✯

﴿ رَبِّ ابْنِ لِي عِندَكَ بَيْتًا فِي الْجَنَّةِ ﴾

[✯ @avmmy]

اللهم اجعل اخر كلامي في الدنيا لا إله إلا الله محمد رسول الله ، اللهم اختم بها أقوالي ، اللهم توفني وأنت راضً عني ..

[✯ @avmmy]

ماعلمك صمتي وش كثر فيني كلام؟
ولا انا بس الي احسك واسمعك

ماذكرك مُر الجفا بحلو الغرام؟
ولا انت بالثنتين ماتفرق معك؟

لايخدعك هالبعد لو مر بسلام
ترا اول ايامه يا حبيبي تخدعك

بكره بتجيك ايام ماتقدر تنام
يجيك الوله وذكراي حيل بتوجعك

[✯ @avmmy]

صاير غريب وجيتك ما تطول
الظاهر أن قلبك تبدل غرامه

أما تجي كلك على الطبع الأول
وإلا فمان اللّٰه ودرب السلامه

[✯ @avmmy]

ما كل من ودّع خسر ولا كل من بقى مرتاح
بعض الغياب راحة وبعض البعد كرامه

[✯ @avmmy]

كثر ما كنت أخاف المفارق صرت أشوفه خير
مثل ما كنت أخاف من البحر قبل اطلق شراعي

غديت أودّع المقفي ولا أحب أسمع التبرير
أشوف إن التفاصيل الكثيرة ما لها داعي

فـ أنا يا اللي تظن إني بدونك ما أحسن التدبير
هجرتك وأشتعل نور الحياة و زانت اوضاعي

[✯ @avmmy]

أرتاح لا يمكن أضرك مع الوقت
ماني من الي لو يفارق يعادي

حتى لو إنك بـ العداوه تفوقت
أنا أصيل ما أخون المبادي

[✯ @avmmy]

لا تحسب انك باطباعك كسرتني
يعلم الله ماكسرت الا غــلاك

[✯ @avmmy]

الأصول محد يتعلََّمها، يا تتربّى عليها
يَا تعيش طول عمرك تسمع فيها

[✯ @avmmy]

مدّيت كفّ الوصال وطال انتظاري
الله يسامحك، مدري الله يسامحني

وش فيها لو سألتني عن آخر أخباري؟
ترى ما جاك مني غير كل خير

فرشت لدروبك الورد وأنا والله داري
ما يملا عيونك لو عطيتك عيوني

[✯ @avmmy]

من لا يعـدّك ربــح .. لا تـعـدّه خسـارة
وارفـع مقامــــك عن هـوى كل منّــان

الـطيـب فـينــــا مـا نـبي لــه تـجــارة
واللـي يـبي الفرقــى له الـدرب عنـوان

[✯ @avmmy]

قابل ظروف الوقت بـ الصدر الوسيع
ماتجهله فـ السبت تدري به الاحد

اللي يخاوي كل خلق الله يضيع
لو كان تبذل فيه معروفك جحد

مثل الحياة اللي يخاويها الجميع
غرارةً ماعمرها دامت لـ احد

[✯ @avmmy]

من اللي يعيش أيام عمره بدون ظروف ؟
جميع الخلايق مرها الهم و أنهكها

لا تقضي حياتك بين كف القلق والخوف
تقدم و خوض اللي بقى من معاركها

لا ضاقت عليك الأرض مره وضاق الجوف
لا تطلب فرجها غير من عند مالكها

ما تستاهل الدنيا تلحق وراها حسوف
تعيش المقّدر ثم تمضي و تتركها

[✯ @avmmy]

لا تعاتبـني على قـل اتصـالي
وأنت تدري لو تبيني عند عينك

ولا تحاسبني على الغيبة لحالي
قبل تسأل أنـت وينك ، أنت وينك ؟

[✯ @avmmy]

ماحزنت الا على هقواتي وطيبي وظني
يوم كنت اظنه اطيب من على الدنيا لقيته

كنت اشوفه قطعه من قلبي وروحي ومني
وكنت اشوفه كل حلم وكل شي قد بغيته

ماهقيت انه بيحزني وعاده بيغبني
في وفاي اللي وفيت وفي غلاي اللي عطيته

ابتعد عني وهو ناذر نذر مايغيب عني
يلعن الله كل عهد وكل طيب قد هقيته

[✯ @avmmy]

وقلبٍ جرحته لاتحاول تداويه
خله يعاني من قساوة طعونك
بالله قلي ماحصل وش تسميه
أغلى حبيب لك بلحظه تخونه
حاولت بك ولا حصل شي أبيه
وخيبت ظنوني خيب الله ظنونك
تصفي لغيري بالمحبه وتغليه
وتبيع ناسٍ بالموده يبونك

[✯ @avmmy]

ماهي عوايدك تبطي ما تكلمني
مدري من اللي خذاك وغير أسلوبك

عن كل حاجة ب قلبك ما تعلمني
نسيت طيش الغلا وأيام محبوبك

أزريت لا أفهمك وأنت أزريت تفهمني
ماتدري إن القصايد كلها صوبك

اللّٰه على الصبر والسلوان يلهمني
عذروبي أغليك .. وأنت البعد عذروبك

[✯ @avmmy]

عطيتك اللي ما عطيت اقرب الناس
وعلقت فيك أحلام عمري و ضاعت

جيتك على وضح النقى رافع الراس
و طوعت لك نفسٍ عزيزه و طاعت

ابعتبر حبك مثل غلطة إحساس
وانت اعتبرني مثل فرصة وضاعت

[✯ @avmmy]

كل مانادوا سـميّك فز قلـبي عليـك
يوم مالك شبيه .. ليت مالك سمي

[✯ @avmmy]

السفر يشغل، لكن السؤال ما يضيع
واللي له خاطر، يلقى له ألف طريق

[✯ @avmmy]

لا تسأل الغايب عن سبب غيابه
من يرغب بك يعرف كيف يحافظ عليك