لا تذكر افعالٍ مضت امس والعام
انسى الدقيقه اللي بَعَدها دقيقه
لا تلتفت للي وراء شوف قداااام
ماخلفك الا دمعتينٍ وضيقه
لا تبني لاحبابك من الماضي خيام
اهدم خيامٍ جعلها للحريقه
انسى مواقفهم معك اطلق احكام
حاول تناساهم با اية طريقه
لا تقول عوني ومحزمي مامن حزام
كسّر براويز الصديق و صديقه
لا تتبع ظنون وعشم كلها اوهام
هذي الحقيقه كان تبغى الحقيقه
#ودّ
اما أكون و اما أكون
ما هو أنا اللي ما أكون
أقوى العنا ياخي لعنه
في من بغاني ما أكون
ما انكسر لو انكسر
أجبر كسوري والجروح
أبني حجر فوقه حجر
وارقاه لو هم يرفضون
فيني الأنا وابقى أنا
في عزتي في وقفتي
مالي مكان إلا هنا
فوق السحايب والمزون
#ودّ