التصنع بالمثاليه والأخلاق ما يدوم معك للابد مهما مشت معك راح يظهر ربي وجهك الحقيقي للاخرين ف خذها نصيحه أبديه عيش مثل ما انت وتجنب التصنع ،،
الصدق يبقى والخديعه جهاله 🤍
#رساله_لقلبك
احبني و أكره تقّلب فصولي
وفي كل حالاتي ابادلني اعجاب
احياناً أحساسي ينادي ذهولي
اصغر من الدمعات و أكبر مْن عتاب
أحترت فيني قبّل احيّر عذولي
ولا حسبت لهرجةّ الحاسد حساب
و اللي وهبني بالشعر جزل قولي
ماني لـ غير الله لو اموت طلاب
ما ثار من همز الحناجر فضولي
على كثر ما تلفت أخباري ألباب
أسمع صدى هَذول يوصّل لذولي
وتطيح من قلبي بعد عيني أحباب
تمشي على جرة ظنوني رجولي
احب دون اسباب واصد لأسباب
مهما يمر العمر قلبي طفولي
و ظني بعيني ينقرى مثل الكتاب
لا احد بمثلي لا و لا احدً بحولي
لو يشبهوني عمداً ، الاصل غلاب
مشيختني قبل عرقي فعولي
مثلي تفاخر في معاليه الانساب
حلفت احقق للأماني وصولي
لو بيني وبين الرجا تلة أرقاب .