@zahra__one السلام عليكم ورحمة الله .. حبيبتي والله اني مااعرفك ولااعرف ضروفك لكن نصحيية اخت تكفيين تكفييين لاتستقيلين اي وضيفة في بدايتها بتكون ضغط وصعبة مافي شي يجي بالراحة داومي على سورة البقرة وخذي اللي تقدرين عليه وطنشي واذا قدرتي خذي اجازة استثنائية او كلمي مشرفتك تشووف لك ندب
📍لكل شخص يرغب بالانتقال من الحكومي الى قطاع الخاص
- انا صاحب تجربة سابقة بالانتقال من الحكومة (متعاقد) الى القطاع الخاص و لذلك اقولك فيه أشياء لازم تعرفها
1- الرواتب اللي تسمع عنها في القطاع الخاص صحيحة و لكن أصحابها اغلبيتهم مروا بسنوات خبرة و بذلوا مجهود الى ماوصلوا للرواتب هذي .
2- القطاع الخاص يهمه الانتاجيه والعمل في المقام الأول وهذا هو المعيار الأول لكل شي ( ماهو الشهادة ولا المؤهل )
3- اغلب الشركات مافيها سياسات و لوائح واضحة مثل الحكومي فكثير من القرارات قد تكون بناء على قرار أصحاب المصلحة بحسب مايرونه مفيد لمصلحة شركتهم ( وهذا حق مشروع لهم ) .
4- القطاع الخاص فرق كبير بساعات العمل و الاجازات و مرونتها و كذلك اجازات الأعياد وغيرها من احتياجات الفرد ( الاجتماعية )
5- حاول تجرّب دوام جزئي بعد دوامك في شركة تختبر نفسك و تختبر القطاع
6- لو كانت خبرتك كبيرة و راتبك عالي ، الشركات ماتؤمن انها تعطي راتب على خبرة بالنسبة لها غير مرتبطة بمجالها ( فعلى الأغلب خروجك يتطلب تضحية )
ما اقول هذا الكلام لأجل تمتنع لا ابداً ، ولكن كثير يتصلون علي ويرغبون بالانتقال لمجرد فقط ان فيه رواتب بالشركة الفلانية او بونص سنوي بالشركة الفلانية ..
لذلك وجب انك تعرف الأمور من جميع التفاصيل
موفق ❤️❤️