عوض محمد

[عوض محمد @awed418]

افنيت عمري في مساعي هقاويه
ليا قصرتْ احس كنّه يراني

لولاي أخاف يضيق به قبر ياويه
كبيتها مع غيبته في ثواني .

[عوض محمد @awed418]

خل أبو (بشت ضافي) ذاك أبو (صيت ضافي )
وين ما فاتت الهقوات يدرك مدددداها

ماخذ (ونعم) من عين الشجاع السنافي
مالقاها بقارعة الطريق وخذاها ✍️

[عوض محمد @awed418]

راعي الجود حتى المدح يحرج حجاجة
لو يقدم لقومه (نفس )عنده قليلة

اترك اللي لو يقدم لقومه دجاجة
وده انها توثق في سناب القبيلة

[عوض محمد @awed418]

يخالطه تاجر ويفصله معدوم
الحد بين الواجبة والجميلة
مايحمد اللي قام في واجبه يوم
والواجب اصله فرض ماهو فضيلة ✍️

[عوض محمد @awed418]

رغم بعدك وراي احس دايم بقربك !؟
كم تلفت لك والضيق من كل صوب
باقي تجير حتى وأنت بجوار ربك
لا تلبست بشماغك غديت مهيوب
...✍️

[عوض محمد @awed418]

رحل مـ اثقل علينا موته ، اثقل ذكره المحسوب
غدى مجرى النفس من حمله اضيق من ثقب الابرة

تعبنا ندحر ظروف الزمان ونشبع الماجوب
رضاء راسٍ نحسه يطّبخ لو كان في قبره ✍️

[عوض محمد @awed418]

عزاي فيه أن راح ما راح مجهول
باقي صدى اسمه حي في كل طالة

من هيبته ما طاح ظله على طول
عامين في قبره وانا في ظلاله ✍️

[عوض محمد @awed418]

جابك الله بخطوة سابقة للحياة
بدر ليلٍ قبل نصف الليالي كمل.

[عوض محمد @awed418]

الغشايش ماهي تمشي بكل الامور
والحقايق حقايق وأنت مالك لوا !

برقع البوم واجعلها بجنب الصقور
واتفل بوجه رجالٍ يراها سوا .

[عوض محمد @awed418]

يعف من المدايح واحدٍ جهده ملا الافاق
ويطلبها غشيمٍ حد جهده ما وصل كمه

مصيبة لاغديت تعالج الاخفاق بالاخفاق
وتبحث كل يومٍ في عيون الناس عن قمة.
✍️

[عوض محمد @awed418]

عقبك انازع الانفاس نزعي ثيابك
واتهاوى لدمعي واستشد بنباك

حمكة الله عطتني قوة ادفن جنابك
والتفت لليالي واتنفس وررررراك 🤲

[عوض محمد @awed418]

@KaKateb من أجمل الدورة التدريبية في حياتي وبشهادة الجميع الله يزيدك من فضله يادكتور خليل .

[عوض محمد @awed418]

عشت خايف يجي موته ولو ف اضغاث الاحلام
كنت من دافع الخيفة عليه أدفع منامي

ما وثقت اغمض العينين خابر غدر الأيام
وانحنت قوتي واغمضتْ عين وراح أمامي ✍️

[عوض محمد @awed418]

حاضرٍ لو ضاعت انفاس جوفي مايضيع
ينعدم ثلثين الاصحاب جعلي م اعدمه

تنقصر روس المطاليق من دونه جميع
خل عاد اللاش يقصر عن أطراف اقدمه .✍️

[عوض محمد @awed418]

@KwtTelevision قد كان متنه يحمل طويق ويقوم
مملي من اخماسه لراسه جسارة

وش غيّره !؟ عن عادته محزم القوم
متشوّهٍ صبره ويرعش وقاره!

ماهو بذاك اليوم لعزومه اليوم
عادت تميل به غلوووب الزرارة.

[عوض محمد @awed418]

خلك من اللي يكبر المنصب عليه
ودك بشيخٍ لاخذا المنصب ملاه

[عوض محمد @awed418]

في ظنك اني بس عديتك الناس
وانا معديك الجدي والثريا.

[عوض محمد @awed418]

كم فزعةٍ تثقل على كل رجال
جادو بها قبل المنادي ينادي

تكبر على عبّادة الجاه والمال
وتصغر على اللي يعبدون المبادي. ✍️

[عوض محمد @awed418]

ماهو اللي يروح أن هب ريح الطواري
ثابتٍ في معاليقي ثبوت معررروفه

ابذل الروح دون رضاه واثق وداري
كل تعبة ورى حشمة غلاه مخلوفة
✍️✍️✍️✍️✍️✍️✍️✍️✍️

[عوض محمد @awed418]

واللي خبرت (الضحك في راحة ايديه )
اليوم في (راحة يديه اختناقه)

من ضيقةٍ حتى النفس ماتعديه
لولاه يحتاله لجوفه سراقة !