فيه بعض الأمور ودي أتكلم عنها بكل احترام، لأن الهدف هو التطوير، والنقد إذا كان في مكانه يفيد الجميع.
أولًا، الأهزوجة كان المفروض تنزل قبل البطولة بفترة كافية، مو بعد الوصول. كل ما نزلت بدري، صار فيه وقت للجمهور يحفظها ويتفاعل معها، ويكون صوت المدرج حاضر من أول مباراة.
ثانيًا، المسيرات الأخيرة ما كانت بالمستوى المأمول. التنظيم ما كان واضح، وما شفنا سيناريو أو تحضير يليق بحجم المناسبة، ووصل الأمر إن البنر يجيبه شخص من خارج التنظيم، وهذا شيء المفروض ما يصير.
ونحن مقبلين على بطولة كأس آسيا، والأهم أنها بتكون على أرضنا وبين جماهيرنا. من غير المقبول إن يجي جمهور منافس ويكون صوته أعلى من صوتنا في أرضنا. هذي بطولة تحتاج استعداد مبكر، وتنظيم، وعمل حقيقي من الآن، مو وقت انطلاقها.
وأخيرًا، المرحلة تحتاج ناس عندها عطاء أكبر، وروح أكثر، واستعداد تبذل وقتها وجهدها، لأن لكل زمانٍ دولةٌ ورجال.
هذا الكلام كله من باب الحرص، لأن هدفنا جميعًا نشوف المدرج السعودي بالمستوى اللي يليق بالمنتخب وجماهيره.
يعطيك العافيه قل من اول تبي تتكلم عن الرابطه
اعرفلك رابطه حاولوا يتطورون طبعا بنراتها وتندراتها واعلامهم بالانقليزي وفوقها يقلبون الاعلام ويحطون بنرات الترحال في ملعبهم ( تطور خليها على الله )
اما بالنسبه تكتب بالانقليزي تطور تكتب بلغه ثانيه انسلاخ تخليني أترفع اني أتناقش معك والله 😂
@THELPERLO ياحبيبي كتبت بالإسباني مو معناته منسلخ 😂
اللغة وسيلة مو مقياس انتماء، وإنت أصلاً اسمك بالإنقليزي وتصاميمك كلها بالإنقليزي وجاي تتفلسف على الناس روح الله يرضى عليك .
الحمد لله دائمًا وأبدًا..
انتهى الموسم الرياضي
لكن فخر الهلالي بناديه لا ينتهي ..
- شكرًا لجمهور الهلال العظيم في كافة مناطق المملكة وكل دولة يلعب فيها الزعيم .. مهما نقول ما نوفيكم حقكم ، أنتم دائمًا الرقم الصعب، والسند والقوة لناديكم.. يا حظ الهلال فيكم 💙
- باسمي ونيابةً عن إخواني أعضاء القوة الزرقاء:
نعتذر أن كان هناك تقصير ، يعلم الله أننا اجتهدنا وعملنا بكل ما نستطيع لخدمة الهلال ، وإظهار المدرج بالشكل الذي يليق بجمهوره العظيم .
- نتطلع لموسم قادم أجمل بإذن الله لمدرجنا ، بدعمكم ووقفتكم ،، وقريباً سيكون هناك وسيله تواصل لسماع اقتراحاتكم وآراءكم ..
ختامًا..
الحمد لله أني هلالي..
الحمد لله أني جزء من أعظم جمهور 💙
نلتقي على خير 💙💙