apr3511

والغايب اللي حلمت يوم معواده...انه بنفسه قبل موته يعزيني...تاريخ موته وهو تاريخ ميلاده...يا صعب نار الفراق ويا الله تعيني...

[apr3511 @apr3511]

@rak1975
يا نصايب قبر عبدالله عليه ردي
يوم قبره دون شوفه محتديني جاله
والله اني يوم اقوله صادق من جدي
بشريني يا عساه بخير كيف احواله

[ناصر بن هندي @naser_m9]

صواديف وقت الآدمي مثل صلو النار
وغــاراتـها شـلـفً تـعـادى عـلى ذبحه

قصير الشبـوح تحّـوله في اول لمشوار
ووسيع البطان تداحمه ماقصرت شبحه

اذاشان وجه الـوقت والمتن حمله جار
وصارت خـساير وقـتك مـعادله ربحه

تجود بـ حبـل الصبر وانهـل من الأذكـار
ليا انهلت ظروف الليا��ي خـرز سبحه

[مـخـباط . . @_Mb72]

لنّ ترى معادن الناس بالشكل الصحيح
لين تبلغ " مُجريات الظروف " آشدّها

- عبدالله السراهيد

[حمد الميموني @Abcd_198o]

يامحابيس الصدور .. وياصناديق الرسايل
في شيٍ مايشال .. وفيه حاجه ماتخلا

إن تغاضينا عن الزلات ماننسى الجمايل
وإن تناوشنا قليل المعرفة : كبّر وصلى

رفقة الطيّب تزيد العمر .. وتزيد الفضايل
كل مازاد الدهر قسوة وأذى .. قامت تجلا

ورفقةٍ يدخل عليها الشك من شتى الوسايل
لو نعلّقها على راس الجبل قامت تدلّا ..!

[عبدالله السراهيد @Alsraheed]

النفس لاآنصاع راعيها لـ آوامرها
قام يتساقط خَرَز خافيه من حكيه

وأكثر ما يفضح عباد الله مشاعرها
تشكي لو أصحابها ماهيب مشتكية

ياللي تحاول بـ كثر الضحك تسترها
وش يستر الضيقة اللي فيك مرتكية

الضحكة اللي تجي من قلب دوّرها
لا تضحك الضحكة اللي كنّها بكية

[مبارك بن وافي @bn_wafi]

يالراحل اللي عقبك الصدر جيّاش
ما جيت لحظه فـ الخيال ونكرتك

وشلون بنسى عطفك اللي معي عاش
وانا لا مات اللي ما اعرفه ذكرتك !

[مبارك بن وافي @bn_wafi]

انا عقب موتك استمع صوت ترحيبك
واجيك ابتسم لو إنها بسّمتي قلّت

يقولون كثر بكاي يثّر بـ تعذيبك
واداريك حتى في دموعي ليا هلّت

[هشال @hii_a9]

و شاعر يعزي نفسه بابنه:

جاورت اعدائي و جاورَ ربهُ
شتانَ بينَ جوارهِ و جواري

[سهيل @s8ell88]

شاعر يعزي رجل مات ابنه ..

ان الكبير كبيراتٌ مدويةً
امجادهُ ، وكبيراتٌ مصائبهُ

تهب كل رياح الارض عاصفةً
والنخلُ لا تنحني إلا ذوائبهُ

-عبدالرزاق عبدالواحد

[‏ مانع @mana_911]

#بوح_الخاطر

الأرض يمشي بها المظلوم والظالم
والناس بين الخطأ والصح منتشره

أحتاج صدرٍ وسيع يسايس العالم
واحتاج لي صبرٍ أطول من شهر عشره

[أحمد الناصر | Ahmad ALnasser @ahm_alnasser]

الناس يؤذون غيرهم بمقدار النقص الذي فيهم ...

[أبوفهيد @Aqa_400]

اللهمّ بلغـنا مَ نودّ وأجعل لنا دعوةً لا تُردّ ♡︎

[أبوفهيد @Aqa_400]

ولنا في اللهِ ظَنٌّ لا يخيب🤍..

[محمد العتيبي🇸🇦 @18utp]

بعد ماغاب الشفق والليل داهمني ظلامه
يالله بـ ليلً يكف الضيق ويعم السكينهه

كم لي اصادم ظروف الوقت لعيون الكرامه
مابغيت الناس تنظر لي بنظرتها الحزييينه "

ان تعبت من الحياه آتعب وانا مرفوع هامة
اعتنز بـ الله واقوي عزمي [ الله لايهينه ]
- صنهات ��ن حشر

[سلمان بن حثلين @S_H_188]

وقفنا عند بابك ما لنا مطلوب غير رضاك
معاصينا كبـار وعفوك اكبر من معاصينا .

اللهم عفوك وغفرانك 🤍

[ّفـــراج @tllq5]

أهل العباير لاطرى مامضى وش عاد
زمان السعد لافارق الناس يبكونه

[بناء الثروة @NAWAFMSZ]

عليّ من فتلة يميني للاشناب
لطبّق الخطة على من رسمها

لعيون روس حال من دونها تراب
وعيون روسٍ حيةٍ ماعدمها

لاقف على طولي على هامة الداب
والحيّه أم جنيب لاخيط فمها

مشاري بن ناصر