Ausy

[Ausy @ausy_ibrahim]

@bankofmaldives

[Ausy @ausy_ibrahim]

@bankofmaldives @MaagiriHotel Family
Patience

[Shafeeu Abdullah @shafeeu26]

ޤައުމާއި ދީނުގެ ޙައްޤުގައި ބަސް ނުބުނެވޭ ޢިލްމުވެރިކަމަކީ ޢިލްމުވެރިކަމެއްތޯއެވެ؟ ޤައުމާއި ދީނުގެ ޙައްޤުގައި ރައްޔިތުންނަށް ހެޔޮ ގޮތް ބުނެ ނުދެވޭ ޢިލްމުވެރިކަމަކީ ޢިލްމުވެރިކަމެއްތޯއެވެ؟ ޤައުމާއި ދީނުގެ ޙައްޤުގައި ރައްޔިތުންނަށް އެންމެ ލާބައާއި މަންފާ ހުރި ގޮތަކީ ކޮބައިކަން ބުނެ ނުދެވޭ ޢިލްމުވެރިކަމަކީ ޢިލްމުވެރިކަމެއްތޯއެވެ؟

ބައެއް މީހުން ބޭނުން ވަނީ ޢިލްމުވެރީން މިސްކިތްތަކުގައި ބަންދުކޮށްފައި ބައިތިއްބާށެވެ. އަނެއް ބަޔަކު ބޭނުން ވަނީ ޢިލްމުވެރީން ޤައުމުގެ ހިނގާ ކުދިބޮޑު އެންމެހާ ކަންކަމުގައި ޙައްޤެއް ބާޠިލެއް، މަފްސަދާއެއް މަޞްލަޙަތެއް ބެލުމެއް ނެތި، އެބައިމީހުންނާ އެކު މަގުމައްޗަށް ނުކުމެ އަވަގުރާނަ ގޮވައި، މީހުންގެ އަބުރު ކަތިލައި، މީހުންގެ ބޮލުގައި ދޮގު ތުހުމަތު އަޅުވައި މުޒާހަރާ ކުރުމަށެވެ.

މި ކަމެއް މި ހިނގަނީ އާންމުކޮށް ހުރިހާ ފަރާތަކުންނެވެ. އެއީ މިއަދު ވެރިކަމުގައި އޮންނަ ސަަރުކާރަކާއި އެ ސަރުކާރަކަށް ތާއީދުކުރާ ރައްޔިތުން ނަމަ، އެ ބަޔަކު ބޭނުން ވާނީ ޢިލްމުވެރީން އެ ސަރުކާރަކުން ކުރާ އެއްވެސް ކަމަކަށް ފާޑު ނުކިޔާ ތިބުމަށެވެ. އެ ސަރުކާރަކަށް ތާއީދުކޮށް، އަބަދު ޘަނާގެ ރަންހާރު އޭރަކު ހުންނަ ވެރިޔާއަށް ބަރުތީލަކޮށްކޮށް ތިބުމަށެވެ. އޭގެ އިތުރުން ސިޔާސީ އެއްވެސް ކަމަކާ ޢިލްމުވެރީން ނުބެހުމެވެ. އެއްވެސް އެއްޗެކޭ ނުބުނުމެވެ. އެބައިމީހުންގެ ބަހުން ނަމަ، ދީނީ ޢިލްމުވެރީން ތިބޭންވީ މީސްތަކުންނަށް ހެޔޮ ގޮތް ބުނެދިނުމަށެވެ. އެބައިމީހުންގެ މާނައަކީ ދީނީ އަޅުކަމުގެ ވާހަކަ އެކަނި ދެއްކުމެވެ. ސަރުކާރުން ދީނާ ދެކޮޅަށް، ޤައުމާ ދެކޮޅަށް ކުރާ އެއްވެސް ކަމެއްގައި އެއްވެސް އެއްޗެކޭ ބުނުމަކީ އެބައިމީހުންގެ ނަޒަރުގައި ޢިލްމުވެރީން ސިޔާސީވުމެވެ. އެއީ ގޯސް ކަމެކެވެ. އެއީ ޢިލްމުވެރީންގެ އަގުވެއްޓޭނޭ ކަމެކެވެ. ޢިލްމުވެރީންގެ ޢިލްމަށް މީސްތަކުން އިތުބާރު ގެއްލޭނޭ ކަމެކެވެ.

ހަމަ އެ ހިނދު، ސަރުކާރާ އިދިކޮޅު ޕާޓީތަކާއި ސަރުކާރާއި އިދިކޮޅު މީސްތަކުން ޢިލްމުވެރީންނަށް އެއްޗެހި ގޮވަމުން ދާނީ ސަރުކާރަށް ހިތަކަށް ވާ ވަރަށް ޢިލްމުވެރީން އެއްޗެހި ނުގޮވާތީއެވެ. މުޒާހަރާތަކުގައި ބައިވެރިނުވާތީއެވެ. ސަރުކާރު ބޮލުގައި އެބައިމީހުން އަޅުވާ ކަހަލަ ވައްކަމާއި ކޮރަޕްޝަނާއި އެހެނިހެން ތުހުމަތުތައް އެއްވެސް ހެއްކެއް ޤަރީނާއެއް ނެތި ޢިލްމުވެރީން ވެސް ނުކުމެ އެ ވާހަކަތައް ތަކުރާރުކޮށް ކޮޅުކޮޅަށް އެ ވާހަކަތައް ނުދައްކާތީއެވެ. އެހެން ނަހަދާ ނަމަ، ޢިލްމުވެރީންނަކީ ފިނޑި ބައެކެވެ. ޢިލްމުވެރީންނަކީ ސަރުކާރަށް ވިކިފައި ތިބި ބައެކެވެ. ޢިލްމުވެރީންނަކީ ޖާހިލުންނެވެ. ޢިލްމުވެރީންނަކީ ސަރުކާރުގެ ނޭއްގާނީ ކަންކަމުގެ ބައިވެރީންނެވެ. ހުރިހާ ވެސް ގޯހަކީ ޢިލްމުވެރީންނެވެ. ޢިލްމުވެރީން ސުކޫތުގައި ތިބޭ ތިބުމެވެ.

ދެން ހަމަ ސަރުކާރު ބަދަލުވެ، އިދިކޮޅު ސަރުކާރަށްވެ، ސަރުކާރު އިދިކޮޅަށްވެ، ރޯލުތައް ބަދަލުވާ ހިސާބުން، ޢިލްމުވެރީންނާ ދިމާލަށް މިބައިމީހުން ކިޔާ އެއްޗެހީގެ ރޯލު ވެސް ބަދަލުކޮށްލާނެއެވެ.

ބަޔަކު އަޖާއިބު އަންތަރީހެއް ނުވޭ ހެއްޔެވެ؟

މިއީ މިއަދު ޤައުމުގެ ހާލަތު ގޮއްސަ އޮތް ހިސާބެވެ.

ދަންވަން އޮތީ، ޢިލްމުވެރީންނަކީ ތިޔަ ބައިމީހުން ޗާބީ ދީފައި ކުޅޭން ގެންގުޅޭ ބުދުތަކެއް ނޫން ކަމެވެ. އަދި ޢިލްމުވެރީންނަކީ ތިޔަ ބައިމީހުންގެ ޕަޕެޓުންތަކެއް ވެސް ނޫން ކަމެވެ. އަދި ޢިލްމުވެރީން ދައްކާންވާ ވާހަކައާއި ދައްކާން ނުވާނޭ ވާހަކަތައް ވެސް އެންމެ ރަނގަޅަށް އެނގޭނީ ޢިލްމުގެ އަލީގައި ޢިލްމުވެރީންނަށް ކަމެވެ.

ޢިލްމުވެރީން ބަސް ބުނާނީ ދީނާއި ޤައުމުގެ ޙައްޤުގައެވެ. ސާތިބު ހިފޭ ކަންކަމާއި ވާހަކަތަކެވެ. ދީނާއި ޤައުމަށް ސީދާ ގެއްލުން ހުރި ކަންކަންމުގެ ވާހަކަތަކެވެ. ދީނާއި ޤައުމުގެ މަޞްލަޙަތުގެ ޙައްޤުގައެވެ. އެ ކަމުގައި ޢިލްމުވެރީން ބަލަންޖެހޭނީ ތިޔަ ރައްޔިތުންގެ ރުހުމަކާއި ނުރުހުމަކަށް ނޫނެވެ. އެ ކަމުގައި ޢިލްމުވެރީން ބަލާން ޖެހޭނީ މާތް ﷲގެ ރުއްސެވުން ހޯދުމަށެވެ. ބުނާ ބަހެއް އިޚްލާޞްތެރިކަމާ އެކު ތެދުތެދަށް ބުނުމަށެވެ. އެއީ ވަކި މީހެއްގެ ކަނދުރައަކަށް ބޮލަކަށް ބަލައިގެން ބުނާން ޖެހޭ ބަހެއް ނޫނެވެ.
ޢިލްމުވެރީންނަށް ވެސް ޤައުމުގެ ހިނގާ ކަންކަމަށް ބަސް ބުނެވޭނެއެވެ. ރައުޔު ހާމަކުރެވޭނެއެވެ. އަދި ކިއެއް، ބަސް ބުނުން ލާޒިމެވެ. ބައެއް ހާލަތްތަކުގައި އެއީ ފަރުޟު ކިފާޔަތަކަށް ވެސް ވެދާނެއެވެ. ބަސް ނުބުނެ ހުރުމަކީ އެ ޢިލްމުވެރިޔަކު ފާފަވެރި ވެދާނޭ ކަމަކަށް ވެސް ވެދާނެއެވެ.

ކަން މިހެން އޮތް އިރު، އެއީ އިންތިޚާބަކަށް ވިޔަސް، އަދި އެހެން ކަމަކަށް ވިޔަސް، ޤައުމަށް އެންމެ ފައިދާ ހުރި ގޮތާއި، ލާބަ ހުރި ގޮތް އެބައިމީހުންނަށް ލިބިފައިވާ ޝަރުޢީ ޢިލްމަކާއި، ވާޤިޢުގައި ފެންނާން ހުރި ކަންކަމާއި، ހެޔޮ ބުއްދިއެއްގެ ބޭނުންކޮށްގެން ރައްޔިތުންނަށް އެބައިމީހުންގެ ރައުޔު ފާޅުކުރުމަކީ އެބައިމީހުން ކުދިކުދިކޮށްގެން މަހާއި ކަށިވަކިކޮށްގެން އެބައިމީހުންގެ މަސް ރޮލާ ކާން ދިމާންކުރަން ޖެހޭ ކަމެއް ނޫނެވެ. އެބައިމީހުންގެ ބޮލުގައި ޚިޔާނާތާއި ނިފާޤުގެ ތާޖުއަޅުވާން ޖެހޭ ކަމެއް ވެސް ނޫނެވެ. ތިމާ ތާއީދުކުރާ ޕާޓީއަކާ އެއް ކޮޅަށް ނުވަތަ ތާއީދުކުރާ ކެންޑިޑޭޓަކާ އެއް ކޮޅަށް ޢިލްމުވެރީންގެ ރައުޔު ނައުމަކީ އެ ޢިލްމުވެރީން ހަވަރަށް ދޭން ޖެހޭ ސަބަބެއް ވެސް ނޫނެވެ. އެ ޢިލްމުވެރީންނާ ދިމާއަށް އަނގަޔަށް އާހާ އެއްޗެއް ކިޔާންވީ ސަބަބެއް ވެސް ނޫނެވެ.

އިސްލާމްދީނަކީ ހަމައެކަނި އަޅުކަމުގެ ދީނެއް ނޫނެވެ. މި ދީނަކީ މުޢާމަލާތުގެ ވެސް ދީނެވެ. މި ދީނުގައި ސިޔާސަތު ވެސް އެބަ އޮތެވެ. މުޖުތަމަޢުގެ ލާބައާއި މަންފާ ހިމެނޭ ކޮންމެ ކަމަކީ ދީނުގެ ތެރޭގައިވާ ކަމެކެވެ. އަދި ދީނީ ޢިލްމުވެރީން އެ ކަންކަމުގައި ރައްޔިތުންނަށް ތެދު މަގާއި ހެޔޮ ގޮތް ބުނެދިނުން ލާޒިމުކުރާ ކަމެކެވެ.

އެހެންވީމާ، ޢިލްމުވެރީންގެ ރައުޔާ ތިމާމެންގެ ރައުޔު ދިމާ ނުވީމާ، ތިމާމެން ޖެހިފައި ތިބި ސިޔާސީ ޖަޒުބާތެއްގެ ސަބަބުން، ނުވަތަ ޖެހިފައި ތިބި ސިޔާސީ ރޯގާއެއްގެ ސަބަބުން، ނުވަތަ ޖެހިފައި ތިބި ސިޔާސީ ޤަބަލީ ކަނު ތަޢައްޞުބެއްގެ ސަބަބުން، ނުވަތަ ޖެހިފައި ތިބި ބުއްދި ކަނުކޮށްލާ ފަދަ ދަލެއްގެ ސަބަބުން އެ ޢިލްމުވެރިޔާގެ އަގު ވައްޓަައިލާ، އެ ޢިލްމުވެރިޔާއަށް އަނގަޔަށް އައިހާ އެއްޗެއް ކިޔުމުން ދޭހަވަނީ އެފަދައިން އެ ކަން ކުރާ މީހެއްގެ ހުރި ނާތަހުޒީބީކަމާއި، އެ މީހެއްގެ ހުރި ނުކުޅެދުންތެރިކަމާއި ބޭއަދަބީކަމެވެ.

ޢިލްމުވެރިއެއްގެ ރައުޔު ތިބާއަށް ނުވިސްނުނު ނަމަ، އޮތީ އެ ޢިލްމުވެރިޔަކާ އަަދަބުވެރިކަމާ އެކު ސުވާލުކުރުމެވެ. އެ ޢިލްމުވެރިއެއްގެ ރައުޔު ބިނާ ކުރީ ކޮންކޮން ކަންކަމެއްގެ މައްޗަށްތޯ އެނގިގަތުމަށް މަސައްކަތްކުރުމެވެ. ތިމާއަށް ނޭނގޭ ވަރަށް ގިނަ ޝަރްޢީ މަޞްލަޙަތުތައް އެ ޢިލްމުވެރިޔާއަށް އެނގިފައި ހުރުމަކީ އެންމެ އެކަށީގެންވާ ގޮތެވެ. އެއަށް ފަހު ވެސް، ދެން ވެސް ތިބާއަށް އެ ރައުޔު ނުވިސްނުނު ނަމަ، އޮތީ އެ ޢިލްމުވެރިއެއްގެ ރައުޔަށް އިޙްތިރާމުކުުރުމެވެ. އަދި ތިބާ ތިބާގެ ޟަމީރާއި، ތިބާގެ ދީނާއި، ތިބާގެ ޢިލްމާއި، ތިބާއަށް ލަފާދޭ ހެޔޮލަފާ ޞާލިޙުންގެ މަޝްވަރާގެ މަތީން ކުރިޔަށް ދިޔުމެވެ.

[Shafeeu Abdullah @shafeeu26]

ދިވެހިރާއްޖެއާ އެކު ޒަމާންވީ ވަރަށް ގާތް ޚާރިޖީ ގުޅުން ދަމަހައްޓަމުންދާ އެތަކެއް ޤައުމެއްގެ އެމްބަސީތަކާއި އެމްބަސިޑަރުން މާލޭގައި އެބަ ތިއްބަވައެވެ. އެހަނަސް އެއް ޤައުމު ފިޔަވާ އެހެން އެއްވެސް ޤައުމެއްގެ އެމްބަސީން ދިވެހިރާއްޖޭގެ ދާޚިލީކަންކަމުގެ ތެރެޔަކަށް ދުވަހަކު ވެސް މި ގޮތަށް ވަދެފައެއް ނުވެއެވެ. މިހާރު ދިވެހިރާއްޖެއަކީ މިނިވަން މުސްތަޤިއްލު ދައުލަތެއްތޯއޭ ވެސް ސުވާލު އުފެދޭ ހިސާބަށް ކަންކަން ވަނީ ގޮސްފައެވެ.

މިއީ ދިވެހީން ބަލައިގަންނާން ޖެހޭ ކަންކަމެއް ނޫނެވެ. މިއީ ދިވެހީން ނޫނެކޭ ބުނާން ޖެހޭ ކަންކަމެވެ. މިހާރު މި އޮތް ސަރުކާރާއި ސިޔާސީ ލީޑަރުންނަށް މި ކަން ވިސްނޭންވެއްޖެއެވެ.

އިންތިޚާބުގެ ފުރަތަމަ ބުރުގެ ނަތީޖާއިން ދައްކަނީ ދިވެހީންނަކީ އެއްވެސް ޤައުމެއްގެ އަޅުވެތިކަމަށް ދާން ބޭނުންވާ ބައެއް ނޫން ކަމެވެ. ދިވެހީންނަކީ މިނިވަންކަމަށް ލޯބިކުރާ، ޤައުމު ދެކެ ލޯބިވާ، ޤައުމުގެ ކަރާމަތާއި ޢިއްޒަތަށް ނުހަނު އިޙްތިރާމުކުރާ ބައެއް ކަމެވެ.

[Troll Football @TrollFootball]

Liverpool when they notice the only thing that can stop them from winning the league is WWIII
(🎥: @Asa7betweet)