حمدان المريخي

سبحان الله وبحمده سبحان الله العظيم

[حمدان المريخي @am_hf]

ياهل السناب اللي تعرضون الطعام
ترى النعم ماهي بدايم دايمه
ان كان ماتشكر ع الدنيا السلام
تصبح طعامٍ للطيور الحايمه

[ضيدان المريخي @dhmuraikhi]

كلٍ يقول انه عنود الصيد
واقول ياهل العرف من قاله ؟
لو تمتلي فيهن وساع البيد
اللي يقود الصيد بلحاله
تشوف فيه وجهه صباح العيد
من غير بدر العيد وهلاله
تلد له عين الوله وتعيد.
فيه النظر….ويرد مرساله
احذر عيون الصيد يوم تصيد
في نظرةٍ عجلة و قتاله
ان وايقت من فوق قَدْ وجيد
من يعترضها ماهو اشوى له
فيها من السطوة وبالتحديد
طْراد خيل وهوش خياله
يقرب خطرها لو تكون بعيد
ويصيب.. فال الله ولا فاله
والمهتوي ماهمّه التهديد
يتبع هواه وحالته حالة
واللي تثنى له عذوق الغيد
يبطي وهو ماهز فنجاله

[شبيب بن عرار @ShabeebArar]

#خليجنا_واحد
عمل مشترك لمجموعة من شعراء الخليج ، للاوضاع البطوليه اللتي سجلها الخليج في مجابهة العدو

[ضيدان المريخي @dhmuraikhi]

كل عام والوطن والجميع بخير 🇸🇦
في أمن وآمان ،،،
يالله أجعل دعانا مستجاب
واحفظ الدار من شر الخطوب

[ضيدان المريخي @dhmuraikhi]

🇸🇦🇸🇦🇸🇦🇸🇦🇸🇦🇸🇦
يالله اجعل دعانا مستجاب
واحفظ الدار من شر الخطوب
من رجا رحمة الله مايخاب
ماتضيق بآمانيه الدروب
والصفوف وتراتيل الكتاب
تبعث النور من بعد الغروب
والقلوب الوفيه ماتغاب
ترفع الصوت والرأس معصوب
ياملكنا ولك فصل الخطاب
سم وابشر ولك منا الوجوب
الوطن في ذرى بشتك مهاب
مطمئنين في وقت الحروب
وابو سلمان حلال الصعاب
طيّب الراس في اللازم ينوب
وانت ياطهر ثرى واغلى تراب
فالك الخير يالصدر الرحوب
اشرقت شمسنا والوقت طاب
صبحنا ماعلى وجهه شحوب
السماء ماملاها الاَّ السحاب
وضحكة البرق في عرض النصوب
وارضك الغاليه من كل باب
دونها ياوطن وحدة قلوب
كل هقواتهم راحت هباب
لو رموا حقدهم من كل صوب
كل ماطار ريشه من غراب
روحت مع ذعاذيع الهبوب
ان تجرّوا عساهم للذهاب
دون حد الوطن نارٍ شبوب
علّم اللي جهل درب الصواب
فعلنا يودع العاصي يتوب

[د. خالد شخير المطيري @drkaledshukhair]

أسأل الله العظيم رب العرش العظيم أن يشفي أخي نواف شفاءً لا يغادر سقماً ويعافيه عاجلاً غير آجل اللهم ألبسه ثوب الصحة والعافية وأذهب البأس عنه أنت الشافي لا شفاء إلا شفاؤك ..

[ضيدان المريخي @dhmuraikhi]

اللهم اشف أخي ((نواف )) أنت الشافي لا شفاء إلا شفاؤك، شفاءً لا يغادر سقماً"، و"اللهم أذهب البأس ربّ النّاس، واشفه وأنت الشّافي

[ضيدان المريخي @dhmuraikhi]

ليه ترخي حبل صوتك وانت خابر
المدى ماهو مدى طيرك تهده
قبل ما تتعب ورى كشف المخابر
كل شيٍ ماملى عينك تعده
صوتيه 🎤👇

[ضيدان المريخي @dhmuraikhi]

البارحه حل النهار آخر الليل
في بارقٍ على محيا سحابه

تقول مافيها على دربها حيل
يوم اقبلت ترزم بثوب المهابه

يرجف رعدها مثل ماترجف الخيل
حزت طلبها في نهار المجابه

ارخت على الوادي مطرها هماليل
لين امتلى بطنه وفاضت شعابه

كن الشجر يرفع ثيابه عن السيل
مايدري ان السيل كسوة ثيابه

#مباشر
#مركز_جراب

[ضيدان المريخي @dhmuraikhi]

ليل وشتا والفكر طالت مساريه
والعين عيّا نومها لايجيها
الشعر ياحيّه وياحيّ طاريه
صدره وسيع وشرهتي يحتويها
اكتب بصوت الجرح ويطيب مافيه
طب الجروح احيان منها وفيها
ياكثر مافي خاطري من مشاريه
وياقل ماعاتبت اهلها عليها
لو كل من ضيّع دروبه نباريه
ان كان ضيّعنا دروبٍ نبيها

[ضيدان المريخي @dhmuraikhi]

حرٍ شَلَع من ماكره وَابْعَد الحوم

(وَقَّع )هناك وكل همّه هنيّا

#ولي_العهد_في_امريكا

[ضيدان المريخي @dhmuraikhi]

#المطر

الارض وان طاحت الغيمه عليها تقوم
يالله بحملٍ يصحي الارض من نومها 🤲
——-
اقبل الغيم متزيّن وطاح
طاح من طيب ماهو من ردى

ياصباح المطر ..ي اجمل صباح
كل شيٍ على خدّه ندى
——-
يوم اقبل الناشي تفتق جهامه
وأنهل صوت الماء بعذرٍ يجمّل

غمامةٍ طاحت وراها غمامه
بأرض من فراق المطر ماتحمل 🤲

[عبشق @daq48]

شاهدوا معي !

اسلوب ضيدان المريخي

في النقد

[💎 Mohammed almoutiri @m10m1666]

#ضيدان_المريخي
الشاعر العذب الكبير

#وقتنا_صعب………….

[ضيدان المريخي @dhmuraikhi]

#الصورة
في محلٍ نيرته تطرد عتيمه
الليالي كلها بِحْمَاه قمرا

مرتكي له راعي اليمنى الكريمه
ابو عبدالله ،،، وابو سكين حمرا

رَحم الله #والدي رحمةً واسعه
وأطال الله بعمر اخي #خالد

[عطاالله فرحان @atallahfarhan]

الليله السبت
نلتقيكم عبر #اذاعة_دولة_الكويت من خلال #البرنامج العام تردد 540 AM
في برنامج #مسيرة_شاعر
في تمام الساعة 9.30 م

ضيفنا الشاعر الاعلامي
ضيدان المريخي
@dhmuraikhi
إعداد وتقديم
عطالله فرحان

اخراج
جراح الهاجري

بامكانكم متابعتنا عبر
منصة 51

[ضيدان المريخي @dhmuraikhi]

#الصورة
قيل عنها بأنها خطاب متكامل غير قابل للتجزئة……

والشعر #صوره أخرى تقول: :

أنجلى كل الظلام اللي تجلّىٰ بدره
ليلةً كانت عيون الناس ترقب نوره

سوريا كانت تشوف حدودها في صدره
ضمها بين الايادي و اصبحت مسروره

يوم جاوبها بصوتٍ في حديثه قِدْرَه
ابشري باللي تمَنْينِه وانا اخو نوره

انتي بوجهي عن أحداث الزمان وغدره
واصبحت كل المباني والهمم معموره

قالت : #محمد وقدرّها وهو من قَدْرِه
في سماها تحتفل باسمه بصوت وصوره

يآقف التاريخ لاسمٍ في فعوله ندره
ويتزيّن في معاني الوقفه المشهوره

ياشموخٍ هامته عليا ماهي منحدره
كل معنى في ثباته من ثبات جذوره

[ضيدان المريخي @dhmuraikhi]

في ليلة من ليالي #مثايل الشعر ابدع الشعراء المشاركين في موضوع #الادب في الحلقه الثالثه من النسخة 2 وهنا اورد نماذج من القصائد:

بين المدارس والمجالس تعلّمت
كل العلوم اللي تعلّي مقامي

هالحين اثمّن كلمتي لاتكلمت
واختار لي وقتٍ يناسب كلامي

نايف الحربي
——-
تمادى الزيف وارتاب الشعور وعسعس الديجور
وبان الصبح وانزاح الستار وفرّعت غاده
#مثايل شعر تحمل في يديها قطعةً من نور
يبدد صبحها ليل العقول وتثمر ابعاده
أنس المسيعد
———-

 حيّ من هذّب ضميره عن غرور ذنوبه
واستحى لايرسم بغيّ الدروب آثاره

يخفض أنظاره عن اللي ظاهرات عيوبه
خوف من يعلم خفاه و لا تنام  أنظاره 
احمد المقبالي
———-

كل مبداا قصيده دونها جرح بادي
يمكن الجرح يطلع له بفكرة عظيمه

قبل يبنى عكاظ وقبل قس الإيادي 
العرب بالفصاحه كل وادي تهيمه

عايد حمد المطيري
————-

من الادب صرت احث النفس في حب المكارم تهيم
وتعاف درب الوطى مادامت العليا مداهيلها

عوجا حياة البنادم دون ادب واخلاق ماتستقيم
مهما يعمّر بها من علم ماقامت على حيلها

فارس السبيعي

[ضيدان المريخي @dhmuraikhi]

غداً بإذن الله موعدنا الساعة 8 مساءً في الحلقه الثانيه من #مسابقة_مثايل للشعر النبطي النسخه الثانية ،، كيف تحدث الشعراء عن موضوع ( #الصداقه) ومن هو المتأهل من بين الشعراء المشاركين
كل هذه التفاصيل تتابعونها بالنقل المباشر على حساب @MOCQatar

[حمدان المريخي @am_hf]

@AboEbrahim22 الله يرحمه ويسكنه فسيح جناته