كل سنة بتعدي علينا لازم نتعلم منها ولازم تغير فينا وإلا نبقى ضيعنا سنة في حياتنا عدت كرقم من عمرنا من غير ما نستفيد منها حاجة وفي ٢٠٢٤ الواحد شاف حاجات كتير بمفهوم مختلف
ما أصابك لم يكن ليخطئك ،و ما أخطاك لم يكن ليصيبك . اتعامل برضا وثبات وتسليم مع كل موقف صعب في حياتك وقتها هتعرف إنه كان لحكمة من ربنا هو يعلمها وأنت تجهلها
شيل من عقلك الباطن جملة " مش هقدر أعمل كذا " لان اللحظة اللي هتبقى مقتنع فيها انك فعلا تقدر هتقدر " انت بتستمد قوتك من إيمانك بذاتك
الحاجة اللي أنت خايف من مواجهتها متهربش منها انما روح لها بنفسك وواجه مخاوفك . جيم موريسون واحد من أكثر الناس تأثيرا في تاريخ الموسيقى قال إن سر نجاحه كان فكرة بسيطة " عرض نفسك لأكبر مخاوفك بعد هذا لن يكون للخوف سلطان عليك "
حب نفسك بس مش لدرجة الغرور لو قدرت تحب نفسك هتقدر تمنح شعور الحب لإن فاقد الشيء لا يعطيه لو محبتش نفسك مش هتقدر تحب حد
قدر قيمة الأصدقاء بس خليك أفضل وأهم صديق لنفسك وأوعى تدخل في عداء مع ذاتك
أوعى تفتكر إن الرزق كله فلوس استخدم الفلوس متخليهاش تستخدمك وأعرف إن اكتر إنسان فقير في الدنيا هو اللي فاهم إن الرزق فلوس وبس الرزق ده كل حاجة بتحصل في حياتك من لحظة ما تصحى لحد ما تنام وإن يومك يعدي بستر وصحة ده نفسه رزق
وأخيراً حطوا الآية دي قدامكم طول الوقت هتحسوا بالأمان " وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا "
دعاء يفتح لك ابواب الرزق والخير:
"اللهم يا كافل العباد وواهب الأرزاق وموزع العطايا ارزقنا نوراً في القلب وضياءً في الوجه وعافيةً في البدن وسعةً في المال والعلم والعمل وحُسن الصفات وصلاح الأعمال والنوايا ، اللهم سترك وعفوك وودك وحُبك وقربك ورضاك ولذة النظر إلى وجهك الكريم"
٩٩٪ من محللين الكورة في مصر اللي متسيطين وموجودين وقت طويل على الفضائيات بيحللو أداء الفرق حسب ننيجة الماتش،
ساعات بحس ان في دباجة هاتتقال وقت الهزيمة ودباجة تانية متجهزة لوقت المكسب، حتى وإن كانت المعطيات والارقام داخل الماتش واحدة، بس غلطة لاعب بالنسبالهم بتكون هي المقياس للتحول من الدباجة الأولى للدباجة التانية!
الطريقة اللي اشادو بيها وقت مكسب فريق ونقط القوة اللي ذكروها هي هي نفس الطريقة اللي ذمو فيها وطلعو فيها سلبيات اكتر من ايجابيات..
وحتى الماتش اللي مدحو فيه في طريقة لعب او في مدير فني، لو كانت غلطة لاعب مثلاً غيرت نتيجة الماتش، كانو هايطلعو يقولو عكس الكلام اللي قالوه، الدباجة التانية يعني..
دا من وجهة نظري راجع لكثرة ظهورهم وكلامهم بالساعات والأيام على ماتش ممكن يتلخص الكلام عنه في نص ساعة بعد الماتش وخلاص.
وبالنسبة لكوني واحد مشاهد متابع للبرامج الرياضية، انا مليت اسمع نفس الكلام،
هذا وإن كان حد مهتم يسمع وجهة نظر المشاهد العادي ..
الإنسان هو المخلوق الوحيد على وجه الأرض اللي عنده تفنن وإبداع وأبتكار في الشر والإيذاء. حتى الحيونات المفترسة القت.ل عندها غريزة فطرية مش سلوك غرضه الإيذاء في ذاته ده نظام غذائي فيه تسلسل هرمي هدفه في الأساس الحفاظ على بقاء السلالة وكل الأبحاث العلمية أثبتت إن حتى الغريزة دي كانت ضرورة للتوازن البيئي ككل . انما عمرك شوفت حيوان بيقت.ل حيوان عشان الحيوان التانى مش مقتنع بافكاره أو مختلف معاه في المذهب أو الرأي !! ، عمرك شوفت حيوان بينزع جلد بنى آدم عشان هدفه انه يعمل من الجلد ده فورير شيك أو يعمل بيه جزمة أو شنطة !! . عمرك شوفت حيوانات جابوا بنى آدمين حطوهم فى قفص عشان يروحوا يتفرجوا عليهم !! . البشر بيقت.لوا ويبيد.وا بعض عشان مليون دافع ومليون هدف ومليون رغبة شريرة كلها غل وكراهية . إخترعوا الأسلحة وكل أدوات التدمير والتعذيب والإبا.دة ، قتل.وا من بعض ملايين في حروب لمجرد إن حد قرر ياخد حق مش حقه أو شخص واحد طلعت في دماغه فكرة مجنونة شريرة. ربنا قال "ظهر الفساد في البر والبحر بما كسبت أيدي الناس" . الناس يعني البني آدمين مش أي مخلوق تاني . شيء ساذج جداً وسطحي جداً إن الناس تعتبر إن كلمة حيوان دي شتيمة مع إن في ناس كان يمكن الحياة تكون مكان أفضل بكتير لو كانوا حيوانات ومكانوش بني أدمين دمروا وخربوا ومارسوا كل أشكال الشر والإيذاء.
قمة الإبتلاء أن تعيش زمنًا يستشهد فيه أسود الأمة فتعوي كِلابها فرحًا.
لكن حتى قريش فرحت وهللت لما قُتِل قائد جيش المسلمين عمّ رسول الله ﷺ حمزة أسد الله وهو مقبل غير مدبر، وظنّت أن شوكة المسلمين ضعُفت ، فكان بعدها فتح مكه بفضل من الله.
رددها بقلب مطمئن
اللهم يا واسع الفضل والعطاء، يا غفور يا رحيم، نسألك أن تغفر لنا ذنوبنا وتصلح لنا شأننا كله، وأن تكتب لنا في كل أمرٍ يُسراً وتوفيقاً، اللهم أجعل قلوبنا مطمئنة بذكرك، وعقولنا مستنيرةً بهداك، وبارك لنا في رزقنا وعافنا، واجعلنا من عبادك المخلصين يا أكرم الأكرمين