العنود

من يَدنُ مني تدنُ منه مودتي

[العنود @aud_89]

عليك سجّـات الشكر والحب وعيون الثنا
وعليك قلبٍ لا زرعته صبر وْوصالك حصاد

ينهـزّ لك هـزّ الغصـون اللينـات ام الجنـا
حتى تطيح من العروق الخضر نجمات السهاد

وصرت اجتمع لك بالضلوع اللّي غديت لْها ضنا
لين انتثر لك في سطـور العشق والقاك المـداد

[العنود @aud_89]

ليلة البارح وحيد ومبتعد عن كل صوت
بين تأنيب الضمير وبين ذكرى وامنيات

مادريت ان الضجيج يزيد لاطال السكوت
لين لجة صرخة احلامي من الاربع جهات

عاد انا اللي عادته حسن التصرف والثبات
صرت ادور في وجيه العابرين ادنى ثبات

[العنود @aud_89]

تمشي على جرة ظنوني رجولي
اقبل بدون اسباب واصد لاسباب

مهما يمر العمر قلبي طفولي
وظني بعيني ينقرا مثل الكتاب

حلفت احقق للاماني وصولي
لو بيني وبين الرجاء تلة ارقاب

[العنود @aud_89]

انتزع عن وجه حلمك كل خوف
وافرض بروس المعالي سطوتك

وعن طموحك لا تعذر بالظروف
اصنـع ظروف تليق بـ هقـوتك

[العنود @aud_89]

عينت قلبي قليل الفود
مالي خبر فيه وانت ادرى

اليا تذكـرك زاد لهـود
وان سج بسيرتك هذرى

ان غبت ماكن احد موجود
لله ولا كـن احـد يطـرى

[العنود @aud_89]

When it’s time for revenge
But you’re strong mindset, soft heart

[العنود @aud_89]

صاحبك ياصاحبي ماهوب دايم سالي
صايرٍ من فتره ، ادنى ما يضيّق صدره

قل منسوب الثقه عند العرب من تالي
لين صار العاقل المحسوب ماله قدره

[العنود @aud_89]

والله ان آقف على شانها في المياديني
إلين يضحك حجاجها وتصفق ايديها

💕 ولا غيـرها جعـل الله يعطـيني
البـر فيها والرضـى والله يخليـها

انا افدا رجليك وانتِ اللي تامريني
يا احب خلق الله من اولها وتاليها

[العنود @aud_89]

اسافر من محطات الخيال لـ وقفة التفكير
واغني باللحون الي صداها يطرب اسماعي

[العنود @aud_89]

معك ادور ما يجر السوالف والقصيد
و مع جميع الناس حتى الكلام يغثني

[العنود @aud_89]

الضعافه . ما توردك المناوي
مايوردك الشفوف الا الشراسه

لا تفكر بالمحاسن والمساوي
ما ورى التفكير غير الانتكاسه

انطح صياح العزاوي بالعزاوي
واترك اصحاب السياسه للسياسه

[العنود @aud_89]

@nnooonnlll الي ودك ياقلبي

[العنود @aud_89]

واحدٍ من كثر ما الله مالحٍ منطوقه
ودك تسولف معه ولا تذوق العيشه

[العنود @aud_89]

ضلوعي على ساعة مجيه ومسياره
تغني له العرضه وتضرب له الطبله

[العنود @aud_89]

لاصار طبعي يا ابيض الوجه دماح
لا تحسب اني ميت القلب والروح

بعض الخطايا موجعة كانها رماح
وبعض الخطايا تاخذ شوي وتروح

[العنود @aud_89]

ما سألت الليل . عن نور القمر
ولا طلبت الشمس تمهل بالرحيل

وما رجيت الوقت يقبل لي عذر
والعوض والعذر في حقي قليل

من لقى قربي لقى كل العمر
ومن لقى فرقاي مايلقى بديل

لو اغيب اترك من الذكرى اثر
مايطيقه قلب لو صبره جميل

[العنود @aud_89]

من لا يعس الدرب من قبل ممشاه
يطيح في جمر غطّاه الرمادي

ومن لا تركد بالهدف قبل مرماه
ترميه ناسٍ رميها بالركادي

[العنود @aud_89]

@3reeb_0 وشلون يعني!!

[العنود @aud_89]

على كثر ما زانت وشانت ما يبس الريق
ما تستاهل الدنيا لا مدحي ولا ذمّي

صغاير الامور يكبّر أحجامها التدقيق
وكباير الامور إن جات ما فوّرت دمّي

طبيعي أعيش وخاطري ما يعرف الضيق
أنا كل ما قلت " الله اكبر " صغر همّي

[العنود @aud_89]

رحلتي من راحتي لين إنزعاجي
ما أتعبتني .. دامها دون الكرامه

كم مصيبة حاولت تعقد إحجاجي
وحلّها الله بين آذان وبين إقامه

عقبها حلفت ما أعكّر مزاجي
وقمت ادور للحياة وللسلامة