مجهار

في تغريداتي تجدني كل القصايد نقل ذائقه الا ماكتبت بإسمي (السعودية خط احمر 🇸🇦)

[مجهار @alwared2143]

اذا جاء يوم وانقطعت كلماتي وإخباري فاعلموا اني رحلت الى البارئ فاذكروني بدعاء كي لا اخشى ظلمة القبور..
اللهم إني أسالك حُسن الخاتمة والجنة 🕊️
لا إله إلا الله ❤️

[مجهار @alwared2143]

ماعندي الا جسد ربي نفخ فيه روح
ماهمه يحاسب العالم ولا تحاسبه

انا صديق الوفا وانا صديق الوضوح
اللي معاها كثير من البشر .. راسبه

ما كل من شافني شفته بـ عين الطموح
احساس الانسان ماهو بـ الةٍ حاسبه

ما بين ناسٍ تجي ومابين ناسٍ تروح
ما كل واحد يناسبني لو ،،،،،، اناسبه

[محمد المقحم @mohamed6290]

عندما تكتشف أصول الاخلاق ودوافعها
ستسقط كثير من الفضائل في الوحل.

[مجهار @alwared2143]

@daq48 قراءت تغريدتك قلت وجهة نظر
لكن من الردود ومن تعليقك على ردودهم لاحظت الفجور بالخصومة
وشهادة حق مع مخالفتي لكلامه عن من ياخذ الماء (يمكن قصدهم يكسب اجر وليس حاجه )
إلا اني أراه من افضل الرجال كخلق ومنطق وذرابه ونستمتع دائماً بسرده للقصص وحكمته في معالجتها
الاعتذار من شيم الرجال

[مجهار @alwared2143]

@daq48 قراءت تغريدتك قلت وجهة نظر
لكن من الردود ومن تعليقك على ردودهم لاحظت الفجور بالخصومة
وشهادة حق مع مخالفتي لكلامه عن من ياخذ الماء (يمكن قصدهم يكسب اجر وليس حاجه )
إلا اني أراه من افضل الرجال كخلق ومنطق وذرابه ونستمتع دائماً بسرده للقصص وحكمته في معالجتها
الاعتذار من شيم الرجال

[مجهار @alwared2143]

سلام يا من لي وانا له
لأمن عوى ذيب لذيب

ولا من صفى جالي وجاله
ماعندنا في اللي حريب

#زامل

[مجهار @alwared2143]

ماني بخبلٍ نومته حزة الضحى
ولا من رخومٍ شينها في قريبها

اللاش دايم نقمته لابن عمه
لو كان ماله حجةٍ يدعي بها

[مجهار @alwared2143]

اتقيّد بـ المدارى وانا حُر طليق
ماني بطير يوقع على غصن شجره

يارفيقي والله انك عجب عين الرفيق
وتعرف حق الرفيق الحشيم الى شره

يوم ضاق اخو الرضاعه على الاخو الشقيق
مازهدت بصلب جدي على بطن مره

لاتجي ضد ابن عمي وتبغيني صديق
الصداقه ماتقدّم على الدمّ " شعره

[مجهار @alwared2143]

لا تختلق يـ ابن الاجاويد الأعذار
عذرك لو ان ماهو سمين يتسمّن
ـ
غلاك دونه جند وسلاح وأسوار
فـ قلوبنا مثل الدخيل المومّن
ـ
ندراه ونحفْظه مثل حفظ الأسرار
ونصد به عن كلمةٍ ما تثمّن
ـ
مكانة الغالين والضيف والجار
هذي هي اللي ما تغيّر : تطمّن

[مجهار @alwared2143]

حكي القفا ذنبٍ على الفاضي وعيب
ياللي ماتنزل بندقك في قفاهم

حنا مانِلحقها ظهور الاجانيب
ياكيف نظرب ربعنا من وراهم

ان طابوا الله لا يضيّع لهم طيب
وإن اخطوا الله لا يبينّ خطاهم

[مجهار @alwared2143]

كل ماشانت وجيه الناس وسّع صدرك
لاتحسب إن في يدين الناس نار وجنّه

القريّب لا تكدّر خاطره وإستدرك
سامحه وإن جيته بزلّه تسامح منه

ولاتعلّق خافقك باللي مايحفظ قدرك
كثر ما تقدر توخّر عنْه ،،،،،، وخّر عنّه

[مجهار @alwared2143]

ليا زاحمك ابن عمك على العليا
افسح له الدرب لايسري بها غيره

[مجهار @alwared2143]

دايم على الطيّب الفنجال الاول يساق
ان مابغا ياخذ الفنجال ( والا بغى )
'
عده على اللي ضيوفه يعرفون السياق
في مجلسه مايجي زله ،،وطايش لغى !
'
تقول مابينه وبين ( القليل ) اتفاق
ان قام يفزع طغى وان قام يذبح طغى
'
من كثر ماهوب يذبح من عيال النياق
لاشافه الحاشي الطيب يشمّر (رغى )!

[مجهار @alwared2143]

ماهيب تفرق عندنا فقر وغناه
في كل حال الله كريم الله كريم

الي يبي نمشي تحت فيّت عصاه
حنى نمشّيه السراط المستقيم

حدٍ ليا نادا نجاوب ،،،، هاه هاه
وحدٍ لي نادا نرحب من صميم

بعض الوجيه تعلمك معنى الحياه
وبعض الوجيه استغفر الله العظيم

[مجهار @alwared2143]

ياخوك لا توايق على جمة البير
والغيم من يومين همل ونشا

مانعرف انداهن على دهنة السير
ولا نمشي حاجةٍ ما تمشا

حاول ماتزهم فالشيوخ المشاهير
مادام ان فيه أمراض صارت تفشا

اكثر من يحبون قرب التصاوير
تلقاهم يحبون قرب المعشا

[مجهار @alwared2143]

امسيت مدري من المظلوم والظالم
واصبحت مثل المسامح من بعد طلبه

ما يطلع الطيّب من المرجله سالم
كنه طلوع البطل من ساحة الحلبه

رضاي عن نفسي اولى شي في العالم
ورضا الاوادم حذفته .. حذفة العلبه

ما كنت قاسي يا قلبي لكن العالم :
من مد قلبه لهم .. داسوا على قلبه

[مجهار @alwared2143]

يا نقطة الضعف كان الضعف من طيبي
جحادة الطيب عودو مثل ماكنتم

ان كان سر الغلا محطوط في جيبي
خلو لي "الصدر فاضي" لو تكرمتم

انا على العز ماني " بث تجريبي "
ما اشوفكم شي حتى لو تكلمتم !

اهمش اعداي مثل معمر الليبي
هو يعرف اعداه لكن قال من انتم ؟

@TR_HSH

[مجهار @alwared2143]

سلّم على اللي يدل القوم فالظلما
ما ياجد الخوف مزبن في معاليقه

يشرب كبار المصايب مثل شرب الما
يوم ان بعض الرجال يغص في ريقه

اهل الحكي فاللوازم تنقلب بلما
وهرج السعه يعسر الرديان تطبيقه

لو انها افصح من ازهير ابن ابي سلمى
تصير مثل العجم في ساعة الضيقه

[مجهار @alwared2143]

فدى الطيّب اللي طاب فينا وطبنا فيه
ضعيف بيدفن ماظهر شي من طيبه

ماهو بأي واحد لا بغى حاجه نلبيه
نعرف الحصان اللي نلبي مطالبيه

بعضهم لزومه في يدينا ولا نعطيه
وبعضهم لزومه في يد الناس ونجيبه

[مجهار @alwared2143]

@alajmi1955 كيف أعزمه على ضحيتنا أنا من اول يوم مضحي وخالص
وهذا ضيف قابلته وعزمته وكان هذا رده

[مجهار @alwared2143]

حصل لي موقف وابغى رأيكم فيه ؟

قابلت شخص ماهو من منطقتنا ثالث العيد الاضحى وعزمته قلت عشاك عندي الليله
قال انت عندك ضحيه ماسويتها وتبغى تتجمل عندي تقول انها لي لكن روح شوف غيري

بالله وش الرد الأفضل والمناسب؟