صحت نجدٍ على صوت النباح ولجّة الغربان
عوافي.. قرِّبي منْك الوساده وادخلي لحافك
كأنك ما تعوّدتي على التجريح والنكران
من اللي زادهم في ما مضى من لحم أكتافك
تغطّي.. ما عليك الا الرضا ورعاية الرحمن
صياحٍ ما يساوي طلّتك من راس مشرافك
عليتي يا عماد الدين وجمرة شيمة الفرسان
كثير الظلم ما ضرّك ولا هو سرّنا انصافك
ولو كسب المعارك هرج سادوا غيرنا عربان
نبا سيف الحروف وما نبت في الحرب أسيافك
نَحسب إيران تكرهنا.. وكلّن في الهوى إيران
عسى يفداك من حب وعسى يفداك من عافك
متى يا قبلة الدنيا عرفتي الذل والحقران
ومنهو اللي تجرّا يقهرك أو يكتف كتافك
تهاوى عرش كسرى وانتهت سطوة بني عثمان
وانتي مثل خشم طويق في عزمك وميقافك
أنا والله مدري وش تبي يا الثاير الزعلان
تظن بلادنا ترجيك ، أو ان شيوخنا تخافك
تبي سلمان ! ناظر في السما كانك تبي سلمان
تخيب يديك ما طلته ولا طالوه أسلافك
#ولي_العهد_يستقبل_المهنيين
انا سعودي وراس العلم ينصاني
ماحط نفسي بموقف ما يليق بها
البيت ذا لحاله عن الف بيت…🇸🇦🌍
و بعض القصائد تمر… وبعضها تفرض نفسها فرض 🇸🇦
قصيدة الدكتور العقيد مشعل بن محماس الحارثي اليوم في الديوان ال��لكي أمام سمو ولي العهد كانت قصيدة عز وهيبة ووطن، أُلقيت في مقامٍ يليق بها تمامًا.
قصيدة للتاريخ فعلًا 🔥
@MASHAL_ALHARTHY
@hamdy_s_t ابدعتو فعلا وهذا ديدن كل شخص عنده قلة خبرة ويحسب كل صاحب. مهنه مرجع له بكل شي يخص المهنه وينسون الاختصاص والتشخيص لكل انسان حسب حالته
مباركة جهودكم فعلا عمل جبار ننتظر الابداع القادم