عبدالله المفضلي

@am2299

اعتذر عن المساجلات الشعريه ..واهل الاعلانات والدعايه والدعم لا اتابعهم واحظرهم ..

Joined February 2012

4.8K Following

13.8K Followers

67.7K Posts

عبدالله المفضلي

@am2299

about 15 hours ago

@naddrah30n مشكوره وصح بدنك

عبدالله المفضلي

@am2299

1 day ago

بالارض في وهم السعاده تمشّيت اشاهد الصحرا مــروج وحدايق شبّيت نار العزم عمد وتحديت يسوقني لمصارع الكود سايق ابعدت عن جرح الشعور وتنحّيت اسراب غيضي بالتسامح عتايق على ضفاف انهار الافكار مرّيت وردٍ تغطرف غي للعين شايق والشاعر اللي قال فيما مضى بيت (صارت رجالٍ مع رجالٍ علايق) يا كثرهم يوم انتبهت وتحرّيت كثر العلايق والتجارب وثايق يالله يا علاّم ما اظهرت واخفيت احظى بظلّك يوم عرض الخلايق #عبدالله_المفضلي #شعر

عبدالله المفضلي

@am2299

1 day ago

@al_baam صح بدنك وسلمت ودمت يابو سلطان

عبدالله المفضلي

@am2299

2 days ago

( هيفا) هيفا طروب و قدها تقل زملوق عوبا و شيلتها عبث خفّفتها وجهٍ صبوح ويشبه الشمس بشروق كــن الـبـشــاير بالجبين كـتـبتـها بخدودها فتنه وبعيونها شوق تلعن جدف راعي الهوى سلهمتها تخلف عقول الناس لاطبت السوق يطيح راس المال من غطرستها في خدها الايمن كما النيل مدقوق هو خال؟ والا رسمةٍ راسمتها؟ وصفي لها في مثلها كنت مسبوق بالوصف شاعر حرب قبلي نعتها تشكي ملابسها من الوسع والضوق كل الوصوف الفاتنه زاهيتها في منتهى الروعه وفي منتهي الذوق وتفاحتين بصدرها فاضحتها انظر لها عاشق ولانيب معشوق من عرض ناسٍ لجلجت وتبعتها هذا وانا قلبي له سنين مسروق واللي خذت قلبي بعد شابهتها #عبدالله_المفضلي #شعر

Who to follow

سعود سند حمود بعيجان آل علي

@SAUD_S_H_B

عميد م . @sanggovsa بكالوريوس @_KSU ماجستير @NAUSS_SA دبلوم الإدارة العقارية @AlYamamah_Uni لمزيد من المعلومات تفضل بمتابعة حسابات آل علي‌ @al_ali_r_f @Rt_alali

عبث الدول الكبرى في بلادالعرب يجعل هم العاقل امن بلاده،همي سلامة وطني ونظامه وادعو اهله للحذر والحرص عليه،وطني يستثمر بالمفكرين ويحارب المكفرين،شاعر، الخاص مهمل

عبدالله المفضلي

@am2299

2 days ago

@al_baam تسلم يابو سلطان مشكور طال عمرك

عبدالله المفضلي

@am2299

4 days ago

( شيخ الخيال ) في زحمة الناس كن النفس محشوره كن الشوارع سجن واصفاد واغلالي حبيت عيش السعيد وقمت في دوره تمثيل والّا الحقيقه ناشني صالي ساري بليلٍ يلف الكون ديـجوره رسمت بالفكر درب وشمس وظلالي ناديت شيخ الخيال وهز باكوره وأبحرت في عالمي والشيخ يبرا لي في ديرةٍ من جميع الناس مهجوره فارقت صخب البلد و اطفيت جوّالي مثل السجين المسرّح واشعر شعوره يا جنة القلب يا شوف الخلا الخالي هبّت هبوب الشمال وحامت طيوره والفكر من فوقهن تحت السما العالي روضة خيالي طلوع سهيل ممطوره لاحت بروق السحاب وجيت طوّالي الورد يضحك طرب في نشوة زهوره والغيم يبكي وهل الغيث همالي في منتهى نشوة الملهوف وسروره ذكرت بعض الامـو وكدّرت بالي ان قلت دنيا الفنا بالخير معموره بالغت بالسالفه والوقت ميّالي سيرة حياة البشر صوره ورا صوره فلمٍ درامي تصارع فيه الابطالي يقوله اللي عـزومـه كل مذخوره يضحك تصنّع وقلبه فيه الاهوالي بعض المواضيع بالالباب مقبوره للموت ما رافقت رجلي وخيّالي #عبدالله_المفضلي #شعر

عبدالله المفضلي

@am2299

2 days ago

@AbuFarees04 اشكرك على الاطراء الرائع تحياتي لك

355

عبدالله المفضلي

@am2299

5 days ago

( اللقاء) انت ياللي بالفؤاد اشعلت نار بالفؤاد اشعلت نارٍ من غضا لي ثلاث سنين في حال انتظار انت ما تافي وانا صبري قضا اذكر اللي في لقانا منك صار ابـتـعـاد وقرب وزعول رضا بالهوى الكذاب لا تبني جدار حط من دوني مراسيم وفضا انـتـفـرّق يا عشيري بالـديـار كان انا من حب قلبك مااحضا من مجرّب دوك يا جاهل قرار مـا تـولّـع بالـغـنـادير حـظـظـا #عبدالله_المفضلي #شعر

952

عبدالله المفضلي

@am2299

6 days ago

@al_baam صح بدنك يابو سلطان لا هنت

عبدالله المفضلي

@am2299

7 days ago

(الجاذبيه) يا نـيـوتـن مـا عـرفـت الجاذبيه صدّقوك اهل المدارس وانت ضايع والله ان الجاذبيه عاطـفيه تستحل القلب وتسوّي فضايع نظرة المشتاق مع غمزه خفيّه جابت المطلوب للطلّاب طايع هي ملامح وجه والّا مزهريه يا ورودٍ وصفها بالحيل رايع عرفتي لك صاحبي صارت قضيه هزّت الوجدان والدنيا وقايع يا محلّل ذبحة النفس البريه جا لها تحريم في كل الشرايع كان لك قلبين يا كبر الخطيه قلب شاري للحبيب وقلب بايع ارسل الاشواق لـعـيونـك هديه وان عشقت العشق بين الناس شايع ان سمعت الناي والّا السامريه لاع قلبي يا خلي القـلـب لايـع ما عوى ذيب الخلا بالمهمهيه كود من زود العنا ظامي وجايع التغلي والدلع والنرجسيه للعذارا شرع وفنون وطبايع الـصـراحـه راحـت الروح الشقيه والقلوب اسرارها تبقى ودايع قيس جنه حب ليلى العامريه ما لقى له في مواصلها ذرايع ماحسبت حساب كسّاب الرديه عادة الرديان خسرات البضايع #عبدالله_المفضلي #شعر

عبدالله المفضلي

@am2299

7 days ago

@al_baam تسلم طال عمرك ماعليك زود الله يحفظك

عبدالله المفضلي

@am2299

8 days ago

روس الاكابر الله ولا غـيـره علـيـمٍ بالاحـوال ماغير رب الناس للكسر جابر يكفي من السبع المثاني والانفال ما يجعل المؤمن على الضيم صابر سمعت لي بيت و طرا لي على البال اعـارضـه واشفي غليل الـمـحـابـر يقول ما يشكي من الوقت رجّال والوقت طاحت منه روس الاكابر ياما غدا به من مشاهير وابطال راحوا ضحايا الوقت والوقت غابر ما بـاقـي الا صيتهم حي لا زال احيا فعل .واموات وسط المقابر على السراب يدرهم الجيش زرفال وسعادة الدنيا كما الحلم عابر ما مستريح الا المهبّل والاطفال والا المـجـنّن ساكنين العـنـابـر ثـلاثـة ارباع البشر خيبة الـفـال كان المراجل كامنه بالمـــخـابر موت الكريم اليا انجبر يرجي انذال الله لا يــبـقـي للانـــذال دابــــر #عبدالله_المفضلي #شعر

عبدالله المفضلي

@am2299

8 days ago

@al_baam سلمت ودمت يابو سلطان صح بدنك ومشكور طال عمرك

عبدالله المفضلي

@am2299

8 days ago

العزايم اكبري يالعزايم واصغري يالظروف و اركدي يالهبايب واثبتي يالجبال كن ما اسمع كلام و كن ما اشوف شوف ميّت احساس عامد واخفي الانفعال بين راسٍ عنيد وبين قلبٍ عطوف وبين حظٍ تعيس وبين ظرفٍ عضال واقفٍ واتـجـاهل حر نار الوقوف فوق جمر الحقيقه تحت ثلج الخيال شاعرٍ عرقلنه جايرات الصدوف الهـمـوم الثقيله بـاقـيـه لا تـزال ليلةٍ عاندتني بالصعوبه تطوف كيف انا قلت ليله؟بالحقيقه ليال ما تجود الليالي في منال الشفوف الهقاوي تبخّر دون صعب المنال درهمن الركايب داميات الخفوف في مضارب (بني حاضر)وباكر تعال شفت رف الحمام ويتبعنّه رفوف للعشوش العتيقه معتريه الجفال انظر الشمس تسطع ما غشاها كسوف دونها الغيم يسبح ويتبادر سؤال هل بقي بالسحابه شربةٍ بالكفوف؟ وهل ميل الليالي يقبل الاعتدال؟ ماملكت الكنوز ولا شكيت الحسوف كل ما شفت بيدر دونه الحظ حال استحي من ضيوفي لو همومي ضيوف يقلط الهم وانحر في قدومه جمال يقرب الضيم وانهض في يديني سيوف وانتخي واتذكّر للـمـواقـف رجال راحة القلب ساعه ماعلى النفس خوف في كهوف المظامي زايلات الظلال ما كسبت العزايم من عزوم الضعوف لا طـموحي حرام ولا التهاون حلال #عبدالله_المفضلي #شعر

عبدالله المفضلي

@am2299

10 days ago

(غرابيل الهوى) ياعيون اللي على المرقب العالي الشيوخ بريشة اللوح داعينه ارحـمـيـنـي لا تقولين يالغالي ما بقى لي قلب يتبع شياطينه اتركيني وامسحي رقم جوالي انسي اني شخص كنتي تحبينه الليالي حطّمت صرح الآمالي جرح قلبي طالبك لا تزيدينه ادري انه جرح فرقاك قتالي مار وصلك صعب انا ويني و وينه الظروف القاسيه كدّرت بالي كل يوم اقول يوم امس يا زينه كل ما اطلب مطلبٍ ما تهيّا لي حال سور الصين مابيني وبينه يوم اقول ان الهوى سكرٍ حالي ويوم اقول ان الهوى مر يا شينه بين نار البعد وعـتـاب عذّالي والزمان ومولّمٍ لي سكاكينه الهموم اسراب والقلب مدهالي والظروف تنوّخ الرجل وتهينه من غرابيل الهوى شفت الاهوالي واعتزلته يلعن الـحب وسنينه #عبدالله_المفضلي #شعر

899

عبدالله المفضلي

@am2299

10 days ago

@al_baam @Nasser_Almejmaj عقب ما تداحم حبها مداحم الحجاج تلاشى و كنه بينهم حزة النفره صوره جميله ومعبّره يابو سلطان صح فكرك

480

عبدالله المفضلي

@am2299

13 days ago

@al_baam يامرحبا يابو سلطان تسلم طال عمرك وهذا اقل مماهو عندك الله يحفظك

عبدالله المفضلي

@am2299

14 days ago

( رفحا والعويقيله) البارحه بين رفحا والـعـويـقيـلـه يدعيني الليل للمسرى وانا ناوي سريت والهاجس الهايم سرى ليله والبيب كـنّـه رفيق بدربي مخاوي الليل موحش وتومي لي قناديله وعثا السفر هيّنه ما تتعب الهاوي اعـدّل البيت بالتلحين واشٰيـلـه حتى يكون اللحن والوزن متساوي شعور شاعر يـعـانـي من عـراقـيـلـه في حالته حاسدٍ ذيب الخلا العاوي القلب ياعاذلي هاضت غرابيله الوقت عكّر مزاجي نجمه الداوي ذكرت يوم الهوى تعزف مواويله ذكرى قديمه. عذاب ومطرقٍ كاوي ذكرت خلٍ صعيباتٍ مواصيـلـه سيد الغنادير شوق القلب رفحاوي سحر المحبين في نظرة مظاليله صويبها بالنواعس ما له مداوي من دونه البعد وبقلبي مداهيله واسرار الاحباب ما تعرض على راوي ناديت يا اهل الهوى ماعاد لي حيله الجادل اللي تتل القلب ما تاوي ياطاري العيد يا طاري مراسيله ياخنة الهيل واليشموم والجاوي #عبدالله_المفضلي #شعر

عبدالله المفضلي

@am2299

15 days ago

@Noirey3 جزاك الله خير ومشكور طال عمرك

عبدالله المفضلي

@am2299

16 days ago

(نجم السعد) نجم السعد ساري على موعد افراح ينسى به القلب الصغير الطواري يغيب عن دنيا التعاسه والاتراح في هودج الفرحه مع الليل ساري مرتاح لو مافيه بالوقت مرتاح يمشي على درب الهوان اختياري يمشي على رمل الجهل مشي الاشباح ويضحك على ناسٍ تقص الاثاري طيرٍ دعوه ولـوّحـوا له بـلـمـواح غـرّه مع الـصـقـار ريش الحباري ما يروي الظامي سرابٍ بصحصاح حث الذلول ولا وصل له محاري هاج المحيط وعاند الموج سبّاح والسفن طاعت للهبايب اجباري لا تجهر التجريح صاحبك لمّاح استغفر الله له قريـنٍ امـبـاري و ان ما كفى التلميح ما لازم ايضاح فك الرموز المبهمه عند قاري ضريبة الشهره سكاكين و رماح مثل البضاعه بين بايع وشاري سيف الشماته والمشاريه ذبّاح وطعن الكلام الشين مثل الشباري لي بالامل نبراس مسرى ومصباح نور الامل يطعن نحور الغداري ايام خوف وياصل الخوف الارواح والخوف قبل الموت موت اعتباري من جاد حظّه وسّطه سوق الارباح وقال الغشيم.. فلان مخّه تجاري ما يدري ان الحظ للكنز مفتاح يستر كثير الناس لو كان عاري #عبدالله_المفضلي #شعر

عبدالله المفضلي

@am2299

15 days ago

( غدر الايام ) شايلٍ من غدر الايام طعنه بالضلوع عن عيون الشامتين اختفت بين اضلعي في ظلام الليل شبيت للمسرى شموع بس انا والـعـزم واوراق عـثراتي معي لين صرت بمستوى لا نزول ولا طلوع لا قدمت ولا رجعت و ثبتت بموقعي غربتي بين الحشود الكثيره والجموع موتتي في واقع الامر موت بلا نعي ماذرفت بموتة الحلم بالماضي دموع كنت في غي الجهل كنت في حاجة وعي كنت عاصي واقع الحال لين ابديت طوع طوعتني سود الايام بأمراٍ واقعي نوح بالطوفان اخذ كل نفس وكل نوع يالسما صبّي سحابك ويالارض ابلعي يوم طالت رحلتي قلت لالا للرجوع اقطعي يارجلي الدرب بالعزم اقطعي في متاهات الندامه وضيعات السنوع اتحاشى طعنة اللوم لا ضاع سنعي الخلاوي قال فجٍ خلى شوفه يروع مار انا شوف الفجوج الخليّه مطمعي اكتب الاشعار من فيض ماهو من طموع كان طاش الفكر قلت انفهق يالاصمعي مفردات الشعر حذرات والهاجس يجوع والطريده صيدها عيد راس الالمعي و ماقنعت بكل ماقول يابعد القنوع يوم بعض الناس يزعم تعدّى الشافعي #عبدالله_المفضلي #شعر

عبدالله المفضلي

@am2299

Who to follow

Last Seen Users on Sotwe

Trends for you

Most Popular Users