غُـ‘ـُربُـ‘ـُهـُ‘ـُ

‏

[غُـ‘ـُربُـ‘ـُهـُ‘ـُ @asssdd93]

عسى التعب ومجاهد النفس مخلوف
وعسى الحظوظ " تدلني .. و ادلّها "

مافيه أشد من المشاغل والظروف
اللي تجي في وقت واحـد .. كلها

[غُـ‘ـُربُـ‘ـُهـُ‘ـُ @asssdd93]

من قلة فلوسنا لا تعبسون الوجيه
لولا كثير الكرم ما قلت فلوسنا

من عزة نفوسنا ما ناخذ اللي نبيه
لو ناخذ اللي نبي ما عزت نفوسنا

[غُـ‘ـُربُـ‘ـُهـُ‘ـُ @asssdd93]

عطنا فعولك مانبي فعل جدك
الريش ينبت للصقر والحمامه👌

[غُـ‘ـُربُـ‘ـُهـُ‘ـُ @asssdd93]

أنا مسالم ما أحب العداوات
العمر فاني والليالي قصيره

ترى السكوت أحيان مثل الأجابات
الصمت نعمه له معاني مثيره

اللي يعيش الوقت عنده قناعات
لا مات يبقى عند الأجيال سيره.

[غُـ‘ـُربُـ‘ـُهـُ‘ـُ @asssdd93]

لولا الشيمه الي قيدتنا وحنا احرار
خذينا مطالبنا من الوقت بالراحهه

[غُـ‘ـُربُـ‘ـُهـُ‘ـُ @asssdd93]

يانور عيني ماني براعي غياب
انا بعد غيبتك كني حـجــر

باب المحبه فاتحً باب العتاب
والله مانقوى ولا تقوى الهجر

ان كان في قربك وفي بعدك عذاب
غيابك اكبر ذنب ومقابلك أجر

انا بعدك اصك دون الباب باب
واجلس من المغرب ليا اذان الفجر

[غُـ‘ـُربُـ‘ـُهـُ‘ـُ @asssdd93]

سود الليالي هيّنه لا تحاتين
اذا على سود الليالي ؟ عوافي

اجل لا عشتي عيشتي وش تقولين ؟
لا القلب متطمن ، ولا الرمش غافي

والله يا مرّت على عمري اسنيْن
كانت تمشيني على الجمر حافي !

قضيتها في : ضيق صدر و سهر عين
ماني مقضيها على فراش دافي

[غُـ‘ـُربُـ‘ـُهـُ‘ـُ @asssdd93]

لا تعاتبني .. ترى ما على مثلي ملام
والحبيب اللي يغيب مايغيب بلا سبب

والله انك لو تحاول اني أحكي ألف عام
بسكت ولو راعد الشوق في قلبي ضرَب

والغياب اللي تشوفه ماهو من قل اهتمام
الغياب اللي تشوفه شخص من همّه تعب

لا تبرر .. والعذر ما عاد باقي له مقام
شخص حبك مايبي غيرك ولو غيرك عرب

[غُـ‘ـُربُـ‘ـُهـُ‘ـُ @asssdd93]

ترى  الفساد  العاطفي ماله علاج
اخذ  الكلام  الواقعي  والحقيقي

حاول تواصلني إلى صرت محتاج
وحاول تحس  بكثرهمي وضيقي

[غُـ‘ـُربُـ‘ـُهـُ‘ـُ @asssdd93]

حاول اصحابك يكونون ناس معينين
و دوّر الواااافين لو فالزمن يـ قلهم

ولا تكثرهم ترى كثرهم مااااهو بـ زين
زحمة الاصحاب يمكن تغيّر دلّهم

حط لـ الفزعه ثلااااثه و لـ الخوه اثنين
وان تعكّر جوّك اسحب عليهم كلهم :)

[غُـ‘ـُربُـ‘ـُهـُ‘ـُ @asssdd93]

يرضيني إني عشت وافي ولا برت
واعلنت بالهرج الصحيح انطباعي

زاد النفاق الاجتماعي وانا صرت
ماعاد احب اصير شخص اجتماعي

[غُـ‘ـُربُـ‘ـُهـُ‘ـُ @asssdd93]

يالله انك على بعض المواقف تعين
نستحي من وجيه ماتعرف السحا

ان حشمنا المهبل سبة الطيبين
ابلشونا المهبل في المسا والضحى

وان وطينا المهبل وطية القادرين
يمكن ان الشوارب تزعل من اللحى

[غُـ‘ـُربُـ‘ـُهـُ‘ـُ @asssdd93]

تجاوزت ذيك الليلة اللي بدون شعور
على صدري رماح الحسايف تركزها

تجاوزتها مجبور ولاّ ماني مجبور
انا ما هقيت اني بيوم اتجاوزها

لياليك راحت دون عفوًا ولا مشكور
من اللي حصل مافيه حاجة تميّزها

تلاشت ما باقي منها ملح ولّا نور
ولا زينها يلفت ولا عطرها يزها

[غُـ‘ـُربُـ‘ـُهـُ‘ـُ @asssdd93]

وش رايك الليله نقضيها سهر
وخذني معك اخر الليل العتيم

منك ابي الليله فقط ما تعتذر
مشتاقلك مشتاقلك والله العظيم :)

[غُـ‘ـُربُـ‘ـُهـُ‘ـُ @asssdd93]

لا تعاتبني .. ترى ما على مثلي ملام
والحبيب اللي يغيب مايغيب بلا سبب

والله انك لو تحاول اني أحكي ألف عام
بسكت ولو راعد الشوق في قلبي ضرَب

والغياب اللي تشوفه ماهو من قل اهتمام
الغياب اللي تشوفه شخص من همّه تعب

لا تبرر .. والعذر ما عاد باقي له مقام
شخص حبك مايبي غيرك ولو غيرك عرب

[غُـ‘ـُربُـ‘ـُهـُ‘ـُ @asssdd93]

نمشي على الأرض دام الأرض ممتده
و إن أظلم الليل ما تهنا ولا . . ضعنا

عشنا التجـارب و ذقنا الليِن والشده
وعجايب الوقت توجعنا . . و تنفعنا

[غُـ‘ـُربُـ‘ـُهـُ‘ـُ @asssdd93]

شعور هاللحظه .. شعور البدايه
بين القديم من السكك والمنازل

شعور من يبغى الرضا و الهدايه
ويواجه أنواع الحيل . . والمهازل

غريب ٫ ماله من ورا الناس غايه
و بينه وبين الواقعيه. . عوازل

راحت حياته ٫ ينتظر .. والنهايه
يوم اقترب من كل حاجه تنازل!!

[غُـ‘ـُربُـ‘ـُهـُ‘ـُ @asssdd93]

والله مدري وش آقول .. ووش اخلي
من يوم قلبك وعدني واختلف وعده

وشلون ابنسى هذاك اليوم .. يا خلي
يومٍ !.. عن الواقع الملموس يا بعده

آتذكر .. ( الوقت و التاريخ ) ، بالملي
أربع ونص الاحد عشرين ذي القعده

شكراً جزيلا على جرحك هذاك اللي
ماعاد حسيت بـ جروح الزمن بعده

[غُـ‘ـُربُـ‘ـُهـُ‘ـُ @asssdd93]

لاتراخى للحزن مهما نمى
ولا تبين للعرب انك حزين
لوجروحك تنزف بروحك دما
اتكل بالله وابـشـر باليقين
والهوى معذور قلبك به عمى
واعرف ان الله يحب الصابرين
لاتشكى لو تموت من الضمى

[غُـ‘ـُربُـ‘ـُهـُ‘ـُ @asssdd93]

يا كثر العيون اللي تبي شوفتي كثراه
وقلوبٍ تتمنى جيّتي و تدور مثل جمالي

وأنا لا سمحت أقفيت واللي وراي أجفاه
أخليه في فاله و أنا أروح في فالي

ما كني عرفت أسمّه ولا عشت وياه
ذا طبعي الأول .. وذا طبعي التالي