أم رغد

اللهم لا تدع لنا حزناً في قلوبنا إلا بدلته فرحاً .
وَتَوَكَّلْ عَلَى اللَّهِ ۚ وَكَفَىٰ بِاللَّهِ وَكِيلًا.

[أم رغد @amragad212]

"حوائج النَّاسِ مقضيَّةٌ مقضيَّة
ولكن عندما يختارك الله
ليقضي هذه الحوائج على يديكَ
ففضله عليكَ أعظم من فضلك على الناس"

[عبدالعزيز الغزي @abdlaziz_ghizzi]

يا ونتاه اللي برت جسم حالي
بري الدبا نبنوب غصنٍ تغشلاه

على عشيرٍ بالمودة صفا لي
وازريت أنوش حماه وانا اتعداه

غروٍ جبينه مثل خط الهلالي
سبحان ربٍ صوّره لين سواه

وحياة ربٍ كمّله بالجمالي
من مفرق الهامة إلى حد ماطاه

انه منوّلٍ وامس واليوم غالي
واتلى زمانه بالغلا مثل مبداه

ماله حلي إلا مودة عيالي
اصغر عيالي بالغلا كنه إياه

لا ابطيت ماشفته وهو ماعنالي
عفت المكان اللي يغيظه ويجفاه

لو دلهوني عنه مانيب سالي
اشفق على شوفه واهوجس بطرياه

شوفه دواي وقلّ شوفه زوالي
حكيم طبٍ جامعٍ داه ودواه

حقّه علي إلى تزخرف قبالي
ابعد مزاره بالهوى واتمناه

وحقّي عليه إلى اعترض له مجالي
يصفح ويلقاني على الطول والقاه

ما به من العذروب عنق الغزالي
إلا الزمان اللي حداني وعداه

ريقه حلا من درّ عفر متالي
لا روحن من مدفقٍ سال مجراه

هبي بريحه ياهبوب الشمالي
كود الجنوب ومطلع الشمس تنصاه

عبث صبيت لعشرته من صبا لي
سجلي بنجله والمودة مجازاه

ياما وياما فرقتنا الليالي
نجعٍ مقيم وفرّق البعد لاماه

أقفت مراحيله وانا اقفت رحالي
خليت مداهيله وعميت ركاياه

وخان الزمان بعشرته والتوالي
ورثت من يصفق شماله بيمناه

وعضيت بسرة شاهدي من هبالي
وونيت ونة من نقل داه برداه

اسهر إلى نام المعافى لحالي
والصبح اجدد ذكر حمام واسماه

هني دحش دب الايام سالي
ماولعه طرد العماهيج واغراه

ولا صلاه من التصاريف صالي
وذاق الفراق وتاه مثلي بمسراه

ياطول ماطاوع نسيم الهوى لي
من قبل يبدي لي من الوقت مجفاه

واعتضت من عقب الجديد السمالي
ولا ينفع الفايت ولو قيل محلاه

ليتي قريبٍ له وبيته موالي
والعلم من بيني وبينه مناجاة

ان كان له بمواجهي مثل مالي
وقلبي معه يبراه والهم يبراه

وإلا تراني عنه طاون حبالي
يلقى وانا القى واحد كنه إياه

مانيب من يتبع خفيف الخيالي
إلى تحدر بارقه عفت مرعاه

هذا وصلوا عد رمل السهالي
على نبيٍ شيّع الدين واحياه

وآله وصحبه كلهم بالكمالي
واللي تبع سنة نبيه ومجراه

#سليمان_بن_شريم

[عبدالعزيز الغزي @abdlaziz_ghizzi]

طال السفر
والمنتظر مل صبره
والشوق با محبوب في ناظري شاب

رد النظر
خليت بالكف جمرة
سعيرها في داخل القلب شباب

عز الخبر
والمهتوي ضاق صدره
يا من يرد العلم عن هاك الأحباب

طيفه عبر
ما أرسل مع الطيف عذره
هو خاطره من لوعتي ما بعد طاب

هو ما ذكر
أن الجفا فيه كسرة
للخافق اللي من هوى صاحبه ذاب

يا ما سهر
طرفي على حبس عَبرة
اردها والوجد للدمع جذاب

دمعٍ حدر
جاله على المنع جسرة
عظيم وجدي للدمع شرّع الباب

يوم وشهر
عزاه والعمر مرّة
والناس واجد لكن الولف غلاب 

الأمير #خالد_الفيصل

[عبدالعزيز الغزي @abdlaziz_ghizzi]

ودّ الخبر للغضي ودّه
ودّ الخبر لاشقر الراسي

ابو ثليّل الى كدّه
اشقر على المتن له كاسي

يازيَن صبري وصل حدّه
مانيب للي مضى ناسي

ماقدر على البعد والصدّة
ليل ونهار انت هوجاسي

عندي وكنك ورا جدّه
تقطعت عنك الارماسي

اللي سواة القمر خدّه
من شوفته مانقطع ياسي

والله لو طالت المدّة
ماقطع رجا ظبي الاطعاسي

لاصبر ولو طالت الشدّة
لو صابني منه وسواسي

#احمد_الناصر_الشايع

[عبدالعزيز الغزي @abdlaziz_ghizzi]

#هجيني

بالخط شفنا سمرقندي
وبالخط شفنا هذول وذول

شبابنا بس متفندي
يقول حنّا هل البترول

بالليل ياكل من المندي
والصبح ياكل تميس وفول

الشاطر اللي كتب جندي
تال السنة قال انا مفصول

ومسلّفه بنك هولندي
حتى المسافة عليه تطول

عشرة وعشرة على البندي
واثنين حافز لهم مرسول

مختارة

[أم رغد @amragad212]

@abdlaziz_ghizzi ياسلام

[أم رغد @amragad212]

@abdlaziz_ghizzi جميل

[أم رغد @amragad212]

@abdlaziz_ghizzi 👍

[عبدالعزيز الغزي @abdlaziz_ghizzi]

خاطرة مختارة :
.
للساقطة لاقط .. وللطايلة ذيب
وللدرب قصّاصة .. وللسيف سلّة .!
.
وللهرج ناس .. وللفعايل معازيب
واللي يبا .. درب المراجل يدلّه .!

[أم رغد @amragad212]

@abdlaziz_ghizzi صح لسانك

[عبدالعزيز الغزي @abdlaziz_ghizzi]

خاطرة مختارة:

إذا خاب ظنك في ولد خال وإلا عمّ
فأنا واحدٍ تمدح خواله بني عمّه !

[أم رغد @amragad212]

@abdlaziz_ghizzi جزيت خيرا

[أم رغد @amragad212]

@abdlaziz_ghizzi 👍👍

[أم رغد @amragad212]

@abdlaziz_ghizzi 🌹🌹🌹🌹جميل

[أم رغد @amragad212]

@abdlaziz_ghizzi اي صحيح

[أم رغد @amragad212]

@abdlaziz_ghizzi صح لسانك

[أم رغد @amragad212]

@abdlaziz_ghizzi كلام صحيح

[أم رغد @amragad212]

@NAIF_ALSULIMAN ربي يسعدك

[أم رغد @amragad212]

@slmanalghami صح لسانك

[الرحال محمد الميموني @travelers_gulf]

أقسم بالله أن مايفعله في سوريا والسودان واليمن هو فطرته السليمه كمسلم في حقن دماء إخوانه ومحاولاته لنهوضهم بدل حروبهم وتنازعهم

أصبح الأب الروحي للشعوب الإسلاميه التي تنظر له نظرة المنقذ من الحرب والفقر وسوء المصير

#محمد_بن_سلمان

[abuali @abuali12511]

#ماجد_عبدالله هو المهاجم الوحيد الذي يملك مئة طريقة وطريقة لإيداع الكرة المرمى حتى بين أقدام الحراس والمدافعين