Creativity

Moodboards and visual diary🕊

[Samandar Tsogtbayar @satso999]

HAPPY 44th ANNIVERSARY!
Гэр гийгүүлсэн гэргий Ariunaa Tserenjav -тайгаа хархан бага насандаа хүүхдээрээ шахуу танилцаж тоонот гэрт толгой холбож тостой тогоонд хошуу холбоод даруй 43 дахь жилийнхээ босгыг давжээ. 6 сарын 22-ныг тэмдэглэлт өдөр болгон сонгосон нь болбоос:
-Уулын цэцэг олон болов ч
Улаан цэцэг ховор шүү...гэж эхлүүлсэн захиагаа өгөнгөө ярилцлаганд орж зөвшөөрсөн тамга даруулж насан туршийн multiple entry visa даруулсан болохоор тэр юмшд. Өөрөөр хэлбэл комиксоор чимсэн хайрын захиа бичиж ханийн тэнгэр дуудсаны хүчинд үр үндсээ үлдээж өнөр өтгөн айл гэр болох үндсэн үүргээ гүйцэлдүүлэх итгэлийг тайван замаар, эвтэй найртайгаар олж авсан билэгт сайн өдөр юм.

Одоогийн энэ Оросууд угсаа гарвал нэгтэй Украин улс рүү гэнэт довтолж харгис дайн өдөөсөн шиг Германы фашистууд ЗХУ руу итгэл эвдэн довтоллоо гэж ирээд л энэ өдрийг тэр үед тодорхойлж ярьдаг байж билээ. Яг түүн шиг л Ариунаагийн ухаан бодлыг бүслэн хааж байгаад уураг тархийг нь угааж фанаалдаж, гал улаан зүрх рүү нь огцом гэнэт довтолж "Цахилгаан дайн"-ы "Барбарос" төлөвлөгөөгөө хэрэгжүүлсэн хэрэг. Өнгөрсөн энэ он жилүүдийн унаж боссон алдаа оноо, амжилт бүтээл бүхнийг минь хамт хуваалцаж, төрсөн биеэ хуваан байж оонын эвэр мэт хоёр хүү төрүүлж өгч үлдэх амьдралын минь үргэлжлэлийг тасрахгүй болгосон ачийг тань талархаад барамгүй.

Үр ач маань өнөр өтгөн болж хүүхдийн цовоо дуу хөгжөөн наргиан дунд аягатай цайгаа хуваан ууж суух сайн бас сайхан ханьтай азтай хүн ээ би. Залуу халуун насны алдаа оноог тойрч гараагүй дайрч явсан онгиргон сагсуу үед маань цулбуурийг нь татаж дарж, ойрын зовлон бэрхшээлд хөл алдан нугарч сөхөрч суухад минь тохойноос минь өргөж дэмнэж, хийх бүтээхэд минь зөвлөж, тусалж байсны чинь буянд өдий зэрэгтэй явна даа үнэндээ. Гайгүй яваа эр хүний ард талд түүнээс хувь илүү гайхамшигтай эмэгтэй байдаг гэлцдэг. Тэр нь чи минь билээ.

Үхэлтэй ч нүүр тулсан байсан өөрийгөө гэхгүй үр хүүхэд ханилсан ханиа гэх өгөөмөр дэлгэр сэтгэлийг тань магтахад үг дутаж ухаан жулдана. Жаргал зовлон ээлжилсэн хүний энэхэн хорвоод өрх гэрийн маань өрөөсөн нэг багана нь болсон хань минь чи дэргэд минь байгаа болохоор болно доо болно гэж нүүр бардам хэлэх сайхан байна шүү. Угтан ирэх он жилүүдэд ч гэсэн урвах сэтгэл агуулалгүй, зовлон дааж, жаргалд ташууралгүй аягатай цайгаа хуваан оочилж хамтдаа өтөлье дөө. Том болжийгоод чамайгаа жаргаана гэсэн үгэндээ хүрч Торой банди шиг хоргой торгоор хучихгүй ч жийнсээр хулдаж жигнүүртэй буузаар шахаж, бор дарснаас татгалзаж холдсон хэвээрээ байхаа хэдэн тавиур дүүрэн ном пянзаараа андгайлья.

Ер нь үхсэн яадын нэг мөсөн 50 жилийн ойгоороо бөх барилдуулж морь уралдуулж сур шагай харвуулья гэж худлаа бүлтрээд ч яахав. Харин ойр дотны найз нөхөд, ах дүү амраг садантайгаа хамтдаа тэмдэглэж "Алтан хурим"-аа хийнэ гээд амлачы! (Ам алдвал барьж болдоггүй ээ гэж) Нэгэн биеэ хайргүй хувааж үүдэл эс, цус ясыг маань үргэлжлүүлэн энэ хорвоод үлдээн бөхлөх удам судрын мөнхийн хэлхээг нээж нийтгэж, хэлхэж нэхэж өгсөн чамдаа хязгааргүй талархаж чин сэтгэлээсээ хайрлаж явдгаа илэрхийлээд Хайртай ханьдаа хамтдаа бүтээсэн гайхалтай он жилүүд болох 44 жилийн ойн баярын мэнд хүргэе! Мань чинь чамдаа 247 (хуучнаар бол ЯТОЛ шоо!)

[Базарсүрэнгийн Болор-Эрдэнэ @bbolorerdenemn]

Ривер Гардены арын Мацүяа яасын бган нэрээ arigato болгожээ. Matsuya нь уг нь тэндээ бол том бранд. Өөрчлөгдөөд меню нь илүү гоё, илүү хямд болчихсон юм уу. Мөн ч гоё будаа, гюүдон, сэт хоолууд 19,000₮ орчимд гаргаж бн. Сайн үйлчлүүлээрэй, гоё газруудыг дампуурчих вий гэж айхын.

[Эрхэмсайхан @erxembtr]

Боолын ажил Солонгост очиж хийлээ гэж ярих юм. Тэд чинь хөдөлмөрийг нь шударгаар үнэлж цалин хөлсийг нь хангалттай өгдөг юм.
Жинхэнэ боолын ажлыг Монголд л хийдэг юм. 250$-оор сардаа цалинжуулаад дэлхийн чанар, стандарт нэхдэг улс зөвхөн Монголд л байдаг.

[Undarmaa Purevjav @purevj1]

Хөөрхөн юм дээ🤩🥰

[Samandar Tsogtbayar @satso999]

Сүүл үед манай улсын ихэнхи салбарт тэр дундаа улс төрд ялангуяа яг нэг иймэрхүү байна даа:

Чадах нь үл хүснэ,
Хүсэх нь үл чадна,
Мэдэх нь үл хийнэ,
Хийх нь үл мэднэ,

Ийнхүү энэ дэлхий
Үл өөдөлнө"

Италийн эртний нэгэн хотын барилга дээрх 1529 оны бичээс.

[Шэнь Миньжуань 沈敏娟 Shen Minjuan @ChnAmbMongolia]

Салхин турбин өөр хэлбэртэй байж болно гэж бодож байсан уу?💨⚡️
Хятадад бүтээсэн энэхүү босоо тэнхлэгт салхин турбин нь бүх чиглэлээс ирэх салхийг хүлээн авч ашиглах боломжтой бөгөөд дасан зохицох чадвар сайтай, ирээдүйн өнгө төрхийг илтгэсэн шийдэл юм!

Ever thought wind turbines could look any different?💨⚡️
This vertical one from China captures breeze from all directions—highly adaptable and incredibly futuristic!

[ᠠᠶᠤᠰᠢ ᠪᠠᠲᠤ ᠡᠷᠳᠡᠨᠢ @AyushBate]

Энэ шүү дээ 👇 Ухаалаг эрдэм ном боловсрол мэдлэг ёс суртахуун төлөвшилтэй нэгнээ сонгодог болсон цагт л Монгол хүний саруул ухаанд итгэж болно.

[S.Bayar @SBayar12]

Баярцогт, Сайханбилэг нар яах вэ. Улсаа хөгжүүлэх гэж яваад алдсан юм бий, оносон ч юм бий. Харин энэ Д-г 2008 онд нэр дэвшихийг зөвшөөрч намын даргын хувьд би алдсан. Улсаа хөгжүүлэх ярианд нь итгэсэн. Одоо байнга гэмшдэг. Зальжин ярианаас цаашгүй энэ этгээд УИХ-д 16 жил сууж улсын хөгжлийг хойш татаж ирснийг бүгд харлаа. Одоо болсон!

[Samandar Tsogtbayar @satso999]

Өнөө айхтар хэл амны бай болж баривчлагдаж хориулж, хамаг юмаа хураалгаснаар олны анхааралд өртөөд байсан урт настай удаан жаргалтай (зовлонтой) "18 хоног" баримтат киног үзлээ. Шударга бусын эсрэг эс үйлдэхүй нь зонхилж бурууд нүд тархи нь дасаж ужгирсан энэ нийгэмд зоригтойгоор шүгэл үлээж хонх цохьсон, тууштай хэсэг залуус гарч ирсэн нь "Ноорог"-ынхон билээ. Наснаасаа ахадсан төлөвшил, биенээсээ хэтийдсэн зориг зүрхтэй энэ хүүхдүүд оройлон түүчээлж залуусыг уриалж улс төрийн өндөр соёлтойгоор жагсаж тэмцсээр байгаад худал хуурмагийн хаант улсын засгийг ганхуулж доргиож унагаж чадсан нь саяхан. Уг үндсээр нь сугалахад хэцүү ч ганхуулж доргиж, сэвтээж цуулж бол чадсан. Том гавьяа. Яг ийм сэдвээр кино хийнэ гэж сэтгэхээс авахуулаад өөрөө стандарт бус сэтгэлгээ. Солиотой хүн л ийм сэдвээр сонгогчдын боловсролд зориулж кино хийнэ гэж бодно. Арга эвийг нь маш эвтэйхнээр олохгүй бол асар уйтгартай, хаалттай, улс төржсөн гэж хардуулах магадлалтай, хаяагаа манасан аль ч хүмүүсээс мэдээлэл авч зураг авалтаа хийхэд яршиг түвэгтэй хэл амтай ядаргаатай өгөгдөл. Ямартай ч хийчихэж. Хийхээр барахгүй нээлтээ хийх урилгаа ирүүлж. Үзлээ...

Юу хэлэхээ мэддэггүй ээ. Хэсэгтээ манарах маягтай. Учир нь энүүхэн богино хугацаанд нэг дор олон туйлт сэтгэцийн эмгэг гэмээр үзэгдэл дараалж бараг бүх сэтгэл хөдлөлийн шинжүүд нэгэн дор бужигнавшд. Ичиж гирэвших, шоолж дооглох, гайхаж эгдүүцэх, гутаж гутрах, харамсаж халаглах, үзэн ядах хийгээд ойлгож ухаарах, урамшиж итгэл төрөх гээд дэс дараалсан энэ олон сэтгэл хөдлөлийн шинжүүд холимог хуурга мэт холилдсон болохоор юугаа хэлэхээ ч мэдэхгүй хэсэгтээ л бодлогшров. Ядаж байхад дүү нар нэр зарлаж сэтгэгдэл хэлүүлэхээр тайзан дээр зарлаад байдаг. Анзаараагүй хараагүй зүйлсээ илүүтэй ихээр сэрж мэдэрлээ. Сонгуулийг ингэж том зургаар нэгтгэж нийлүүлж харах нь мөн чанар хийгээд утга учрыг нь ойлгох, муу сайн талуудыг нь олж харахад хамгийн чухал нь ажээ. Өчнөөн олон жил сонгууль өгсөн мөртлөө өмнө нь ердөө л өөрийнхөө тойрог, дэргэд хажууд нэр дэвшсэн хүмүүс төдийгөөр ойлгож мэдрээд л яваад байж. Архаг сонгуульчин надад ингэж мэдрэгдэж байгаам чинь анхлан өгч байгаагаас өгсүүлээд залуу хүмүүст, олон нийтэд айхтар сүрхий нөлөөлөл үзүүлж сэнхрүүлж, ойлгуулж ухуулж чадахаар кино болжээ. Ингээд кинон дээрээс харсан чинь яасан ч утга уянгын "Болор цом"-сог, Хойд Солонгос шиг сүржигнэж хийрхсэн, солиотой галзуучууд хүртэл дэвших боломжтой нэг талаасаа эрх чөлөөтэй мэт болов ч нөгөө талдаа хариуцлагаггүй, хуйвалдсан, хуурсан сайн муу бүх юмны mix үлгэрийн баатрууд, мэргэжлийн залилагчид, амилж сэргэсэн "Walking Dead" маягын сонгууль хийдэг хүмүүс юмбдээ бид чинь. Тийм холион бантан, ялгадас хог дүүргэсэн шуудайнаас нүдээ аниад шахуу базаж атгаад гаргаад ирсэн нь энэ хэд гэхээр бас ч гэж нуруутай ч юм шиг. Хамгийн гол нь сонгуулийн сурталчилгааны хэдхэн хоногт биш сонгуулийн 4 жилийн хугацаанд бодож сэтгэж шилж сонгож өөрийгөө бэлдэж дараагийн сонгууль хүртэлх амьдралын чанарт тань нөлөөлөх сонгуульд "Том хүн" шиг чухал нухацтай ханддаг байхын тухайтад нөлөөлж ухааруулахаар кино болжээ. Кинонд сонгогдсон таван өөр дүрийн хэлж ярьж байгаа бүхнийг харьцуулж бодож суухад бүхий л өнцөг хандлагыг мэдэрч ингэж л том зургаар нь сонгуулийг харч мэдэрч байгаагүйгээ ойлгосон маань миний сонгогчийн боловсролд нөлөөлж энэ кино үүргээ гүйцэтгэлээ гэсэн үг. Үг олдож үхэр холдлоо. Дүү нартаа амжилт хүсье! Бас энэ бүхний тань төлөө баярлалаа Та энэ киног заавал үзээрэй. Хоншоортой улс төрч, улс төрийн намууд төлбөрийг нь төлж энэ киног түрээслээд нөгөө бүх телевизийн сувгаар цацуулж бааварлаад байсан булай нэвтрүүлгүүд шигээ орон даяар нэгэн зэрэг гаргаасай. Өөрсдийгөө зольж өрөөлийн ирээдүйн төлөө тийм зоригтой алхам хийж чадвал Монголын улс төрийн амьдралд хийх том шинэчлэл өөрчлөлт болно шүү гэсэн нэгэн зөвлөгөөгөөр энэ бичвэрээ өндөрлүүлье!
#Ноорог #18хоног #ТэнгисКиноТеатр #СонгогчийнБоловсролОлгохБаримтатКино.

[Samandar Tsogtbayar @satso999]

Хүний гараар могой бариулах муухай. Тэр тусмаа хүүхдийн гараар бол бүүр үзэн ядаж жигшмээр муу үйл. Грета шиг дүр болгож хэрэглэж ашиглаад хаяж ахиж нэг хүүхдийн хувь заяагаар тоглож байгаа "Osorjamaa 2.0"төслийн цаад эздийг нь л үзэн ядацгаагаарай хүмүүсээ!

[Т.Мөнхтунгалаг @TTungalag2]

Хатуу, бүдүүлэг үг байнга хэрэглэдэг хүн өөрөө ч мэдэлгүй амьдрал нь хүртэл бүдүүлэг болж эхэлдэг. Ядуурлаас ч илүү аймшигтай зүйл бол хэл яриа ядуурах явдал юм. Хүн ихэвчлэн хэрэглэдэг үгс шигээ аажмаар өөрөө тийм болж эхэлдэг гэжээ.

Өглөөний мэнд ✌🏻

[S.Bayar @SBayar12]

Бид тусгаар улс! Гадны гар хөл арай л даврав. Төр маань төмөр нүүрээ харуулдаг цаг нь мөн!

[Шэнь Миньжуань 沈敏娟 Shen Minjuan @ChnAmbMongolia]

Энэ бол Хятадын дэмжлэгтэй хэрэгжсэн, Улаанбаатар хотын бохир усны асуудлыг үндсээр нь өөрчлөх шийдэл юм.💧
Энэ бол Монгол Улсын хамгийн том, хамгийн дэвшилтэт технологи бүхий усны орчныг хамгаалах төсөл юм.
Энэ бол усыг дахин ашиглах болон био-хийн эрчим хүч үйлдвэрлэх чиглэлд хийж буй анхны томоохон алхам юм.
Энэ бол өнөөдөр ашиглалтад ороод буй шинэ Төв цэвэрлэх байгууламж юм.🏭
@zasag_mn

[Baabar @Baabarniitlelch]

Одоо цөмөөрөө Америк, Европ, Япон, Солонгост тэгдэг ингэдэг гэж ухаантайгаараа уралдахаа болиёооооо! Зүгээр л сэтгэцийн хувьд эрүүл хүн болон үндэстэн ингэх ёстой, ингэхээс өөр арга байхгүй гээд дэлхийн хамгийн өрөвдөм улсууд ингэж тэгэж шийдсэнээр гуйлгачингаа больсон тухай эрүүл бус хүн ч ойлгохоор тайлбарлаж байя л даа.

[Базарсүрэнгийн Болор-Эрдэнэ @bbolorerdenemn]

Рекордмн @MnRecord дээрх хувилбарт ярианы эхлэл буюу энэ мөнгө хүүхдүүдийг уншдаг болгоход зарцуулагдах төсөв байсан гэсэн хэсэг бүтэн бн лээ шүү.

[Tsegii @tsegii1105]

Хүнд хэцүү амьдралаас хол байх хамгийн шилдэг арга бол боловсрол эзэмших.
Сайн боловсролоос илүү аз, ёндоо, боломж гэж байхгүй, байх ч боломжгүй.
Эрдэмтэй, мэдлэгтэй, чадвартай, эрүүл хүн бол хамгийн баян хүн!

[Т.Мөнхтунгалаг @TTungalag2]

Бусдыг хэр их шүүнэ, төдий чинээ тэр хүний амьдрал аз жаргалгүй байдаг гэжээ.

Зуны тэргүүн сарын шинийн 3-ны Балжиннямтай өдрийн мэнд 🙋🏻‍♀️

[Артгаа @artanyan]

Паа 7-8-9 сард Тайвань орвол Чингис хааны эш хөргийг оригоор нь харах нь байшүү дэй

[Базарсүрэнгийн Болор-Эрдэнэ @bbolorerdenemn]

Нийслэлийн 2024-2026 оны төсөв, төслүүдийг хянах ерөнхий хяналтын сонсголд оролцож саналаа хэлээ. Оролцоод харахад Золжаргал, Энхтүвшин нарын гишүүд дэмжлэг муутай нөхцөлд бор зүрхээрээ сонсгол зохион байгуулж байгаа харагдлаа. Ийм сонсголдоо тулсан нь Монголын, улстөрийн, төрийн эмгэнэл гэж үзэж байгаагаа илэрхийлж Нийслэлийн ард гэмгүй царайлаад явж байдаг гишүүд, төрийн эрх барих дээд байгууллага УИХаас бодлогын хариуцлага асуулаа. Ямар ч гэсэн иргэдийн мэдэх эрхийг хангаж бүх чадлаараа ажилласан хүмүүст талархал илэрхийлье.

[iSee.mn @iSee_MN]

Хэрэв Оюутолгой байхгүй байсан бол 2015-2022 онд буюу 8 жилийн турш жил бүр Монгол Улсын эдийн засгийн өсөлт хасах (-) гарах байв.

Энэ хугацаанд Оюутолгойгоос хамаарсан эдийн засгийн өсөлт жил бүр дунджаар 12.1% байж, Монгол Улсын эдийн засаг жилд дунджаар 3.1%-иар өсчээ