ابو ناصر الشمري

الحمد والشكر لله رب العالمين

[ابو ناصر الشمري @aman00716]

الوقت مثل الذيب لاحده الجوع
ماياكل الا راس راع المواجيب
•
ولا الردي حظه مع الوقت مرفوع
لا ياكله وقته و لا ياكله ذيب

[ابو ناصر الشمري @aman00716]

اقطف ثمر دنياك وابعد عن الياس
اضحك وعيش وتالي العمر بايد

مهما تسوي طيب ما ترضي الناس
من خلقة الدنيا رضى الناس كايد

[ابو ناصر الشمري @aman00716]

ياليل بردك برد وعلومك علوم
زودن علی موحش ضلامك برودك
مستوحشك ياليل ما��اني النوم
ارفق علی قلبن شكا من وجودك

[ابو ناصر الشمري @aman00716]

فيني عتب اكبر من الكون كله
وفيني على صدة رفيقي مشاريه
بس الكرامه فيني تقول خلّه
من لا يداري خاطرك لا تداريه

[ابو ناصر الشمري @aman00716]

يارب سامحني قبل حزة النوم
وأغفر خطأ نفسي وزلة لساني
مافيه من يضمن بعد نومه يقوم
مدام كل اللي على الأرض فاني

[ابو ناصر الشمري @aman00716]

نكتم شعور قلوبنا من حيا الروح
دام الامـانـي بـالمحاني ،، كثيره
أحيان نطريها على البال وتروح
وأحيان تطغى بالخفوق ، وتثيره

[ابو ناصر الشمري @aman00716]

المحترم يفرض عليك إحترامه
لو كان ما بينك وبينه علاقات

يحرجك بأخلاقه ومنطق كلامه
ويحتل في قلبك كبار المساحات

[ابو ناصر الشمري @aman00716]

@1383_n نعم صح كلامك الصدق مع الله والنفس

[ابو ناصر الشمري @aman00716]

لا تـامن الوقت يالغالي على هونك
الوقـت طبعـه كــذا معـاد به ..قوه

أحيان تلقى جميع الناس .يغلونك
وأحيان تبكي على المعروف والخوه

[ابو ناصر الشمري @aman00716]

اللي على النيه وصادق بدنياه
ليه البشر في هالزمن خبل سموه
واللي يغش الناس والكذب مبداه
اشوفهم في تالي الوقت حبووووه

[ابو ناصر الشمري @aman00716]

يا شين حال اللي يحبون بسكات
من زود صادق حبهم مايقولون
يتابعون أحبابهم كل الأوقات
وعلى أثرهم كل ساعة يمرون

[ابو ناصر الشمري @aman00716]

رافق أصيل في زمانك يصافيك
لا شاف زلاتك عن الناس غطاك
ترى الخوي اللي يحبك ويغليك
تلقاه عونك بالشدايد ويمناك

[ابو ناصر الشمري @aman00716]

حاول تميز فـي طبوعك ... وتختار
أحلى الطبوع أللــي لها قدر وثمن
..
ثــلاث تجعل لك مــع الناس مقدار
أسلوبك وطيبك ... والخلق الحسن

[ابو ناصر الشمري @aman00716]

طبع الرخوم فعولهم ماتنذكر مهما تكون
وهل الجمايل دقت بلوح الزمن مسمارها
ارافق الي بالفعايل للرفيق ينومسون
الي على وضح النقى تزيد في مقدارها

[ابو ناصر الشمري @aman00716]

سبحان الله والحمدلله والشكرلله لااله الاالله محمد رسول الله واستغفر العظيم ولاحول ولا قوه الا بالله ولااله الاانت ��بحانك اني كنت من الظالمين

[ابو ناصر الشمري @aman00716]

اللهم يارب سلمني من افات الدنيا ومصائبها وبلاويها . اللهم يارب اني أسألك التيسير عن التعسير في كل شي اللهم يارب اني احمدك واشكرك ع كل شي

[ابو ناصر الشمري @aman00716]

اللهم يارب افتح لي ابواب كرمك وابواب خيرك وابواب رزقك وابواب فرحك وابواب سعادتك وابواب تيسيرك وابواب رحمتك وابواب مغفرتك وابواب عفوك يارب

[ابو ناصر الشمري @aman00716]

مابه هدف الا ونعم لا حكينا
شيٍ يضر الناس نرفض نقوله
-
اللي كتبْه الله .. تطوله يدينا
واللي مهو مكتوب محدٍ يطوله