An Pêng

Kong-gī ê siā-hōe, chèng-siông ê kok-ka.

[An Pêng @anpingtn]

Ko-sok kong-lō͘ teh pho͘ tiám-á-ka ê sî, gia̍p-chú kàm-chō êng-chō-chhiúⁿ, 3 hong ta̍k-kang lóng tèng tī tiám-á-ka-tiûⁿ giām liāu.

Ná-ē beh hō͘ chhia kauh ē, ta̍k-kang giām. Beh chia̍h loh pak-tó͘ ê kúi loh tang, giām bô chi̍t pái.

[An Pêng @anpingtn]

Kin-nî ê ài-bûn, súi koh sio̍k, án-ne 1siuⁿ 20kin 200.

Ài-bûn beh se̍k, seng hoán âng, koh-lâi kui lia̍p pau hún, sòa-lo̍h-khì chhut iû. Siòng-phìⁿ lāi-té lóng khòaⁿ ē tio̍h.

[An Pêng @anpingtn]

@tumarinotumori Ai, saⁿ tǹg chia̍h pû-á, lóng pìⁿ pû-á bīn ah.

Sī-kóng hō͘ nā koh ke lo̍h kúi kang, Chhài tio̍h ē kùi kah kiaⁿ-sí-lâng. 😂

[An Pêng @anpingtn]

Chòe-kūn pû-á tōa-chhut ê khoán. Siu-tio̍h 1siuⁿ, khòaⁿ-tio̍h lâng, to̍h pài-thok lâng tàu chia̍h. Iá-koh chhun 7 lia̍p. 😅

[An Pêng @anpingtn]

ChanBûn chúi-khò͘ lóng chat kah chiaⁿ chún. Cha̍p gōa kang chêng, khòaⁿ khí-lâi í-keng beh tah-té, pún-té phû leh chúi-bīn ê hoat-tiān-pang, hó-sè hó-sè khiā tī thô͘-kha, in iá-sī kian-chhî pàng-chúi hō͘ tiū-á. Chiâⁿ-si̍t kòe 1 lé-pài, chúi to̍h ji̍p--lâi ah.

[An Pêng @anpingtn]

Gō͘-ge̍h-choeh beh kàu, khòaⁿ lâng teh hōe lâm-pō͘ chàng pak-pō͘ chàng. Góa kò-lîn su-su-liām-liām ê sī ké-chàng.

Siōng-bóe 1 táu chia̍h ké-chàng sī hām a-bú chò-hóe pau. Tùi oe-bí tè-ké-chhè nóa-ké .... kàu ē chia̍h, chiok chiok 2 kang.

Bú-á í-keng bô thé-la̍t thang pa̍k ah.

[An Pêng @anpingtn]

@chokangalang M̄-koh góa thiaⁿ lâng iōng Tâi-gí liām tông-si, lóng péng-pak siūⁿ beh thò͘. 🤣

[An Pêng @anpingtn]

Kiong hiòng kèng-chú thian-siōng sèng-bió, kì ha̍p-biō siōng-hā bûn-bú chiòng sîn-bêng, hêng sam pài-lé.

it pài, kî-kiû hong tiâu ú sūn, kok thài bêng an.
chài pài, kî-kiû sîn ui hián-hek, hiuⁿ-hóe téng sēng.
sam pài, kî-kiû lâm thiam pek hok, lú la̍p chhian siâng.
lé sêng.

[An Pêng @anpingtn]

@chokangalang To-siā. ká-gâ, ē-hiáu ah.

[An Pêng @anpingtn]

@chokangalang sí phê nōa sèng

[An Pêng @anpingtn]

Chū án-ne, bô lâng koh the̍h--khì chìn-hiuⁿ ê tāi-chì. Liân Pak-káng mā bô khì ah.

[An Pêng @anpingtn]

Gún chia ê Má-chó͘-pô, goân-té khì Pak-káng chìn-hiuⁿ. Ū 1nî siūⁿ-tio̍h, cháu--khì BîChiu. Kiat-kó pòaⁿ-mî sîn-chun hông phóng--khì. 2, 3kang hia̍p-tiau, chîⁿ-gia̍h lóng kóng hó ah. Ki-sin hoat-khí--lâi kóng, mài hām in ko-ko-tîⁿ, Sìn-chiòng ta-ke pêng-an tńg--lâi to̍h hó.

[An Pêng @anpingtn]

@blues__tw Tiāⁿ lóng ē án-ne, choh kah lâu-kōaⁿ, i hiâm kah lâu-nōa, chhut 1 ki chhùi siōng gâu.

[An Pêng @anpingtn]

Goân-lâi sì pah nî chêng, Eng-kok lâng to̍h pat kap Pho-su lâng, tī Hormuz hái-kiap thiu-sòe, chi̍t lâng chi̍t pòaⁿ.

[An Pêng @anpingtn]

Cha-bó͘-kiáⁿ in ha̍k-hāu sî-kiâⁿ khò͘ liah chi̍t-khang. Chhiⁿ-miâ tńg--khì sàu-bō͘, khò͘ khì hō͘ in a-má siu khì sóe chheng-khì, koh pó͘ kah súi-súi. 😆

[An Pêng @anpingtn]

Lâng kè cha-bó͘-kiáⁿ, chhin-chiâⁿ pêng-iú sàng tiān-sī sàng peng-siuⁿ, hō-chò thiam-chng.
Nā-sī ji̍p-chhù ê sî-chūn sàng, kiò-chò siàⁿ ? Kán-ná ū chi̍t-ê sû, siūⁿ bōe khí lâi. 🤔

[An Pêng @anpingtn]

Khì sū-bū-só͘ pān tāi-chì. Tú--tio̍h Kok-bînTóng beh soán gī-oân ê, tī hiah hâm lâng sio-chioh-mn̄g, kà lâng chhoân chèng-kiāⁿ.
Tùi chiâⁿ-chōe lâng lâi kóng, khòaⁿ ē tio̍h, hó iang-chhiáⁿ, pí kóng lí-sióng kóng goán-kéng, kóng kah chhùi-kak choân po khah si̍t-chè.

[An Pêng @anpingtn]

Lé-pài tī lō͘--lí, khòaⁿ lâi Tâi-lâm chhit-thô ê ko͘-niû-á, m̄-sī làu tō͘-châi, bô tio̍h khòa khòa ê siá-chuh khàm kòe té-khò͘. Lóng bōe kiaⁿ kôaⁿ, chheng-chhun chiâⁿ hó.