Aly hussein

[Aly hussein @alyhusseinn77]

@_MoustafaM الراجل مجنون دا احبطني

[Aly hussein @alyhusseinn77]

@ab0fairuz تسويق

[Aly hussein @alyhusseinn77]

@iAhmedeltaweel عادي يعمل فرح تاني لما يطلق او يتجوز تاني

[Aly hussein @alyhusseinn77]

@Gjust864Girl @whoshahrazad بحاول ادور ع الغلط مش عارف

[Aly hussein @alyhusseinn77]

@DsokeyyV فيه فيتشر اسمها cloud انك تشغل كلود ع مشاريعك بدون استخدام جهازك بس بالتليفون، هما تقريبا لسه بيجربوا الخدمة دي عشان كدا ادوا الناس كريديت للخدمة دي بس

[Aly hussein @alyhusseinn77]

@marriam_mansour الخطوة الجاية انترن باى شكل فيه نوع انترن بيعلمك حاجات جديدة ويخليك تبني بروجكتس وفيه نوع تنزل الشركة سواء اونلاين او اي نوع

[Mahmoud AbdelWareth @MAbdelWareth]

أكتر مدير كرهته في حياتي المهنية علّمني واحد من أهم الدروس في حياتي.

كان تالت مدير ليا في مايكروسوفت و بعد ترقيتين في ٣ سنين.

جه في فترة صعبة جدًا في حياتي. كنت عامل عملية في دراعي، ربنا رزقني ببنتي التانية، وأنا وزوجتي كنا بنحاول نوفّق حياتنا من غير مساعدة أهل، وتركيزي في الشغل مكانش زي الأول.

جه التقييم السنوي.

أول تقييم سيئ أخده في حياتي.

وهو اللي ادهولي.

كنت مقتنع إني اتظلمت.

كرهته. وكرهت الفريق. وبدأت أعد الأيام لحد ما أقدر أمشي.

بس كان عندي مشكلة: كنت مستني الـ Green Card. مقدرش ببساطة أسيب الشركة.

فقلت خلاص. هطحن نفسي، أرفع تقييمي، وأول ما أقدر أمشي همشي.

بعد فترة لقيت فرصة في فريق تاني جوه مايكروسوفت، في Windows.

رحت أقوله إني هنقل، ومتوقع إنه يطلب مني أقعد فترة أسلّم شغلي.

فاجئني.

قاللي تقريبًا: مفيش مشكلة. ممكن تمشي من بكرة.

اتضايقت جدًا.

حسيت إن ٣ سنين ونص من شغلي مكانش ليهم أي قيمة.

فسألته:
— إنت أصلًا عارف أنا بشتغل على إيه؟
— أيوه.
— أمال ليه ادتني التقييم ده؟
— عندك مشكلة.
— إيه؟
— مش بتنجز.
— إزاي؟ أنا بنيت حاجات كتير و الناس بتحبني.
— بتاخد وقت طويل تظبط الناس.
— مش ده الصح؟
— You're too nice. Just get things done.

الجملة دي استفزتني جدًا وقتها.
بس بعدين فهمت هو كان يقصد إيه.
أنا مكنتش بس بتعاون مع الناس.
أنا كنت بستنى الناس.
أستنى موافقة ده.
وأظبط مع ده.
وأحاول مازعلش ده.

وكنت أحيانًا بستخدم كلمة “collaboration” عشان أغطي على حاجة تانية:
إني مش عايز أخش في conflict.
وده كان بيبطّأني.
بعدها بسنين، لما رحت Amazon، قابلت تعبير لخّص لي نفس الفكرة:

Don't ask for permission. Ask for forgiveness.

مش معناها تجاهل الناس.

ومش معناها اعمل اللي إنت عايزه وخلاص.

معناها إن لما تكون عارف إن حاجة صح ومهمة، متخليش الحصول على إجماع من كل الناس شرط إنك تتحرك.

خد ownership.
اتخذ القرار.
وطلع نتيجة.
ولو غلطت، اتحمل مسؤولية الغلط واتعلم.
لحد النهاردة، أنا مش مقتنع بالطريقة اللي مديري تعامل بيها معايا وقتها.

بس مضطر أعترف بحاجة:

هو شاف فيا عيب أنا مكنتش شايفه في نفسي.

وأحيانًا، أكتر feedback بيوجعك هو الـfeedback اللي أنت محتاجه.