاويش
قمت انثر الصملات منا ومنا

احيان اوردها على القوم والجيش
واحيان اوردها على ماتـمـنّا
# ابراهيم_التميمي

[ابراهيم التميمي @altimimi_005]

الـيا بـلاك الله بـانـســان يا انــسـان
لايـذبحك كثـر الخطا والتمادي

بعض اجتهاد اللي يبي الزود نقصان
والصد عن من يكثر لـغاه عادي

ماقلت انا اللي ابرك الـنـاس لو كان
عشت الحياة برغبتي واعتقادي

(لكن عرفـت ان العـقل دق نيشـان
وصيد العقل يبغي له انسان هادي)
#ابراهيم_التميمي

[ابراهيم التميمي @altimimi_005]

احيان مدري خطوتي وين ولوين .؟
واحيان ماشـاء الله عـلي واتـزانـي

بس الأكيد انـا عن الـحـال راضـين
لو كان ماهذا المـكان بـمـكانـي

وأهم شي انـا على الـعـهد بـاقـين
حتى لـو انـا فـي بـقـانـا نـعـانـي

ومادامنا فصدور الأحباب غـالـيـن
هذا العوض من ماجرى في زماني

#ابراهيم_التميمي

[ابراهيم التميمي @altimimi_005]

صاحب المصلحة (المصلحجي) ليس بالشخص الأناني كما يقال وليس بالشخص المخلص، مع ان سلوكة مرن في التعامل، لكنه يعطي بقدر ما يَطلُب أو بقدر مايستيطع الحصول علية فقط.
والشخص الأناني سلوكة هو الاهتمام المُفرط بالمصلحة الخاصة فقط، ويرى الناس وسيلة لتحقيق رغباته لا أكثر

[ابراهيم التميمي @altimimi_005]

روّح دخيـل مـن التندم وطاريه
ومن العتب دام العتب مايعبر

وان طال ليل يقطع الدرب ساريه
اكبر حصيله لذن الصبح كبر

#ابراهيم_التميمي

[ابراهيم التميمي @altimimi_005]

ومادام لي ربعن على الكايد تنوب
نوب السباع اللي تغز المخالب

بنسايس الدنيا على ساس واسلوب
وللحق حق وراعي الحق غالب

واللي غدا فنجاله اليوم مشروب
لايشـتحن ولا يجينا تـكالب

حنا خذيناها معاديل وحـروب
شلون لاصارت على ادنات طالب
ابراهيم التميمي

#شامخات_الشقح
#ابراهيم_المهيدب

[ابراهيم التميمي @altimimi_005]

قـلبـن يـتله مـومـيات العـكـاريش
مشاعره من صوبـهن مستحله

اقسى من الجلمود وانعم من الريش
والله يـستـر لايـجي فـيه خلـه

يفرح ليا جـاء من جهتـهم مـطـاريـش
ظامي توجّاده من الطرش بـلّـه
#ابراهيم_التميمي

[ابراهيم التميمي @altimimi_005]

يأتيك أمر وتناقشة مابين
( عقلك و هواك و عاطفتك ومروءتك )

فالـعقـل : يأمرك بالأنفع
والـهـواء : يأمرك بالأمتع
والعاطفة : تأمرك بالأرفق
والمـروءة : تأمرك بالأرفع

فإذا ازدحمت عليك هذه الخيارات فاختر المروءة فإن عاقبتها حميدة ومسلكها آمن

[ابراهيم التميمي @altimimi_005]

للقلب شوق وداعي الشوق يكويه
وللنفس صبر وللرجاجيل طاقة

ليت الغياب اللي بلا عذر يمحية
او ليته ان جاء مايطري فراقة

الحب بـذره والتـواصل سـواقـية
واليا انقطع ماهي بلحية لباقة

لاكن بوصي واحـد خاطـري فية
لامن لقـاك الخير بالخير لاقـة
#ابراهيم_التميمي

[ابراهيم التميمي @altimimi_005]

نبذل من المجهود مانستطيعة
وغاياتنا مثل النـجوم الـمطـلات

من سلمنا حفظ العهد والشريعة
ومقابل صدوف المقادير لاجات

وراياتنا من ذكـر اهـلـنـا رفيـعـة
وفعولنا في حـاضر الوقت عسرات

لهل الـردا واهـل الوجيه الوسيعة
واللي يخلي طييه ان طاب حزات
#ابراهيم_التميمي

[ابراهيم التميمي @altimimi_005]

@2ik2_ سلمت ودمت ياظافر وبعض من ماعندك

[ابراهيم التميمي @altimimi_005]

والله اني سمحت ولا لحلمي سماح 
لين يعطي قدرنا شف رغباتنا 

ماشحني من اللي كنت اجي له وراح
غير سرقت تعبنا من ملذاتنا

من بدايت مسانا لين قبل الصباح
مايزوده علينا غير هقواتنا 

ليتـها بالسـيـوف ولـيـتها بـالرماح
كان جبنا الغنايم من بداياتنا

#ابراهيم_التميمي

[ابراهيم التميمي @altimimi_005]

لاسمح صدر الصبور ولاحت اسباب التخلي
ضعفت عزوم القوي وقويت عزوم المخافه

لاحدن ياتي ويبحث عن خفاي اللي حصلي
والله انه فالســوالـف يلحق الخاطر كلافه

#ابراهيم_التميمي

[ابراهيم التميمي @altimimi_005]

يجي من غيمة الذكرى ليا حل المساء هتان
يحـد المشتحن لاضاق من داره على المسرى

الا يـاليت مايخـلق من ارحـام الغـلا فـقـدان
والا ياليـت مايخلق من ارحام الـجفا ذكــرى

#ابراهيم_التميمي

[ابراهيم التميمي @altimimi_005]

@AboMoha58838772 @M_saakran الكلام معك بدا ينزل مستواه وانا اترفع عنه لاكن التاريخ يكفيني بالمشهور من القول والآثر الواضح على بني النمير فلو كانت ماهي بالشعر والبربره على كلامك وجات على الفعل لما عاش الشاعر جرير بعد ماوضع الأسم النميري فالقصيدة وماسميت بالدامغة