Aya Embaby

[أحمد الجلاد @elgallad7]

للأسف حالتنا المزاجية مش ملكنا؛ في ظروف وحاجات مُحيطة بينا بتأثر جدًا على مزاجنا ونفسيّتنا، وما تقولّيش: "إعتزل ما يؤذيك" لإن في أذية بتيجي من تلقاء نفسها، في عكننة بتلاحقنا بدون أي تدخل منّا زي كلمة بايخة إتقالت من شخص قليل الذوق، خبر صادم عرفناه فجأة، ذِكرى حزينة تخطر على بالنا، حاجات كتير مُمكن تأثّر على مزاجنا اليومي، ودي حاجة بشعة جدًا الحقيقة.

[شروق @shroukgabr62]

لا بس مجنون اوي حوار اننا كبرنا لدرجة أن المشاعر مبقاش ليها حيز في حياتنا

أنت ممكن تكون منهار داخليًا
بس عادي جدًا هتصحى الصبح تشوف شغلك أو دراستك وتبتسم في وش دا ودا
وتتعامل عادي وتكمل يومك كأن مفيش حاجة.")

[﴿وَاغْفِرْ لأَبِي﴾ @sj_512]

عندما يموت أبًا عظيم، فإن الضوء الذي يتركه وراءه لسنوات يظل موجودًا في دروب أطفاله

[Lara @lara_elmoghazy]

وقد تبكي لأسبابٍ أخرى لا علاقةَ لها بالفُقدان أو الخَيبات والخذلان،
تبكي ليس لأنّ قلبك يوجِعك؛
بل لأنّ الأفكار في رأسِك لا تتوقّف،
لأنّك تفكّر في كلِّ شيء،
ولأنّك تعبت من التّفكير.

[Hager abdelbaset @Hager_189]

حاسة إني عندي كمية مشاعر بطريقة غريبة.

غضب على حُزن على فقد على فقدان طاقة
على إحساس بعدم الإنتماء لأي حاجة
على بكاء مؤجل
وغيره كتير..

الله يجبر الإنسان
ولا يحرمه بذنوبه والله.")

[﴿وَاغْفِرْ لأَبِي﴾ @sj_512]

اللهُم انظر إلى أبي وأنت تُباهي به ملائكتك و تقول إني أحبه فاسعدوه وأكرموه ومتّعوه بنعيمي الذي لا يفنى ولايزول

[1907 @Aymanyasser0]

الناس عارفين كل حاجه إلا حدودهم

[Sara Fadl @SaraFadl20]

الإنسان مُجبر يشتغل وهو معندهوش طاقه
مٌجبر يشتغل وهو هلكان نفسيًا و حزين
مٌجبر يبتسم ف وش الناس وهو ميت من جواه
و دي أقسي حاجة ممكن الإنسان يعملها ف حق نفسه و نفسيته
فاللهم هون

[Ackerman @heyLazy_]

عارف لما تحس إنك بلا حيلة ومفيش في ايدك حاجه تعملها بس أنت تعبت ومش قادر ولازم كل ده ينتهي علشان أنت جبت اخرك خلاص" اهو ده أنا الفتره دي.

[𝒜🥂 @AmiraKasem_00]

التخلي عن حاجة روحك فيها عشان تحمي نفسك من الأذى ده أصعب وأشجع قرار ممكن تاخده في حياتك

[Lara @lara_elmoghazy]

علي فكرة أنا كمان عندي قصة وجعتني أوي بس اخترت أكون طيبة مع الكل ومخدهاش شماعة أبرر بيها تصرفاتي مع غيري.

[أبوالوفا @Aboul_Wafa]

قالت: الإنتظار أسوأ من الأخبار.
#جلسات_الخميس

[AHMED @SaidAsaadSaid]

مش لازم تفضل مُتاح لكل الناس لمُجرد إنهم عرفوك أو كانوا جزء من حياتك في وقت من الأوقات، فيهِ فرق كبير بين القرب وبين الإحساس بالإستحقاق.
ومن حقك تحط حدودك وتحافظ على راحتك، لأن معرفتهم بيك مش معناها إن ليهم حق دائم في وقتك أو طاقتك.

[أحمد الجلاد @elgallad7]

لما شخص بحبّه يزعلني، الموضوع ما بيبقاش مجرد زعل أو قمصة وخلاص.
أنا بجد نفسيّتي بتتعب جدًا، ويومي كله بيتأثر، وما ببقاش طايق حد، ولا حاسس بمتعة في أي حاجة بعملها.

حتى الحاجات اللي بحبها وبتبسطني، وقتها ما بيبقاش ليها طعم، كأني مش حاضر.
بعترف إنّي لما بزعل باخد على خاطري قوي، والزعل ده بيسد نفسي عن كل اللي حواليا،
وبيستنزفني وبيتعبني بشكل كبير.

[سُهيله✨ @sohaila12366]

الناس دايمًا بتحسسك إن في حاجة فايتاك:

خلصتِ تعليم؟ هتشتغلي إمتى؟ اشتغلت؟ هتتجوزي إمتى؟ اتجوزت؟ مش هنفرح ببيبي بقى؟ خلفتِ؟ مش هتلّحلحي وتجيبِ التاني؟

مع إن الواحد بيبقى راضي جدًا عن المرحلة اللِّي هو فيها وشكل حياته دلوقتي، وأكيد طبعًا بيتمنى حاجات تانية حلوة تحصل زي بقية الناس

[أحمد الجلاد @elgallad7]

مُُندهش من قُدرتي على تجاوز الأشخاص في حياتي.
كنت شخص عاطفي جدًا، وبتمسّك بكل الناس، ولما حد كان يغيب عنّي كنت بدوّر عليه، أعاتبه وألومه: إزاي قدر يبعد؟

لكن دلوقتي الوضع اختلف تمامًا.
بقيت عايش حالة اكتفاء ذاتي مش طبيعية؛
ما بقيتش أدور على حد، ولا مستني حد يسأل عليّا.
لو كلموني برد عليهم، ولو ما كلمونيش لا بزعل ولا بحس إني مفتقدهم.

الحقيقة إني بقيت مُكتفي بنفسي، بهدوئي، وبالكام شخص اللي ماليين عليّا حياتي.

[أحمد الجلاد @elgallad7]

أنا لما بتساب لوحدي ما بهداش.
ولو فاكر إنك لما تزعلني وتسيبني فترة، وترجع تلاقيني نسيت وبعاملك عادي، تبقى غلطان.
والله حتى لو غبت عنّي سنين، مُجرد ما عيني تيجي في عينك هفتكر كل حاجة.

أنا شخص سهل تراضيه في وقتها، ومتجاوب، وبقفل صفحة الزعل نهائيًا من غير لف ولا دوران.
لكن لو فات الأوان، صدقني هتلاقي شخص تاني خالص؛
قلبه قفل، لا بسامح، ولا بصفّى،
ولا هدي فرصة تبرير، ولا حتى هسمع.

[أحمد الجلاد @elgallad7]

أنا مش شخص كامل، لكن صادق، ودي أكتر حاجة بحبها في نفسي.
مش مثالي 100% بس عمري ما بقدّم حاجة مُزيفة.
كلامي صادق، مشاعري صادقة، وكل حاجة بقدمها حتى لو بسيطة بتبقى طالعة من قلبي.
مستحيل أقول بحبك إلا لو بحبك بجد،
ومستحيل أقعد مع حد إلا لو مرتاح له وحابب وجوده.
أنا شخص واضح، ومؤمن إن مفيش حد مُجبر على حد، وعشان كده ثِق في أي حاجة بعملها عشانك، لأني ما بتعبش نفسي غير عشان الغاليين على قلبي.

[1907 @Aymanyasser0]

جت سليمة شوية مشاعر راحوا ف سبيل النضج

[Mira @AmiiraAyman]

إنك تتقفل من الشخص وتقرف منه أصعب وأقوى من إنك تكرهه