عامر بن ناصر الشكره .

لاجيت فـ القمه تحمل هواها # ترى هوى القمه يجي دايماً صلف !

[عامر بن ناصر الشكره . @amir__50]

شاعرً لا من حضر فـ المنصات الكبار
يفهق الشعار لـ الخلف و تعود ورى
مثل ماراسه مضرىّ على عز و شنار
هاجسه في حبكة البيت والجزله ضرى

# عامر بن ناصر .

[عامر بن ناصر الشكره . @amir__50]

شاعرك بالوصف والمعنى رهاوي
بس لاجاء صوبك الشعر احتقرته

كيف اوصف دانةً تخلف هقاوي
وانا كل الوصف والمعنى قدرته

مير لاجيت اوصفْ البدر السماوي
كل ماجيت ازن المعنى ؟ كسرته !

# عامر بن ناصر .

[عامر بن ناصر الشكره . @amir__50]

حوادث الدنياء تمر الدالهين
تصحيّ الداله و قلبه تفجعه

من القدر مالك يسار و لايمين
يالي تعيف الضيق وتحب السعه

لو كان متحصن وفي درعً حصين
ان ما مانعه الله محدً يمنعه

# عامر بن ناصر .

[عامر بن ناصر الشكره . @amir__50]

لاسقى الله عليّ الليل مع مسراه
ساهرً طول ليلي ماغفت عيني

محجر العين نوم البارحه قزااه
اتقلب يسار الجنب و يميني

واعي الفكر لين الليل طرّ شواه
نور صبح النهار بيوم الاثنيني

# عامر بن ناصر .

[عامر بن ناصر الشكره . @amir__50]

الله انه يطول في عمر من صان الجميل
والله انه يزوول من نسيّ حق المعرفه

عقب ماكنا من الشمس له ضلً ضليل
انصرف يبغيني انشد عنه ويش اصرفه

الشجاع يعيش ويموت بالذل الذليل
جعل ينفض فوق راسه ثلاثين سعفه

# عامر بن ناصر .

[عامر بن ناصر الشكره . @amir__50]

بيض الله وجه منهو ماتوانا
كل ماجيته على ازهلها وتمت

مقتفين و همنا دايم ورانا
وان وصله العلم يلجم من تشمت

عيلمً من شربتّه يقطعّ ضمانا
ماهو بـ رسً ليا جاء القيض جمت

جعل شمسه في سمانا ماتدانا
ونافدى الي بالمهد له يوم ضمت

[عامر بن ناصر الشكره . @amir__50]

يالله ياعالم بالغغيب و اقداره
اقدار الايام تحت امرك تصرفها

طالبك غيمً يغيث البدو مطاااره
وسميةً يرهق الساري تكشفها

من عقبها كل روضً فاااع نواره
عنق الربل والخزم م ازين تخالفها

ويستانس الي زمان الفقر قد جاره
ياخذ سلف لجل نوقاته يعلفها

[عامر بن ناصر الشكره . @amir__50]

تو مازان التمثال والقاف وغنااااه
والسوال المنتظر حافظين اجابته
شاعرً لامنه غنى يشد الانتباه
صاخرً شرد القوافي تحت سبابته

[عامر بن ناصر الشكره . @amir__50]

من بعدها للفكر عندي رده
من هاجس الي موقفه يحماه

اصخر القيفان حتى تمشي
مثل الجنود بصفة المشاه

مثايل مثل الذهب والفضه
ماكل من شافه قدر في شراه

[عامر بن ناصر الشكره . @amir__50]

يالله يالي مانعبد سواه
يامخرج فوق البسيطه ماه

ومشيد فوق السماء كرسيه
ماخاب منهو بالرجاء يرجاه

ارجيك ياربي ولاارجي غيرك
وانت الذي تعلم بما نخفاه

انك توفقنا بزين و فوقك
طريق خير خاطري يرضاه

[عامر بن ناصر الشكره . @amir__50]

اسر ياليل عجزت اهتني بالنوم فيه
لين بان الصبح واوحيت حي ع الصلاه

مثل من عنده وعد يحتريني واحتريه
لين راح الليل الاسود جلا واقفى دجاه

[عامر بن ناصر الشكره . @amir__50]

الناس تالي زمنها صابها خله
كلً يبي طالةً ماينتعب فيها

غلطان يالي تقول الهرج و تزله
فعلك قصر من هروجك يوم تبديها

يامودي الهرج لاجيته ف وصل له
رسالــةً قلتها واعيد و اثنيها

لي نفس ماتقبل النقصان والذله
لو ان ظغط الضروف يبين خافيها

[عامر بن ناصر الشكره . @amir__50]

عساها تشلّ يديه منهو بخل بالمال
ليا صار مايكرم و يكمل مواجيبه

عن الضيف صد وقافل الباب من هشال
هذا والي مثله جعل الاقدار تومي به

[عامر بن ناصر الشكره . @amir__50]

الاد شكرً ليا ثارت و سرج الجواد
وصيّح نذير الحرايب يوم جاه السبر

نثني ليا جرد المرهف ونطل الغماد
مناب ناتي نسراقه مير نقدم جهر

نبطش بلاد العدى وانّا حصون البلاد
في هامةً الراس مضربنا و زور النحر

كم جادلً عقبنا تلبس ثياب الحداد
هذا كسيرّ وهذا في لحود القبر

[عامر بن ناصر الشكره . @amir__50]

نورد رماح وحد الابتر و جنبيه
ومضرابها روس الجبر والمشاهيري

تواريخنا من سالف الوقت مقريه
على صفحة الامجاد موجز وتقريري

# عامر بن ناصر .

[عامر بن ناصر الشكره . @amir__50]

من الاد شكر اهل الفعول البطوليه
سلاطين قوووم للحرايب مغاويري

ليا علقت سود الشلايل ضحى الهيه
تنصى لنا و انا نسوق التباشيري

يجونك هل الردات زبن الجلاويه
كعاام الشجااع الي براسه سعاطيري

على الخيل ولا فوق كور العمانيه
تهاذب بنا لادق صوت المزاميري

1

[عامر بن ناصر الشكره . @amir__50]

لايهمك رخومً صار فيهم هبالي
ضاع عند الرجال المرجله والكرامه

مايشيل الحمول الا ظهور الجمالي
والردي لازهمته جاك ترعدّ عضامه

المواقف تعلمنا الصبر و احتمالي
نحتمل ضيمها ونقود الامر بخطامه

غثرب الوقت عدً كان عذبً زلالي
لين من شرب منه يشتكي من هيامه

# عامر بن ناصر .

[عامر بن ناصر الشكره . @amir__50]

كم تعجل صبيً يحتمل لـ الثقالي
لين ثارت وعض اشفاه مقدم بهامه

والله لو انها بالرمح و لا السلالي
وكلً رجلً فعل فعله يحصل مقامه

قد حذفناه حذف الدلو من راس جالي
حاذفه مظمي حرّ اللواهيب ضامه

# عامر بن ناصر .

[عبدالله مشهور @iioee91]

نديم السهر والنار لاسجو السمار
ونديم الهجوس مغربلة من ينادمها
اراقب نجوم الليل كني غريب ديار
حداه الظلام وغيّبه عن معالمها.
ورى ضلع صدري دق طبله وعزف اوتار
وورى جفن عيني عبرة ماقدر اكتمها.
ياليل العنا وش عاد تبغى من الافكار
ماكفاك يوم انك من النوم حارمها.
ياليت الزمان اللي علي بالمواجع دار
يدور ويرد سنين عمري لمقدمها.
يانبض الشعور وملمهة فارق الاشعار
انا اكثر من يترجم ظنونك ويفهمها.
فقدتي كلام حار فيه الشعور الحار.
لكن مافقدتي نبض روحك وتوأمها.
انا اخاف من قولة تردا وقولة بار
ولا اخاف من صفق الجموع وتليّمها
قد يكون موجعني زماني وشي صار
لو انه على شم الاقاذيل حطمها.
ولكن غلاك اكبر من الصد والانكار
ومن غيب نفس طابع الشك يوهمها.
تقولين وش نباك عن ماورى الازوار.
وانا اقول سر قلوبنا في تناغمها
تجيني طيوفك لاتوسد ربيب الدار
واهلي بها واطرب لها واتغانمها .
مايجعلني استفرد بنفسي عن الانظار
الا الصوره اللي عابر الطيف يرسمها

[عامر بن ناصر الشكره . @amir__50]

كان عندك صاحبً بالحيل غالي
لاتجي في كل يومً له تشررره

لاحصل منه خطاء خلك شمالي
لاتعجلّ تفرح عيووون المكره

حط له صوب العذر دربً ومجالي
ناقشه و العلم يوخذ من مقره

وان عمدها وط خشمه بالنعالي
مارضى بالقاااع من وصل المجره 😅

# عامر بن ناصر .

[عامر بن ناصر الشكره . @amir__50]

الزمان الـي شروبه ماصفالي
والليالي غيّبها مكروووه شره

ذوقتني مرها في كاس حالي
وذوقتني حاليً في كاس مره

من ومنّ في شرها والفكر سالي
ضرته عقب الوناسه و المسره

والكلام الي على فكري وبالي
درةً تسوى لها مليوووون دره

يتبع 1