عَنان

بإذن الله خير 🌚

[عَنان @ananadel1234]

مفيش كائن في الدنيا اقذر من الرجالة وهي بتحاول تعمل نفسها لطيفة قدام واحدة حلوة

[عَنان @ananadel1234]

نفسي اتهور اوي بس عارفة ان العواقب هتهبدني ع الأرض وهندم وهجلد ذاتي لآخر عمري

[عَنان @ananadel1234]

انا بس مرتاحة علشان نظرتي في الناس بتطلع صح، بس ف نفس الوقت زعلانه اوي اوي علشان الخسارة كانت على الفاضي، يارب اتمنى متبقاش على الفاضي، معجزة من عندك يارب

[عَنان @ananadel1234]

جاري الان فقدان حاسة التذوق

[عَنان @ananadel1234]

نفسي اجمع كل الناس اللي زعلانة مني وشايفة اني وحشة ومقصرة ومختفية ، في مكان واحد ، واقعد معاهم يحيى ابني لمدة نص ساعة بس ، وانا متأكدة أنهم هيطلعوا يبوسوا راسي واحدة واحدة 🙂❤️

[عَنان @ananadel1234]

تخيلوا مكس تسنين + انحسار نوم+ عنده برد وبيكح ، ف جيه بحد

[عَنان @ananadel1234]

اول مرة من ساعة ما خلفت يعدي عليا اسبوع كل يوم فيه عياط وانهيار بالشكل ده! الواحد بيفضل يهزر ويصيح كتير بس بجد التسنين ده أبشع مرحلة بيعدي بيها الطفل من اول ولادته+ وكمان الأم

[عَنان @ananadel1234]

والله تعبت اوي

[عَنان @ananadel1234]

مين ظهرتله الأغنية ع التيك توك وهو بيسكرول واتفتح ف العياط؟ 🤡

[عَنان @ananadel1234]

في تاريخ عمرو دياب كله باغانيه
اكتر جملة فعلا بحس انه ازاي جاب الاحساس كده
لما بيقول " ولا كان في بالي حٍلم عمري في يوم وليلة الاقيه سراب"
بتفكرني بنفسي زمان اوي، والأحلام اللي عمرها ما طلعت بره دماغي

[عَنان @ananadel1234]

معروفة كل البوم لعمرو دياب هنقعد تتريق ونقول ايه الاغاني الهطلة دي بعدين هنمشي نرددها في كل مكان وزمان

[عَنان @ananadel1234]

الموضوع وصل تاني انهاردة يلا نرحب بيه

[عَنان @ananadel1234]

حمدالله عالسلامة العياط عالموضوع اللي انت بتحاول تتجاوزه من ٣ سنين وصل

[عَنان @ananadel1234]

ههه‍ههههههأو أو أو اوووووو
دلوقتي مبنكملش ( نص ساعة)

[عَنان @ananadel1234]

ابني وهو عنده شهرين كان ممكن ينام ساعتين او ٣ متواصلين وانا كنت بنام بقا جنبه وقولت والله وهتحلو معاكي يابت ياوردة ولو دي الأمومة دي حاجة عظيمة اووووي ، حاليا قربنا على ال ٧ شهور ونفسي ومنى عيني ينام ( ساعة) من غير ما فرك وعياط بلا هدف 🥺🙂

[عَنان @ananadel1234]

فـ المهم إني لما كبرت في السن اكتر تفكيري اتغير اوي، ومبقتش بعرف اعبر عن اللي جوايا زي زمان، يعني تبقي الحاجة واجعاني ومضايقاني واختار اسكت، مش عارفة ليه وامتا اتغيرت، بس الوضع كده في الهادي منه أكتر .

[عَنان @ananadel1234]

لما بشوف ميموريز الفيس بوك بتاعت زمان بلاقي إني بجد كنت بسجل كل مشاعري في أي موقف بمر بيه في حياتي، بكتب تفاصيل دقيقة ومُريبة، طبعا انا مش فاكرة ٩٠٪ من المواقف دي ، بس اللي فاكراه كويس إني كنت متأكدة إني لما أخرج اللي جوايا هرتاح حتى لو محدش مُهتم أو هيقرأ

[عَنان @ananadel1234]

وحدي شيلت المسؤولية

[عَنان @ananadel1234]

اقسم بالله كل ما افتكر اني عملت ف امي اللي ابني بيعمله فيا دلوقتي اقول لامي انتي جبل

[عَنان @ananadel1234]

مش عارفة اقول ايه
بس عارف لما تتأذي نفسيا من موقف ما وتبقي فاكر إن لما الشخص ده يتأذي زيك هتبقي مبسوط علشان حقك رجعلك وكده؟ بس تكتشف أنك حزين عليه؟ وان لسه جواك حتة كويسة
علشانه

[عَنان @ananadel1234]

المهم اني شغلت الالبوم بتاع كايروكي امبارح وانا يحيى قاعد جنبي ، وافتكرت إني مرتبطة باغانيهم من زمان اوي, ممكن نقول ١٢ سنة تقريبا؟ حسيت فجأة جالي ايرور وبصيت ليايا وقولت لنفسي هو الواد ده ابن مين وبيعمل ايه هنا اقسم بالله 😭😭😭💕

[عَنان @ananadel1234]

باند بيخلق حالة رهيبة صعب اوي تتوصف، باند بيحكي قصتنا ، بيطلع الكلام والمشاعر اللي جوه اوي، اللي بيتهيألي عمرنا ما فكرنا نقولها بصوت عالي 🙏🤍

[عَنان @ananadel1234]

انا آه مشold fan اوي لكايروكي بس فاكرة اوي إني بدأت اسمعهم وانا في ٣ اعدادي، اولى ثانوي الرينج ده، ولما ركزت لاقيت إن كل اغانيهم مرتبطة معايا بذكريات محددة مواقف بعينها، فاكرة حماسي الغير طبيعي لما حضرت ليهم حفلة في ساقية الصاوي ايام ما كانت التيكت بـ ٧٥ ج

[عَنان @ananadel1234]

رغم أن كل المواقف اللي مربوطة باغانيهم ممكن ،تكون مش الطف فترة في حياتي لكم صعب اوي اوي اني اكرهها أو انفر منها أو اقول ياااه ده بتفكرني بأيام معرفش ايه، بالعكس! انا مُمتنة لكل اللحظات دي، ممتنة لنفسي زمان ، ومبسوطة اوي إن جيلنا فيه باند زي كايروكي