—

على حافّة الانتحار

[— @aressko]

@eleithaya ناطرينك يلا مافاتك كتير

[— @aressko]

طقس هولندا بيجرح وبيداوي، بعد ما احترقنا من الشوب كل اليوم هلق عم تمطر وعايشين اجواء رايقة

[— @aressko]

قبل شوي كنا عم نرتب شنطة السفر لابوي ولقيته اخد معه أحذية اخواتي الصغار الي ماتوا قبل كم سنة، لما اجا من سوريا جابهم معه ولما بده يرجع اخدهم معه، حسيت بالزعل تجاهه وكأنه كان بده سفره يكون برفقتهم بس مو باقي منهم عنده الا هالأحذية الصغيرة

[— @aressko]

"إذا فكرك عم تستفزيني لأترجاكي
مافارقة معي، يعني بترجاكي
وبترجى ربك إذا بدي ياكي"

بس مابقا بدي ياكي

[— @aressko]

@enysnorris ابقي ذكريني اشرحلك عن سوق السيارات بسوريا 😂😂

[— @aressko]

ابوي الساعة ٧ الصبح ما عم يحضر تيكتوك بل عم يضاجع التيكتوك بل عم يمارس التيكتوك ممارسة في الصباح الباكر، بدنا ننااام

[Hera @Iuvreni]

تغيبين عني..
فأشتاق نفسي
وأهفو لقلبي على راحتيك
وما زال بيتي.. في مقلتيك
وإن مزقتنا دروب الحياة
فما زلت أشعر أني إليك
فإني خلقت وقلبي لديك
https://t.co/ZBfjw2VqA2

[— @aressko]

مابقا نعرف ننام ٣ ساعات متواصلة بلا ما نشوف شي او نفيق على شي !

[— @aressko]

"الاكتئاب المبتسم"

وصف شائع لحالة من الاكتئاب ما بينتبه لها الناس ومرات حتى المصاب فيها لانو دايمًا مبتسم عم يشتغل وينتج بس بمجرد يرجع لحاله بيرجع شعور الوحدة والحزن وهو بفسر تعبه على انه مجرد إرهاق.
لما قرأت شوي عن الموضوع اليوم حسيت انو كلنا مكتئبين ومبتسمين للاسف.

[— @aressko]

يمكن بدي شيخ يقرأ علي لأني مسحور أو يمكن بدي ضربة على راسي تنسيني كل هالشعور

[— @aressko]

بزعل وبيجي عبالي اكتب وبيخطر عبالي أنت،ومتل ما كل الطرق بتودي لروما كل الطرق عم توديني لعندك!
بيناتنا قارّة وكومة أحلام، بيناتنا ألف ذكرى وكومة آلام. عايشين قصة حب مع الخيال وبنخاف نخسرنا ونحن مو لبعض ..

[— @aressko]

بتفيق الصبح بتلاقي رفيقتك باعتلك انها كانت بحفلة سينابتك بالشام وبتقعد تتفرج عالفيديوز وانت عم تدهن ركبتك بكريم مسكن قبل ما تروح تتصبح بوجه استاذك الايراني، حلو كتيير هالصباح

[— @aressko]

هي الصورة مصورينها على بلكون متحف ألبيرتينا بڤيينا، كل مرة بشوفها بحس اني عايش بهالمدينة عالفاضي

[— @aressko]

الشي الوحيد يلي ممكن يشفع للصيف هو نسمة الهوا المسائية يلي بتسمحلي افتح الشبّاك ودخن سيجارة وراقب السما