تزوجت انا في عمر الـ ٣٠
كنت وين ما اروح يسألوني "ساره ليش ما تزوجتي؟"
عمري ما رديت على أحد رد قاسي لأن أدري دافعه حب .. و ممكن بنظرها تكون متحسفه علي .. او ممكن جذي مجرد كلام الناس احيانا تتكلم لمجرد الكلام ..
لكن في الحقيقة كان يضايقني شوي .. لأن فعلاً ليش ما تزوجت؟ .. اشدراني! .. شنو الجواب المطلوب؟! ..
و كل بنت بعد هالسؤال يجيها شعور ليش ما جاتني الفرصة ليلحين .. هل راح تصير او لا ..
و لما تزوجت .. صار انا يجيني فضول للبنات اللي ما تزوجوا رغم جمالهم و اخلاقهم (و دافعي من داخل اني اتمنى لهم الخير) " لكن عمري ما سألت" اي وحده ليش ما تزوجتي! .. الا اذا هي فتحت الموضوع معاي ..
لأني ممكن افتح عندها تساؤلات ممكن اهي نفسها ما عندها إجابة ..
مخلص الكلام ..
بعض الكلام يجرح حتى لو دافعه حب ..
و الله يرزق كل بنياتنا الزواج السليم 🤍
يعجبني الحُرَّ الذي لا ينتظر موافقة عيون الآخرين على الكلمة التي يؤمن بها ، ولا يتلعثم لسانه حين يدافع عن بريء تتهمه مجموعة يصعب مخالفتها ولا يبالي حين ينفر منه القوم ، فثمن كلمة الحق ثقيل لا يستطيعه الا الراسخون في المبادئ