عبدالله"

لَّا إِلَٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ

[عبدالله" @an26x3]

مثل ما تجيك الكربه إللي بدون إشعار
يجيك الفرج من خالقك و أنت ما تدري

[عبدالله" @an26x3]

@Qaf_96 الرخا غيم ٍ يمرك والشقا لابده
والليالي ماهي بدايم ربيع وقمرا

[عبدالله" @an26x3]

@M_saakran @vv_851 طيب طيب 👏🏻

[عبدالله" @an26x3]

مرني لاتاه دربك من زحام الحياة
الغلا اللي رحت منه على حطة يدك

[عبدالله" @an26x3]

انا فوادي من اللوعات ماهو خلي
واصوم لكن شفوف قلوبنا ماتصوم

يالغايب اللي لو الدنيا تردك علي
عيدت والعيد باقي له ثلاثين يوم

[عبدالله" @an26x3]

مرابيعك خضرت ولا طبها العساس
ولا قد سمحت لغيرك انها يدنسها

عليك السلام اعداد ماذعذع النسناس
وعدد ما البدو ذكر الوسامي يونسها

[عبدالله" @an26x3]

أستغفرالله الذي لا إله الا هو الحي القيوم وأتوب إليه

[عبدالله" @an26x3]

@K57xl مبروك يابو صلاح والله يوفقك 💐

[عبدالله" @an26x3]

ياسيّد الليل لا غابت مصابيحه
يمَّل بك انك على الهقوه ويمَّل بي

و الحب ما جض منه الا مجاريحه
اللي هواهم عفيف وحظهم سلبي

قد تبت منه وردّتني ملاويحه
وانا على جرف وادنى مايميّل بي

الله معك وان حداك الوقت للطيحه
تحد كل الظروف وطح على قلبي

[عبدالله" @an26x3]

ماهو بكفو الوقت حبك يمحّيه
ياللي تخاف صروف الأيام تمحاه

حتى ولو بتغيب ذكراك تكفيه
يا واحدٍ تكفي عن الناس ذكراه

اسمك يروعني إذا مرّ طاريه
وأحب ملقوفٍ يسولف وطراه

وأمرّ بيتك من بعيدٍ ولا أجيه
وأنا لو أنه في يدي ماتعداه

[أذكارك @ii_e19]

رتويت لعلها تشفع لك..

[عبدالله" @an26x3]

ضحيت بالواقع على شان الاحلام
وضحيت بالغالي على شان غالي

حتى الغرام اللي كسر قلبي العام
ماني بحاله كان ماهو بحالي

ماينحسب عمر البنادم بالاعوام
بعض السنين نعيش فيها ليالي

وجه التشابه بين قلبك والايام
القلب خالي والليالي خوالي

[عبدالله" @an26x3]

يا كريم الوجة ترزقني الرزق الحلال
لا تطيح حظي مع الحظوظ الطايحه

ماحنيت اللي عليه العمامة والعقال
وإن حنيته جعل فوقه تنوح النايحه

كل ماوطيت راسك توطوك الرجال
الرجال اللي عليهم تنص اللايحه

والقناعه والكرامة غناه وراس مال
من ملكها مانشد وين بقعا رايحه

[عبدالله" @an26x3]

مرحبا ياوجه اذكره من شد الرحيل
مبدعك ربي من انسام ليل ومن حيا

ما اذكر اني كنت طرقي ولا عابر سبيل
بعدك الدمعه شحيحه وضحكاتي ريا

غايتي لا امحل ربيعي اهيم بكل ليل
فيك طاولت المسره ولوعات الغيا

وان ذبل غصني لقيتك قراحٍ سلسبيل
دونه تهون المساري والاغصان تحيا

[عبدالله" @an26x3]

أعرفك وأعرف انك عمر مايبي توضيح
يطول المدى ما خانت البيد ميعادك

عسى ليلةٍ فيها من الشك والتبريح
فدى ليلةٍ فيها مجيّك ومعوادك"

[عبدالله" @an26x3]

من شاف وجه القمر فـالارض حطّه وليف
حتى لو انه على حدّ السِراط انحرف

مضارب رموشها اللي حدّها حد سيف
مكانها الصدر واللي غيرها فـالطرف

في مثل هذي العيون اللي هدبها كثيف
تسلّم الروح و يموت الشجاع بـ شرف

[عبدالله" @an26x3]

معك مابعد عديت عمري من الاعمار
مخليه ريشه بين أصابع هبوب النود

تذكر انا وياك في لمة .. السمار
تقول البرا مردود واقول البرا مردود

تذكر و لك بالذكر مالك من الاسفار
تذكر و خل الذاكرة بالزمان تعود

تذكر يوم ان حدود وصلك ثلاث امتار
تخطيتها ما كن ذيك الحدود حدود

[عبدالله" @an26x3]

عن حومة الحايم وعن طارد الصيد
لا قـامت تحبري بـ سـاق وعرقوب

كن سلسلة ثرهـا على هامة البيد
متزخخرف الحنا ععلى كف رعبوب .

[عبدالله" @an26x3]

اللي مضالك أمس مايرجع اليوم
وأرزاق بكره ، ما تجي قبل بكره

[عبدالله" @an26x3]

قلت عايف ونفسي بالخفا تشتهيك
عزة النفس تدري طيب ماهي ردى

خل عينك تهل دموعها وش عليك
أنت خدك ورود ودمع عينك ندى