في سورة الكهف آية عظيمة تقول: {وَكَيْفَ تَصبِرُ عَلَى ما لَم تُحِط بِهِ خُبرًا}
فالإنسان، بنظرته المحدودة، يجد صعوبة في استيعاب ما يجري حوله أو إدراك الحكمة الخفية وراء الابتلاءات.
اللهم ألهمنا الصبر على ما لم نُحِط به خُبراً، وامنحنا الرضا بقضائك حتى تتجلى لنا حكمتك في كل أمر.
بيصعب عليا أوي لحظة إنتهاء العلاقات والله
اللي هو ليه!
ليه نصحى الصبح مش صحاب او مش حبايب
ومضطر اتخطى كل ذكرياتنا سوى كأنها لم تكن عشان أقدر أعيش!
خطوة إنتهاء العلاقات دي أصعب خطوة، وآخر خطوة بفكر فيها بعلاقتي باللي بحبهم حتى لو أظهرت عكس كده .
كل شوية أقول لنفسي: عادي، ياما هنمر بتجارب صعبة، هي دي الحياة، ومحدش هيتعلم بالساهل، دي دار شقاء.
لحد ما بقعد على سريري آخر اليوم،
وأعيط علشان مكنتش عايزة أتعلم بالطريقة اللي تسيب آثار تعيش معايا العمر كله، ومش عايزة أتكيف على حاجة غصب عني، عايزة أعيش راضية وبس.